Colossians 1

Lugbara (E’yo Siza Alatararu Munguniri BIBLIA)

Jump to: Chapter 2 →

1Paulo, ’ba Kristo Yesuni ti pele e’yo Munguni lelerisiri pi Timoteo adripi amani be,

2’Ba alatararu azini adripi asi adaru be Kristo ma alia ovupi Kolosaia ’diyi vu: ’Yeta anzutiri pi ma ovu emi vu asi anzuru be, engazu Mungu Ata amani vu.

3Ama ’yo awa’difo Mungu Opi amani Yesu Kristo ma Ata vu, Mungu zizu errusi etuzu ’dani.

4Te ama eri a’ita emini Kristo Yesu ma aliari pi ma e’yo, leta emini ’ba dria alatararu ’diyi lezeri be,

5e’yo teza kule tani mbale emi dri ’buari ma e’yosi. Emi eri ndra e’yo ’diri oko e’yo ada e’yo barini ovupi oluzaru,

6ecapi emi vu ’bori ma alia. Eri eca ’dinile angu wudrikuru dria ma alia, efi ’yazu azini i erezuekile erini ’yele emi eselia engazu o’du ndra emini e’yoni erizu azini I’yeta anzutiri Munguni adaruri nizurisirile,

7ekile Epafrani imba le emi dririle. Eri ama be ati’bo aziru lamani lele tu, ’ba ’ba aza kopi asi adaru be Kristo ma aliari’i;

8eri olu ama tia leta emini Orindi ma aliari ma e’yo indi.

9E’yo ’disi engazu o’du amani e’yoni erizurisi, ama’i indi ama kuru Mungu zizu azini ma ’bazu emisi ku, emi ma ga tre nita e’yo erini leleri nizurisi, onduaa dria pie, e’yo vaza Orindini feleri pie,

10emi ma ad ani onyiru ekile Opini lelerile, ayiko fezu eri dri e’yo driasi, efi ’yazu azi onyiru ma alia dria, emini zozu nita Mungunirisi.

11Emi ma isu okpo dria ekile diza erini ma okponi ovulerile, emini ecazu ovuzu asi teza be dria, azini asi ande kokoru be ayikosi,

12awa’difo fezu Ata ama ’bapi fudri ci awita ’ba ajatararu ’diyini isuzu diza ma aliari vu.

13Eri opa ama okpo ininiri ma aliasi, ama ofizu suru Mvi erini lele turiniri ma alia;

14onze ama Mvi erinisi e’yo onzi amani wuzu.

15Eri ovu wura Mungu ’bani ecole ndrele kurini, ’ba osile afa dria ’bale ’diyi ma drilia okori’i;

16a’disiku erisi Mungu ’ba ndra afa dria, ’bua azini nyakua, afa ndrele ra ’diyi pi ndrele ku ’diyi be, kani oguna opini, kani suru nyazani, kani opi nyazani, kani okponi-’ba ndra afa dria geri eri vorisi, azini eri ma e’yosi.

17Eri ovu afa dria ma drilia, azini afa dria eci yi tualu okpo erinisi.

18Eri ovu rua ma drini, rua nderi kanisa’i; eri e’dozani, ’ba osile oko engapi ’ba draza ma eseliari, eri ma ovu ani afa dria ’diyi ma drilia.

19Te Mungu ma milia eri onyiru e’yo dria gapi i ma alia tre ’diyi ma ovu Kristo ma alia,

20azini Kristosi eri ma eci afa dria ma ti i be agyiru dika, erini asi anzuru ’baria ari pati alaza erinirinisi, ’dini afa dria ma ovu erisi, kani afa nyakua ’diyi kani afa ’bua ’diyi.

21Te curu’do Kristo eci emi’i ’ba ndra ovupi ari ’baru azini jururu asisile emini ma alia azi onzi emini ’yelerisi ’diyi ma ti i be dika

22rua erini ari berini dralerisi, fezu ani emini pa sozu alatararu nyibile kokoru azini e’yo kokoru eri ma milia,

23emi ka ovu’dani a’ita ma alia, pa sozu jo eti okporu ma dria kirikiri, emini emi ojazu vile asi ’baza e’yo bari emini erileriniri kuzu ku. Yi olu e’yo baru ’diri afa Munguni ’bale ovupi ’bu etia ’diyi ma eselia ’dria; yi ’ba ma, Paulo, ’ba azi nde ma aza kopiri’i.

24Te curu’do ma ovu ayikosi candi mani isule emi ma e’yosirisi, te ma fe inzata Kristoni ma joloko acepiri ma ga tre rua mani ma alia rua erini ma e’yosi, ’di kanisa’i.

25’Ba ma ’ba kanisa nde ma aza kopiriru, ekile azi Munguni fele ma dri emi vu e’yo Munguni oluzu teketekerile,

26’di e’yo vale ku ovupi zizaru gbudrio engazu ewu ama a’bipi ’dayinisiri’i, te curu’do e’da e’yo nde ba alatararu erini ’diyi vu ’boo

27Mungu le fe ’ba ’diyi ma ni e’yo vale ku zizaru diza be ’diri ma lonyi ovu ngopi ya ’ba jururu ma eselia, eri Kristo emi aliari,’di asi ’baza diza tezuri,

28Ama olu ’ba ’diri ma e’yo, ’ba dria alu alu arizu, azini ’ba dria alu alu imbazu ondua driasi, ama ma fe ’ba dria alu aluni pa sozu ovuzu fudri ci Kristo ma alia.

29E’yo ’disi ma azi nga tu, o’bizu, asi driasi okposi, ekile eri ma okponi azi ’yele ma alia okposi turile.

Jump to: Chapter 2 →

Recommended Reading

Commentary Colossians Commentaries → Devotional Colossians Devotional Guide → Get This Bible Lugbara (E’yo Siza Alatararu Munguniri BIBLIA) Study Bible →