Jonah 2

Lugbara (E’yo Siza Alatararu Munguniri BIBLIA)

← Chapter 1 Jump to: Chapter 3 →

1Etu ’dasi Yona nga e’yo zi Yehova Mungu ini ma tia e’bi ma aliarisi,

2’yo ra, Ma wu ocoko mani ma e’yosi Yehova vu, te eri a’i ma ra ma wu engazu pari ’ba drazani ’diyini ma aliarisi, te mi eri ma 0’duko ra.

3A’disiku mi ’be ma yi aliru alia, kpere miri ma alia adikadi, yi adi ma ageiasi kuru etataru; yi mini ombupi omburi aga ma driasi dria.

4Ma ’yo ani kini, ’Be ma mi miliasi ziri ’bo; te ti, ma nga lu dika hekalu mini alatararuri vualeru.

5Yi ace ma kuru kpere orindi mani vu; yi aliru eci ma ageia kuru; omi ola ekila ma dri ci.

6Ma si kpere oni amboru ’diyi ma etia va; nyaku a’bu i ma dria ma ombezu kuzu iriti; te ti, mi enga idri mani ’bile ma aliasi ’bo, Yehova Mungu mani la!

7Etu icimakoroni ma orindi ’yezu vurisi, ma ega Yehovani ra; zita mani fi mi vu kpere hekalu mini alatararuri ma alia.

8’Ba e’yo toko toko inzoru egapi ’diyi avi drileba yini ceni.

9Te ma nga edeta ede mi dri o’duko awa’diforurisi; oyo mani soleri ma nga ofe ra. Pata enga Yehova vu!

10Yehova nga di e’yo ’yo e’bi tia, eri nga Yonani egbe angu a’wiru ma dria ani.

← Chapter 1 Jump to: Chapter 3 →