Isaiah 45

Lao Bible (ฉบับอักษรลาว)

← Chapter 44 Jump to: Chapter 46 →

1“ເຢຍ, ຕສ໊ຽວ, ອອນ ໄຊລັດ. ເຢຍ ນັ້ນ ນິ່ນ ເຍີຍ ບຢ່າວ ເຈັ໊ຍ ປົ໌ວ, ເຫວີ່ຍ ເບ໊າະ ຮີ່ງ ຢຽມ ນິ່ນ ເຍີຍ ວົ້ວ ດ່າງ ແໝງ ເຍີຍ ເຕສ໋ຍ ກົ໊ວະ ມ່ຽນ, ຢ່າ ອ໋ອຍ ໄຈ໊ ອກອຍ ຮູ່ງ ເບ໊າະ ຈ໋າ ເຍີຍ ລຸຍ-ໂຫວ. ເຢຍ ອ໋ອຍ ຢຽມ ນິ່ນ ເຍີຍ ວົ້ວ ດ່າງ ແໝງ ຄອຍ ອກອຍ ຕສີ້ງ ແກ້ງ, ຢ່າ ໄມ້ ປຸນ ຕສີ້ງ ແກ້ງ ກວນ. ຕສ໊ຽວ ກ໊ອງ ບົ໋ວ ໄຊລັດ,

2“ເຢຍ ອ໋ອຍ ມີ່ງ ດ່າງ ເມີ່ຍ, ໂຕສ໋ວ ປຸນ ບົງ ແປ້ງ ເດສ່ງ. ເຢຍ ອ໋ອຍ ເບ໊າະ ໝ່ວນ ຕົ້ງ ຊິ ແກ້ງ, ຢ່າ ຮງະ ດຸ໊ດ ເຮລັຍ-ແກ້ງ ຊອນ.

3ເຢຍ ອ໋ອຍ ເຕສ໊າະ ຢຽມ ຫຮມວັງ ຕສົງ ຈ໋າຍ ເຍີຍ ກະນ້າຍ ເຖສົາ ປີ໋ງ ເບວີ໌ຍ ເຍີຍ ຕ໋ອງ ເຍີຍ ຕສິ້ນ ຕສ້ອຍ ຈິວ ປຸນ ເມີ່ຍ, ເຫວີ່ຍ ປຸນ ເມີ່ຍ ຮິ້ວ ຕຸ໊ ຕສິ໋ວ ເມີ່ຍ ເຍີຍ ບົ໋ວ ເຫ່ວ ເມີ່ຍ ຕ້າຍ ວົ້ວ ເຕົ້າ ເຊ ເຢຍ, ຕສ໊ຽວ, ອິສະລາເອນ ເຍີຍ ທິນ-ຮູ່ງ.

4ເຫວີ່ຍ ເຢຍ ເຍີຍ ໂປວ, ຢາໂຄບ, ເຖສົາ ເຢຍ ກິ໊ນ ຕ້າຍ ເຍີຍ ອິສະລາເອນ, ເຢຍ ຕສິ໋ວ ເມີ່ຍ ເຍີຍ ບົ໋ວ ເຫ່ວ ເມີ່ຍ. ໄມ້ ກຸ໊ນ ເມີ່ຍ ໄມ້ ຮິ້ວ ຕຸ໊ ເຢຍ, ເຢຍ ຈາ ເມ່ງ ໂຫ່ ປຸນ ເມີ່ຍ.

5ເຢຍ ເຊ ຕສ໊ຽວ, ຢ່າ ໄມ້ ມ່າຍ ກັ້ນ ເຕົ້າ. ທສວດ ລິ໌ວ ເຢຍ, ໄມ້ ມ່າຍ ກັ້ນ ເຕົ້າ ທິນ-ຮູ່ງ. ໄມ້ ກຸ໊ນ ເມີ່ຍ ໄມ້ ຮິ້ວ ເຢຍ, ເຢຍ ປຸນ ທຈະ ເມີ່ຍ,

6ເຫວີ່ຍ ປຸນ ມ່ຽນ ຢຽມ ບະຮນອຍ ທສວດ ປູງ ເຖົາ ບະຮນອຍ ມວດ ປູງ, ຮິ້ວ ຕຸ໊ ເຢຍ ເຊ ຕສ໊ຽວ. ທສວດ ລິ໌ວ ເຢຍ, ໄມ້ ມ່າຍ ກັ້ນ ເຕົ້າ. ເຢຍ ເຊ ຕສ໊ຽວ, ຢ່າ ໄມ້ ມ່າຍ ກັ້ນ ເຕົ້າ.

7ເຢຍ ເຕສີ໋ຍ ອຈັງ ຢ່າ ເຕສີ໋ຍ ຫຮມວັງ. ເຢຍ ເຖສີຍ ຟຸ ຢ່າ ປຸນ ເຕສະ ໜ່ານ. ເຢຍ ເຊ ຕສ໊ຽວ. ເຢຍ ໂຕສ໋ວ ນ້າຍ ເຕີ໋ຍ ຢຽດ ຕສູ໊ງ ສີ່.

8“ໂອ ລູ່ງ ອ່າ, ໂທ້ ຕຸ້ຍ ບຢູ່ງ ເອຈ່ຍ, ໂທ້ ປຸນ ບ໋ວນ ຕຸ້ຍ ແປ້ງ ຟິມ ເຍີຍ ເຈົ໊າ ເອຈ່ຍ. ປຸນ ເດົາ ຄອຍ ອກອຍ ເຫວີ່ຍ ປຸນ ໂອຈ໋ວ ເອນ ທສວດ ຕ້າຍ. ປຸນ ແປ້ງ ຟິມ ຢຽດ ເອຈ່ຍ ທສວດ. ເຢຍ, ຕສ໊ຽວ, ເຕສີ໋ຍ ຕ້າຍ ເຍີຍ.

9“ຫາຍ ເຕົ້າ ເຖສົາ ເຕສີ໋ຍ ນິ່ນ ຕ້າຍ ວົ້ວ ເຕົ້າ ແດສງ ນໍ, ອ໋ອຍ ຕສຸ ໂຄ້ວ ອ໊ະ. ນິ່ນ ເຊ ຮນັ້ງ ເນຍ-ມໍ ເຖສົາ ນັ້ນ ເນຍ-ມໍ ຕສັ່ງ ແດສງ. ປະໄນ່ ເນຍ ໜ່າຍ ນັ້ນ ເນຍ ຕສັ່ງ, ‘ເມີ່ຍ ໂຕສ໋ວ ຫາຍ ຫຍູ່ງ’ ໄຟ? ໂຕສ໋ວ ຕ້າຍ ເຍີຍ ກະນ້າຍ ກ໊ອງ, ‘ເມີ່ຍ ນັ້ນ ເຍີຍ ກະນ້າຍ ໄມ້ ມ່າຍ ປົ໌ວ’ ໄຟ?

10ຫາຍ ເຕົ້າ ກ໊າມ ເຖສົາ ເຕຍ ແດສງ ກ໊ອງ, ‘ເມີ່ຍ ເຫວີ່ຍ ຫາຍ ຕິ່ວ ປຸນ ເຢຍ ທສວດ ຕ້າຍ ຮນັ້ງ ນ້າຍ?’ ໄຟ ນິ່ນ ກ໊ອງ ບົ໋ວ ນິ່ນ ເຍີຍ ມາ, ‘ເມີ່ຍ ຢູ໌ງ ທສວດ ຫາຍ ຫຍູ່ງ?’ ໜ່າຍ ນ້າຍ ຫຍູ່ງ ຫວ່າ ເຍີຍ ມ່ຽນ ອ໋ອຍ ຕສຸ ໂຄ້ວ ອ໊ະ.

11“ ຕສ໊ຽວ, ອິສະລາເອນ ເຍີຍ ທສີງ-ເດສ່ງ ທິນ-ຮູ່ງ, ເຊ ເຕສີ໋ຍ ອິສະລາເອນ ມ່ຽນ ວົ້ວ ເຕົ້າ ຮນັ້ງ ນ້າຍ ນໍ ກ໊ອງ, ‘ເມີ່ຍ ບົວ ໜ່າຍ ເຢຍ ເຖົາ ອ໋ອຍ ທສວດ ເຍີຍ ສີ່, ເມີ່ຍ ບົວ ໜ່າຍ ເຖົາ ເຢຍ ເຍີຍ ນ່າມ ໂຍ໌ວ ໄຟ ຫັດ ເຢຍ ເຍີຍ ປົ໌ວ ໂຕສ໋ວ ເຍີຍ ກົງ ໄຟ?

12ເຊ ເຢຍ ເຕສີ໋ຍ ປ້າມ ເກນ ຢ່າ ເຕສີ໋ຍ ມ່ຽນ ຕ້າຍ ຢຽມ ປ້າມ ເກນ. ເຢຍ ກັ້ນ ເຍີຍ ປົ໌ວ ທສອງ ລູ່ງ ຢ່າ ຫັດ ຢຽມ ລູ່ງ ເຍີຍ ຕສວັ໋ງ ເຫຮລີຍ.

13ເຢຍ ອ໋ອຍ ຫລົ່ງ ເຢຍ ແປ້ງ ຟິມ ເຍີຍ ຕສະເອີ໋ຍ ຫລຽບ ໄຊລັດ. ເຢຍ ອ໋ອຍ ຄອຍ ຕສະ ນິ່ນ ເຍີຍ ຕິ້ວໆ ເຈົ໊າ, ນິ່ນ ອ໋ອຍ ເຖສີຍ ເຢຍ ເຍີຍ ຕສີ້ງ, ຢ່າ ປູ໋ງ ເຢຍ ເຍີຍ ແປະ ຝີງ, ຕົ້ງ ຕສຸ ທສ້າງ ມີ່ງ ເຍີຍ ມ່ຽນ ດສ໋ວນ. ຢ່າ ໄມ້ ເຕສີ໌ຍ ເຫວີ່ຍ ກົງ-ຕສິ້ນ ໄຟ ຕສີ້ງ ເຫຍີ່ຍ. ນ້າຍ ເຊ ເນິ່ນ ເຈ໋ຍ ເຍີຍ ຕສ໊ຽວ ກ໊ອງ.’”

14ຕສ໊ຽວ ຮນັ້ງ ນ້າຍ ນໍ ກ໊ອງ, “ອີຢິ໊ບ ເຕີ່ຍ-ປູງ ມ່າຍ ເຍີຍ ກະນ້າຍ ເຖສົາ ເອທີໂອເປຍ ເຍີຍ ຫົວ, ເຖສົາ ໂຮລ ຮລັງ ເຍີຍ ເສບາ ມ່ຽນ, ອ໋ອຍ ຕ້າຍ ເກວີຍ ເມີ່ຍ, ເປ໋ນ ເມີ່ຍ ເຍີຍ. ນິ່ນ ບົວ ຕສຸ ເຂົາ ຈ໊ຽນ ຫລິ່ມ ກັນ ເມີ່ຍ ເຍີຍ ອກະຮ້າ ອກາງ ຕ້າຍ. ນິ່ນ ບົວ ອ໋ອຍ ເກວີ່ຍ ເອຈ່ຍ ເມີ່ຍ ເຍີຍ ດສະຮມຽນ ໂຈ້ວ ເມີ່ຍ ກ໊ອງ, ‘ທິນ-ຮູ່ງ ຕສະເກ້ງ ເຖສົາ ເມີ່ຍ ຢຽມ, ຢ່າ ໄມ້ ມ່າຍ ກັ້ນ ເຕົ້າ. ໄມ້ ມ່າຍ ກັ້ນ ເຕົ້າ ຕສ້ຽນ.’”

15ໂອ ທິນ-ຮູ່ງ, ອິສະລາເອນ ເຍີຍ ໂອຈ໋ວ ຕສ໊ຽວ, ເມີ່ຍ ຕສະເກ້ງ ທິນ-ຮູ່ງ, ຕົ້ງ ປີ໋ງ ກັ້ນ ວົ້ວ ເຕົ້າ.

16ຕະຟ່ານ ໂຕສ໋ວ ໝິ່ວ-ຝັງ ເຍີຍ ມ່ຽນ ອ໋ອຍ ຕສຸ ໄຍ້, ຕສຸ ປ່າຍ ຮມຽນ, ນິ່ນ ບົວ ຢຽດ ຕສູ໊ງ ລົ່ມ ດສ້ອຍ ຕສຸ ປ່າຍ ຮມຽນ.

17ມປ່າ ອິສະລາເອນ ອ໋ອຍ ຕຸ໊ ຕສ໊ຽວ ຢຽດ ລິ໌ວ ເຍີຍ ໂອຈ໋ວ ເອນ ໂອຈ໋ວ ນິ່ນ ບົວ. ເມີ່ຍ ບົວ ຕສ່ຽວ ຢຽດ ລິ໌ວ ໄມ້ ຕສຸ ໄຍ້, ໄມ້ ຕສຸ ປ່າຍ ຮມຽນ ເຖົາ ໝ່ານ ໂກ໊ວ ໝ່ານ ຕ່ອຍ.

18ຕສ໊ຽວ ເຕສີ໋ຍ ລູ່ງ. ຕົ້ງ ນ້າຍ ເຕົ້າ ເຊ ທິນ-ຮູ່ງ. ນິ່ນ ເຕສີ໋ຍ ທສວດ ເດົາ, ຫລຽບ ວ້ວນ ເດົາ ເຍີຍ ກອນ-ໂດ໊ະ. ນິ່ນ ເຕສີ໋ຍ ຕ້າຍ ໄມ້ ເຕສີ໌ຍ ເຫວີ່ຍ ເປ໋ນ ເດົາ-ຮວາງ, ເຊ ເຫວີ່ຍ ປຸນ ມ່ຽນ ຢຽມ. ນິ່ນ ກ໊ອງ, “ເຢຍ ເຊ ຕສ໊ຽວ, ຢ່າ ໄມ້ ມ່າຍ ກັ້ນ ເຕົ້າ.

19ເຢຍ ໄມ້ ເຕສີ໌ຍ ຢຽມ ນອມ ຫຮມວັງ ເຍີຍ ເຕີ່ຍ-ປູງ ປີ໋ງ ຈ໊ຽນ ກ໊ອງ. ເຢຍ ໄມ້ ບົ໋ວ ຢາໂຄບ ເຍີຍ ເຕສີ໊ຍ-ຟຸນ, ‘ເມີ່ຍ ບົວ ລໍ໌ ເຢຍ ເຊ ໄມ້ ລ່ຳ ຫລົ່ງ.’ ເຢຍ, ຕສ໊ຽວ, ກ໊ອງ ຕສຽນ ສີ່, ຢ່າ ເຕສ໊າະ ຫອບ ເຍີຍ ເຈົ໊າ ປຸນ ເມີ່ຍ ບົວ ຮິ້ວ.

20“ເມີ່ຍ ບົວ ຢຽມ ເຕສ໋ຍ ກົ໊ວະ ເປຢົ໋າ ທສວດ ແໝ່ງ ເຍີຍ ມ່ຽນ ອ໋ອຍ ຕສຸ ລົ່ມ ດສ້ອຍ ກັ໊ບ ຕສຸ໊ນ ຕ້າຍ. ດາມ ຈ໊ຽນ ຫລົ່ງ ດຢັ໋ງ ໂຕສ໋ວ ຕ້າຍ ເຍີຍ ໝິ່ວ-ຝັງ, ຢ່າ ເຕົ໋າ ເກົ໋າ ໂຈ້ວ ໄມ້ ໄຮ່ ໂອຈ໋ວ ມ່ຽນ ເຍີຍ ຕສ້ຽນ ວົ້ວ ເຕີ໋ຍ ມ່ຽນ, ໄມ້ ຮິ້ວ ຫາຍ ຫຍູ່ງ.

21ເມີ່ຍ ບົວ ກຸ໊ນ ກ໊ອງ ອ໊ະ. ກ໊ອງ ເມ່ງ ເມີ່ຍ ບົວ ເຍີຍ ສີ່, ປຸນ ນິ່ນ ບົວ ລົ່ມ ດສ້ອຍ ທສ່າງ ລ່າງ. ຫາຍ ເຕົ້າ ຈາ-ດ່າງ ກ໊ອງ ລິ໌ວ ເລົ່າ ອ໊ະ? ໂລ໌-ຮນອຍ ຫາຍ ເຕົ້າ ຕສຸ້ນ ນ້າຍ ເຕີ໋ຍ ສີ່ ທສວດ ຕ້າຍ? ເຊ ໄມ້ ເຕສີ໌ຍ ເຢຍ, ຕສ໊ຽວ ໄຟ? ທສວດ ລິ໌ວ ເຢຍ, ໄມ້ ມ່າຍ ກັ້ນ ເຕົ້າ ທິນ-ຮູ່ງ, ເຢຍ ເຊ ແປ້ງ ຟິມ ເຍີຍ ທິນ-ຮູ່ງ ຢ່າ ໂຕສ໋ວ ໂອຈ໋ວ ຕສ໊ຽວ. ທສວດ ລິ໌ວ ເຢຍ, ໄມ້ ມ່າຍ ກັ້ນ ເຕົ້າ.

22“ຢຽມ ຈົ່ມ ລູ່ງ ເດ໊ຍ ເຍີຍ ມ່ຽນ ອ່າ, ຮວິນ ດສ໋ວນ ຕ້າຍ ລໍ໌ ເຢຍ ຕສ່ຽວ ຕຸ໊ ໂອຈ໋ວ, ເຫວີ່ຍ ຕສຸ ເຢຍ ເຊ ທິນ-ຮູ່ງ ຢ່າ ໄມ້ ມ່າຍ ກັ້ນ ເຕົ້າ.

23ເຢຍ ຕສຢັ໊ງ ຈ໊ຽນ ເຢຍ ກັ້ນ ໂຮ້ວ ຫວ່າ, ເຢຍ ເຍີຍ ດສຸ້ຍ ກ໊ອງ ເຍີຍ ຫວ່າ ເຊ ຕສຽນ ເຍີຍ. ເຢຍ ກ໊ອງ ເຍີຍ ຫວ່າ ເຢຍ ໄມ້ ເຕສ໊າະ ດສ໋ວນ. ນອມໆ ທສີ່ງ ເບາະ ອ໋ອຍ ເກວີ່ຍ ເອຈ່ຍ ປ໋າຍ ເຢຍ. ຊູງໆ ດສຸ້ຍ ອ໋ອຍ ໂຮ້ວ ຫວ່າ ແລ໌ງ ກັນ ເຢຍ ຮນັ້ງ.

24ນິ່ນ ບົວ ອ໋ອຍ ກ໊ອງ ເຖົາ ເຢຍ, ‘ຂູງ ເຂົາ ຕສ໊ຽວ ກັ້ນ ຮນັ້ງ ຖສີງ ຕຸ໊ ຮີ່ງ ເຈ໋ຍ ຢ່າ ມ່າຍ ທຈະ.’” ຕະຟ່ານ ເຖຈຍ ເຈ໌ຍ, ດສອງ ເຢຍ ວົ້ວ ເຕີ໋ຍ, ອ໋ອຍ ຕ້າຍ ລໍ໌ ເຢຍ ຢ່າ ຕສຸ ປ່າຍ ຮມຽນ.

25ມປ່າ ອິສະລາເອນ ເຍີຍ ຢຽດ ຕສູ໊ງ ໂຮ໌ ຕ່ອຍ ເຕສີ໊ຍ-ຟຸນ ອ໋ອຍ ເຂົາ ຕສ໊ຽວ ຕຸ໊ ຮີ່ງ ເຈ໋ຍ ຢ່າ ເທສງ ນິ່ນ.

← Chapter 44 Jump to: Chapter 46 →