Numbers 17

Lao Bible (ฉบับอักษรลาว)

← Chapter 16 Jump to: Chapter 18 →

1ຕສ໊ຽວ ກ໊ອງ ບົ໋ວ ໂມເຊ,

2“ອ໋ອຍ ຕສຸ ບົ໋ວ ອິສະລາເອນ ມ່ຽນ ຕສິ໋ວ ອົງ-ຖາຍ ບົວ ຫລຽບ ຕ້າຍ ເຍີຍ ຝີງ, ຢຽດ ຝີງ ເຍີຍ ເປຢີ໊ຍ ເຕສີ໊ຍ ອ໋ອຍ ຕສຸ ຕໍ້ ຢຽດ ຕິ້ວ ປຢ໊າ-ບຢ່າ ຕ້າຍ, ຢຽດ ຕສູ໊ງ ມ່າຍ ຕສຽບ ເຫຍີ່ຍ ຕິ້ວ. ເກ໊າະ-ມ່ຽນ ອ໋ອຍ ຕສຸ ເຟ້ຍ ເກ໊າະ-ມ່ຽນ ເຍີຍ ບົ໋ວ ຢຽມ ເກ໊າະ-ມ່ຽນ ເຍີຍ ປຢ໊າ-ບຢ່າ.

3ຢຽມ ເລວີ ຝີງ ເຍີຍ ປຢ໊າ-ບຢ່າ ອ໋ອຍ ຕສຸ ເຟ້ຍ ອາລົນ ເຍີຍ ບົ໋ວ. ຝີງໆ ອ໋ອຍ ຕສຸ ເຫວີ່ຍ ອົງ-ຖາຍ ຫລຽບ ວົ້ວ ຝີງ ເຍີຍ ເປຢີ໊ຍ ເຕສີ໊ຍ ມ່າຍ ຢຽດ ຕິ້ວ ປຢ໊າ-ບຢ່າ.

4ຕໍ້ ນ້າຍ ເຕີ໋ຍ ປຢ໊າ-ບຢ່າ ເປັຍ ຫວຸ່ຍ ປວັ້ງ ເຍີຍ ດົ໊ບ-ລິ່ວ ກະຍົ໌ວ, ອັນ ຈ໊ຽນ ແລ໌ງ ແຫງ່ງ ຫວ່າ ຟາງ ດສະຮມຽນ ແໝງ, ຕົ້ງ ເຢຍ ເຖສົາ ເມີ່ຍ ບົວ ກັ໊ບ ຕສຸ໊ນ ເຍີຍ ຕ໋ອງ.

5ເຢຍ ກິ໊ນ ຕ້າຍ ວົ້ວ ລ່ານ ມ່ຽນ ເຍີຍ ປຢ໊າ-ບຢ່າ ຕສ່ຽວ ທສວດ ຖສຸນ. ຮນັ້ງ ໜ່າຍ ເຢຍ ຕສ່ຽວ ປຸນ ອິສະລາເອນ ມ່ຽນ ງົບ ເມີ່ຍ ບົວ ເຍີຍ ຫວ່າ ເຊກ ໝີ່ ອ໊ະ, ໄມ້ ເຖົາ ເຢຍ ເຍີຍ ມນ່ອມ.”

6ໂມເຊ ຕສ່ຽວ ບົ໋ວ ອິສະລາເອນ ມ່ຽນ. ນິ່ນ ບົວ ເຍີຍ ເປຢີ໊ຍ ເຕສີ໊ຍ ຕສ່ຽວ ເຕສ໊າະ ປຢ໊າ-ບຢ່າ, ຕສິ໋ວ ອົງ-ຖາຍ ບົວ ຫລຽບ ເຍີຍ ຝີງ, ໂມ໌ວ ຝີງ, ຢຽດ ຝີງ ຢຽດ ຕິ້ວ. ຢຽດ ຕສູ໊ງ ມ່າຍ ຕສຽບ ເຫຍີ່ຍ ຕິ້ວ. ອາລົນ ເຍີຍ ປຢ໊າ-ບຢ່າ ຢ່າ ຕົ້ງ ວົ້ວ ເຕີ໋ຍ ເຍີຍ ຢຽດ ຕິ້ວ.

7ໂມເຊ ຕໍ້ ຢຽດ ຕສູ໊ງ ປຢ໊າ-ບຢ່າ ຮຢຽດ ຈ໊ຽນ ຕສ໊ຽວ ເຍີຍ ດສະຮມຽນ, ແລ໌ງ ແຫງ່ງ ຫວ່າ ເຍີຍ ດົ໊ບ-ລິ່ວ ກະຍົ໌ວ.

8ຕະເຫຍີ່ຍ ຮນອຍ ໂມເຊ ເປັຍ ແລ໌ງ ແຫງ່ງ ຫວ່າ ເຍີຍ ດົ໊ບ-ລິ່ວ ກະຍົ໌ວ, ປວັດ ອາລົນ ເຍີຍ ປຢ໊າ-ບຢ່າ, ຕົ້ງ ປິ໋ວ ເມ່ງ ເລວີ ຝີງ ວົ້ວ ຕິ້ວ ປຢ໊າ-ບຢ່າ, ທສວດ ຖສຸນ, ຕສູ໊ງ ທສວດ ປຢັ້ງ ເຍວີ໌ຍ, ອກອຍ ປຢັ້ງ ຢ່າ ຕສຢັ້ງ ອັນມັນ ປ໊ຽວ ຕສົວະ ເຍີຍ.

9ໂມເຊ ຕໍ້ ຢຽດ ຕສູ໊ງ ປຢ໊າ-ບຢ່າ ຢຽມ ຕສ໊ຽວ ເຍີຍ ດສະຮມຽນ ທສວດ ປຸນ ອິສະລາເອນ ເຍີຍ ຕສວັ໋ງ ມ່ຽນ ໝັ່ງ. ນິ່ນ ບົວ ໝັ່ງ ລິ໌ວ, ເກ໊າະ-ມ່ຽນ ຕສ່ຽວ ຕໍ້ ເກ໊າະ-ມ່ຽນ ເຍີຍ ມີ່ງ ໝີ່ ອ໊ະ.

10ຕສ໊ຽວ ກ໊ອງ ບົ໋ວ ໂມເຊ, “ຕໍ້ ອາລົນ ເຍີຍ ປຢ໊າ-ບຢ່າ ດສ໋ວນ, ອັນ ຈ໊ຽນ ແລ໌ງ ແຫງ່ງ ຫວ່າ ຟາງ ເຍີຍ ດສະຮມຽນ ໂຕສ໋ວ ຈັ໋ງ-ໂຫ່ ປຸນ ວົ້ວ ເຕີ໋ຍ ແຫງ່ງ ເຢຍ ເຍີຍ ມ່ຽນ. ຮນັ້ງ ນ້າຍ ຕສ່ຽວ ປຸນ ນິ່ນ ບົວ ຕີ້ງ ເອຈ່ຍ, ໄມ້ ງົບ ເຢຍ, ນິ່ນ ບົວ ຖສີງ ຕ້າຍ ໄມ້ ຕສຸ ໄຕ່.”

11ໂມເຊ ຕສ່ຽວ ຕສິ໋ວ ຕສ໊ຽວ ເຍີຍ ຫວ່າ ໂຕສ໋ວ ເດສ່ງ.

12ອິສະລາເອນ ມ່ຽນ ກ໊ອງ ບົ໋ວ ໂມເຊ, “ເຢຍ ບົວ ຕສູ໊ງ ອ໋ອຍ ຕສຸ ໄຕ່ ອ໊ະ. ເຢຍ ບົວ ຕສຸ ໝຽດ ເດສ່ງ, ອ໋ອຍ ຕສຸ ໝຽດ ເດສ່ງ ອ໊າ ໂລ່ະ!

13ຫາຍ ເຕົ້າ ລ່ຽມ ມີ່ງ ນິດ ຟັດ ຕສ໊ຽວ ເຍີຍ ດົ໊ບ-ລິ່ວ ຕສູ໊ງ ອ໋ອຍ ຕສຸ ໄຕ່ ອ໊ະ. ເຢຍ ບົວ ຢຽດ ຕສູ໊ງ ອ໋ອຍ ຕສຸ ໄຕ່ ເດສ່ງ ໄຟ?”

← Chapter 16 Jump to: Chapter 18 →