Numbers 28

Lao Bible (ฉบับอักษรลาว)

← Chapter 27 Jump to: Chapter 29 →

1ຕສ໊ຽວ ກ໊ອງ ບົ໋ວ ໂມເຊ,

2“ອ໋ອຍ ຕສຸ ຮນັ້ງ ນ້າຍ ນໍ ພ້າຍ ອິສະລາເອນ ມ່ຽນ. ບົ໋ວ ນິ່ນ ບົວ, ‘ອ໋ອຍ ຕສຸ ຕສິ໋ວ ຕີ່ງ ເຍີຍ ຕສຢັ້ງ ໂຫ່ ຕໍ້ ຫຍັ່ນ ຮົບ ຕ້າຍ ເຕສ່ຍ, ຫລົ່ງ ໂຕ໌ວ ປົ໊ວ ເຕສ່ຍ ຝົ່ງ ຫໍ່, ເວີ່ຍ ດາງ ເຍີຍ ເຖຈຍ ຫອບ ຕສ໊ຽວ ເຍີຍ ໂຮຍ້ວ.’

3ຢ່າ ບົ໋ວ ນິ່ນ ບົວ, ‘ນ້າຍ ເຊ ເມີ່ຍ ບົວ ອ໋ອຍ ຕສຸ ຫລົ່ງ ໂຕ໌ວ ປົ໊ວ ເຕສ່ຍ ຝົ່ງ ຫໍ່ ປຸນ ຕສ໊ຽວ ເຍີຍ ກະນ້າຍ. ອ໋ອຍ ຕສຸ ຮນອຍໆ ຫລົ່ງ ອີ ເຕົ້າ ໄມ້ ຫວ່າຍ ຝັງ, ຕ໋ອຍ ຫຮຍັງ ເຍີຍ ປະກີ ຢູ້ງ ໂກ໊ວ ຕອນ.

4ລູ່ງ ດອມ ເຕສ່ຍ ເຕົ້າ, ດສ໋ຽມ-ຢ້າງ ເຕສ່ຍ ເຕົ້າ.

5ໂມ໌ວ ເຕົ້າ ອ໋ອຍ ຕສຸ ຫລົ່ງ ອີ ເມາະ ບ໊ວນ-ໝ່ວນ ຕສອບ ຈ໊ຽນ ຢຽດ ກ່ອງ ກະລັ້ນ ປ໊ຽວ ອຈາບ ຕ້າຍ ເຍີຍ ໂຢ້ວ ເຖສົາ ຈ໊ຽນ ປົ໊ວ ເຕສ່ຍ.

6ຢຽມ ຊີນາຍ ບົງ ວົ້ວ ຕສັ່ນ ຮນັ້ງ ນ້າຍ ຫລຽບ ຕ້າຍ, ຕສັ່ນໆ ຫລົ່ງ ໂຕ໌ວ ປົ໊ວ ເຕສ່ຍ ຝົ່ງ ຫໍ່, ເວີ່ຍ ດາງ ເຍີຍ ເຖຈຍ ຫອບ ຕສ໊ຽວ ເຍີຍ ໂຮຍ້ວ.

7ເຕສ່ຍ ເຍີຍ ໂມ໌ວ ເຕົ້າ ຢູ້ງ ຕອນ ອ໋ອຍ ຕສຸ ຢຽດ ເຕົ້າ ມ່າຍ ກ່ອງ ອະຫງຸ່ນ ຕິ໊ວ ເຖສົາ ຈ໊ຽນ ເຕສ່ຍ, ຢຽມ ສີງ ຕິ່ນ ເທສ້ຍ ເຕສ່ຍ ປຸນ ຕສ໊ຽວ.

8ດສ໋ຽມ-ຢ້າງ ເຍີຍ ຕສຢັ້ງ ໂຫ່ ຫລິ່ວ ເລີ໌ຍ ຕະເຫຍີ່ຍ ເຕົ້າ ຢູ້ງ ຕອນ ເຖສົາ ຈ໊ຽນ ຮນັ້ງ ລູ່ງ ດອມ ຝົ່ງ ຫໍ່ ເຍີຍ ລ່າງ ຕສິ ເຖສົາ ເທສ້ຍ ເຕສ່ຍ ເຍີຍ ກະນ້າຍ. ນ້າຍ ເຊ ຫລົ່ງ ໂຕ໌ວ ປົ໊ວ ເຕສ່ຍ ຝົ່ງ ຫໍ່ ເຍີຍ ກະນ້າຍ, ເວີ່ຍ ດາງ ເຍີຍ ເຖຈຍ ຫອບ ຕສ໊ຽວ ເຍີຍ ໂຮຍ້ວ.

9“‘ຕີ້ງ ກົງ ຮນອຍ ອ໋ອຍ ຕສຸ ຫລົ່ງ ອີ ເຕົ້າ ໄມ້ ຫວ່າຍ ຝັງ, ຕ໋ອຍ ຫຮຍັງ ເຍີຍ ປະກີ ຢູ້ງ ຕອນ ເຖສົາ ເປຢີຍ ເມາະ ປ໋ຽນ ບ໊ວນ-ໝ່ວນ ຕສອບ ຈ໊ຽນ ກະລັ້ນ ໂຢ້ວ ເຖສົາ ເທສ້ຍ ເຕສ່ຍ ເຍີຍ ກະນ້າຍ ຢຽດ ເອຈ່ຍ ເຕສ່ຍ.

10ນ້າຍ ເຊ ນອມໆ ຕີ້ງ ກົງ ຮນອຍ ປົ໊ວ ເຕສ່ຍ ເຍີຍ ກະນ້າຍ. ຖສໍ່ ແອ໋ງ ມ່າຍ ຮນອຍໆ ປົ໊ວ ເຕສ່ຍ ເຖສົາ ຈ໊ຽນ ຢຽດ ເອຈ່ຍ ເທສ້ຍ ເຕສ່ຍ ເຍີຍ ກະນ້າຍ.

11“‘ໂມ໌ວ ຫຮລາ, ແຊງ-ຢ໊ຽດ ຮນອຍ, ອ໋ອຍ ຕສຸ ຫລົ່ງ ອີ ເຕົ້າ ງົ່ງ ໂກ໊ວ ທສານ, ຢຽດ ເຕົ້າ ປະກີ ຢູ້ງ ໂກ໊ວ, ເຖສົາ ເສ່ຍ ເຕົ້າ ຕ໋ອຍ ຫຮຍັງ ເຍີຍ ປະກີ ຢູ້ງ ໂກ໊ວ. ຢຽດ ຕສູ໊ງ ໄມ້ ຫວ່າຍ ຝັງ ເຍີຍ.

12ຢຽດ ເຕົ້າ ງົ່ງ ໂກ໊ວ ທສານ ອ໋ອຍ ຕສຸ ມ່າຍ ຈຸ໊ ເມາະ ປ໋ຽນ ບ໊ວນ-ໝ່ວນ ຕສອບ ຈ໊ຽນ ກະລັ້ນ ໂຢ້ວ ໂຕສ໋ວ ເຕສ່ຍ ເຍີຍ ລ່າງ ຕສິ. ເຫວີ່ຍ ວົ້ວ ເຕົ້າ ປະກີ ຢູ້ງ ໂກ໊ວ ຢ່າ ອ໋ອຍ ຕສຸ ມ່າຍ ອີ ເມາະ ບ໊ວນ-ໝ່ວນ ຕສອບ ຈ໊ຽນ ກະລັ້ນ ໂຢ້ວ ໂຕສ໋ວ ເຕສ່ຍ ເຍີຍ ລ່າງ ຕສິ.

13ໂມ໌ວ ເຕົ້າ ປະກີ ຢູ້ງ ຕອນ ຢ່າ ອ໋ອຍ ຕສຸ ຫລົ່ງ ຢຽດ ເມາະ ບ໊ວນ-ໝ່ວນ ຕສອບ ຈ໊ຽນ ກະລັ້ນ ໂຢ້ວ ໂຕສ໋ວ ເຕສ່ຍ ເຍີຍ ລ່າງ ຕສິ. ນ້າຍ ເຊ ຫລົ່ງ ໂຕ໌ວ ປົ໊ວ ເຕສ່ຍ ຝົ່ງ ຫໍ່ ເຍີຍ ກະນ້າຍ, ເວີ່ຍ ດາງ ເຍີຍ ເຖຈຍ ຫອບ ຕສ໊ຽວ ເຍີຍ ໂຮຍ້ວ.

14ເຕົ້າໆ ງົ່ງ ໂກ໊ວ ທສານ ອ໋ອຍ ຕສຸ ມ່າຍ ອີ ກ່ອງ ອະຫງຸ່ນ ຕິ໊ວ ເຖສົາ ຈ໊ຽນ ເທສ້ຍ ເຕສ່ຍ. ຢຽດ ເຕົ້າ ປະກີ ຢູ້ງ ໂກ໊ວ ອ໋ອຍ ຕສຸ ມ່າຍ ຢຽດ ກ່ອງ ເລ່ງ. ໂມ໌ວ ເຕົ້າ ປະກີ ຢູ້ງ ຕອນ ອ໋ອຍ ຕສຸ ມ່າຍ ຢຽດ ກ່ອງ. ນ້າຍ ເຊ ຫຮຍັງໆ ຫຮລາໆ ແຊງ-ຢ໊ຽດ ຮນອຍ ອ໋ອຍ ຕສຸ ປົ໊ວ ເຕສ່ຍ ເຍີຍ ກະນ້າຍ.

15ຢ່າ ອ໋ອຍ ຕສຸ ເອີຍ ຮນອຍໆ ເຕສ່ຍ ເຍີຍ ເຕສ່ຍ. ເຫລ່ງ ເຈີ໊ຍ ແອ໋ງ ຫລົ່ງ ເຕົ້າ ຢູ້ງ ໂກ໊ວ ເຕສ່ຍ ປຸນ ຕສ໊ຽວ ເຫວີ່ຍ ຟິ ຕສຸ໌ຍ.

16“‘ຕສີ້ ຫຮລາ ຕສຽບ ເຝີຍ ວົ້ວ ຮນອຍ ອ໋ອຍ ຕສຸ ເຈ໋ຍ ເສຍ ແໝ່ງ ຕສິ໊ບ.

17ຕສຽບ ຮມ໌ ວົ້ວ ຮນອຍ, ອ໋ອຍ ຕສຸ ເຈ໌ຍ ກອນ ເຈ໋ຍ ເສ່ຍ ຮນອຍ ເຍີຍ ຕສິ໊ບ. ນ້າຍ ເຕີ໋ຍ ເສ່ຍ ຮນອຍ ກະຍົ໌ວ ອ໋ອຍ ຕສຸ ຫຍັ່ນ ໄມ້ ອັນ ປີ໊ງ ເຍີຍ ອຈົ໊ວ.

18ຕ້າວ ຮນອຍ ອ໋ອຍ ຕສຸ ກັ໊ບ ຕສຸ໊ນ ໂຕສ໋ວ ເລີ໌ຍ-ປ໋າຍ ຢ່າ ໄມ້ ຕູ໋ງ ໂຕສ໋ວ ຫາຍ ຫຍູ່ງ ຮນອຍໆ ໂຕສ໋ວ ເຍີຍ ກົງ.

19“‘ຢ່າ ອ໋ອຍ ຕສຸ ຫລົ່ງ ອີ ເຕົ້າ ງົ່ງ ໂກ໊ວ ທສານ, ຢຽດ ເຕົ້າ ປະກີ ຢູ້ງ ໂກ໊ວ ເຖສົາ ເສ່ຍ ເຕົ້າ ຕ໋ອຍ ຫຮຍັງ ເຍີຍ ປະກີ ຢູ້ງ ຕອນ, ຢຽດ ຕສູ໊ງ ເຊ ໄມ້ ຫວ່າຍ ຝັງ ເຍີຍ, ຫລົ່ງ ໂຕ໌ວ ປົ໊ວ ເຕສ່ຍ ຝົ່ງ ຫໍ່ ປຸນ ຕສ໊ຽວ.

20ຢຽດ ເຕົ້າ ງົ່ງ ໂກ໊ວ ອ໋ອຍ ຕສຸ ມ່າຍ ຈຸ໊ ເມາະ ປ໋ຽນ ບ໊ວນ-ໝ່ວນ ຕສອບ ຈ໊ຽນ ກະລັ້ນ ໂຢ້ວ ໂຕສ໋ວ ເຕສ່ຍ ເຍີຍ ລ່າງ ຕສິ. ເຫວີ່ຍ ວົ້ວ ເຕົ້າ ປະກີ ຢູ້ງ ໂກ໊ວ ຢ່າ ອ໋ອຍ ຕສຸ ມ່າຍ ອີ ເມາະ ບ໊ວນ-ໝ່ວນ ຕສອບ ຈ໊ຽນ ກະລັ້ນ ໂຢ້ວ ໂຕສ໋ວ ເຕສ່ຍ ເຍີຍ ລ່າງ ຕສິ.

21ໂມ໌ວ ເຕົ້າ ປະກີ ຢູ້ງ ຕອນ ຢ່າ ອ໋ອຍ ຕສຸ ມ່າຍ ຢຽດ ເມາະ ບ໊ວນ-ໝ່ວນ ໂຕສ໋ວ ເຕສ່ຍ ເຍີຍ ລ່າງ ຕສິ.

22ຢ່າ ອ໋ອຍ ຕສຸ ຫລົ່ງ ເຕົ້າ ຢູ້ງ ໂກ໊ວ ເຕສ່ຍ ເຫວີ່ຍ ຟິ ເມີ່ຍ ບົວ ເຍີຍ ຕສຸ໌ຍ.

23ອ໋ອຍ ຕສຸ ຫລິ່ວ ເລີ໌ຍ ນ້າຍ ເຕີ໋ຍ ທິບ ຈ໊ຽນ ດອມໆ ປົ໊ວ ເຕສ່ຍ ເຍີຍ ກະນ້າຍ.

24ເສ່ຍ ຮນອຍ ກະຍົ໌ວ ອ໋ອຍ ຕສຸ ຮນອຍໆ ຫລິ່ວ ເລີ໌ຍ ນ້າຍ ເຕີ໋ຍ ຫຍັ່ນ ຮົບ ຫລົ່ງ ໂຕ໌ວ ປົ໊ວ ເຕສ່ຍ ຝົ່ງ ຫໍ່, ເວີ່ຍ ດາງ ເຍີຍ ເຖຈຍ ຫອບ ຕສ໊ຽວ ເຍີຍ ໂຮຍ້ວ. ຖສໍ່ ອ໋ອຍ ຕສຸ ແອ໋ງ ມ່າຍ ຮນອຍໆ ປົ໊ວ ເຕສ່ຍ ເຍີຍ ເຖສົາ ເທສ້ຍ ເຕສ່ຍ ເຍີຍ ຢຽດ ເອຈ່ຍ ເຕສ່ຍ.

25ເຖົາ ຕະທສຽດ ຮນອຍ, ແອ໋ງ ກັ໊ບ ຕສຸ໊ນ ໂຕສ໋ວ ເລີ໌ຍ-ປ໋າຍ ຢ່າ ໄມ້ ຕູ໋ງ ໂຕສ໋ວ ຫາຍ ຫຍູ່ງ ຮນອຍໆ ໂຕສ໋ວ ເຍີຍ ກົງ.

26“‘ຝົ່ງ ຫໍ່ ຕ້າວ ຖອງ ລ່າງ ຕສິ ວົ້ວ ຮນອຍ ຕ໋ອຍ ເຈ໋ຍ ຊຽວ ຊຢັງ-ເບຢົ້າ ເຍີຍ ຕສິ໊ບ ຕ້າວ ຮນອຍ, ເມີ່ຍ ບົວ ຕໍ້ ຊຢັງ-ເບຢົ້າ ຕ້າຍ ຝົ່ງ ຫໍ່ ຕສ໊ຽວ ວົ້ວ ຕສັ່ນ, ອ໋ອຍ ຕສຸ ກັ໊ບ ຕສຸ໊ນ ໂຕສ໋ວ ເລີ໌ຍ-ປ໋າຍ. ຢ່າ ໄມ້ ຕູ໋ງ ໂຕສ໋ວ ຫາຍ ຫຍູ່ງ ຮນອຍໆ ໂຕສ໋ວ ເຍີຍ ກົງ.

27ອ໋ອຍ ຕສຸ ຕໍ້ ອີ ເຕົ້າ ງົ່ງ ໂກ໊ວ ທສານ, ຢຽດ ເຕົ້າ ປະກີ ຢູ້ງ ໂກ໊ວ, ເຖສົາ ເສ່ຍ ເຕົ້າ ຕ໋ອຍ ຫຮຍັງ ເຍີຍ ປະກີ ຢູ້ງ ໂກ໊ວ ຕອນ ເຕສ່ຍ, ເວີ່ຍ ດາງ ເຍີຍ ເຖຈຍ ຫອບ ຕສ໊ຽວ ເຍີຍ ໂຮຍ້ວ.

28ຢຽດ ເຕົ້າ ງົ່ງ ໂກ໊ວ ທສານ ອ໋ອຍ ຕສຸ ມ່າຍ ຈຸ໊ ເມາະ ປ໋ຽນ ບ໊ວນ-ໝ່ວນ ຕສອບ ຈ໊ຽນ ກະລັ້ນ ໂຢ້ວ ໂຕສ໋ວ ເຕສ່ຍ ເຍີຍ ລ່າງ ຕສິ. ເຫວີ່ຍ ຢຽດ ເຕົ້າ ປະກີ ຢູ້ງ ໂກ໊ວ ອ໋ອຍ ຕສຸ ມ່າຍ ອີ ເມາະ.

29ໂມ໌ວ ເຕົ້າ ປະກີ ຢູ້ງ ໂກ໊ວ ຕອນ, ຢຽດ ເຕົ້າ ຢຽດ ເມາະ.

30ຢ່າ ອ໋ອຍ ຕສຸ ຫລົ່ງ ຢຽດ ເຕົ້າ ຢູ້ງ ໂກ໊ວ ເຕສ່ຍ ເຫວີ່ຍ ຟິ ຕສຸ໌ຍ.

31ທສວດ ລິ໌ວ ນ້າຍ ເຕີ໋ຍ ປົ໊ວ ເຍີຍ ເຖສົາ ຈ໊ຽນ ຢຽດ ເອຈ່ຍ ເທສ້ຍ ເຕສ່ຍ ເຍີຍ, ຖສໍ່ ແອ໋ງ ມ່າຍ ຮນອຍໆ ປົ໊ວ ເຕສ່ຍ ເຖສົາ ຈ໊ຽນ ຢຽດ ເອຈ່ຍ ເຕສ່ຍ ເຍີຍ ລ່າງ ຕສິ. ນ້າຍ ເຕີ໋ຍ ເຕສ່ຍ ເຍີຍ ແຊງ-ຄູ້ ຢຽດ ຕສູ໊ງ ອ໋ອຍ ຕສຸ ໄມ້ ຫວ່າຍ ຝັງ ເຍີຍ.

← Chapter 27 Jump to: Chapter 29 →