Proverbs 22

Macedonian 2006 D - (Свето Писмо: Стандардна Библија 2006 (со Девтероканонски Книги))

← Chapter 21 Jump to: Chapter 23 →

1Подобро е добро име, отколку големо богатство, и подобро е благонаклоност, отколку сребро и злато.

2Богатиот и сиромавиот се среќаваат еден со друг; и едниот и другиот ги создал Господ.

3Умниот го гледа злото и го избегнува; а безумните одат невнимателно и тоа скапо го плаќаат.

4Плодови на смиреноста се: стравот Господов, богатството, славата и животот.

5По патот на подмолниот – трње и стапици: кој ја пази душата своја, ќе бега од нив.

6Поучи го момчето во почетокот на патот негов: тој нема да скршне од него и кога ќе остари.

7Богатиот господари над сиромавиот, и должникот станува роб на заемодавецот.

8Кој сее неправда, ќе пожнее зло, и прачката на гневот негов ќе исчезне. Господ го сака човекот што доброволно дава и ќе го надополни недостигот на делата негови.

9Милосрдниот ќе биде благословен, зашто им дава на бедните од лебот свој. Кој дава подароци, печали победа и чест и владее со душата на оние што ги добиваат.

10Истерај го исмејувачот, и раздорот ќе исчезне, ќе престанат кавгата и навредите.

11Оној што љуби чисто срце, и чии зборови се пријатни, и на царот станува пријател.

12Очите на Господ го чуваат знаењето, а зборовите на престапникот Тој ги разобличува.

13Мрзливиот вели: „Лав има надвор! Насред улица ќе загинам!“

14Устите на блудниците се длабока бездна: на кого Господ ќе се разгневи, тој ќе падне во неа. Пред човек се јавуваат и лоши патишта, а тој не сака да се одврати од нив; а од лошиот и крив пат секој треба да се одврати.

15Безумието на детето му е приврзано за срцето, но прачката ќе го отстрани далеку од него.

16Кој ограбува сиромав, за да го умножи богатството свое, и кој му дава на богатиот, – ќе осиромаши.

17Наклони го увото и слушај ги зборовите на мудрите, и сврти го срцето кон моите зборови,

18зашто ќе се радуваш, ако ги пазиш во срцето свое, и ако ти бидат исто така во устата твоја.

19За да биде твојата надеж во Господ, јас ти го покажувам патот.

20Јас ти напишав триесетина совети и поуки,

21за да те поучам на зборовите вистински и добри, та да ги предаваш на оние што те испраќаат.

22Не ограбувај сиромав, зашто тој е сиромав, и не притеснувај страдалник кај портите, –

23зашто Господ ќе се застапи за нив, и ќе ја истргне душата на грабачите нивни.

24Не се дружи со гневлив и не оди со човек жесток,

25за да не се навикнеш на нивните патишта и да не навлечеш стапица на душата своја.

26Не биди од оние, што даваат рака и се заложуваат за туѓи долгови:

27ако нема со што да платиш, зошто да ти ја земат постелата под тебе?

28Не преместувај стари меѓи, кои твоите татковци ги поставиле.

29Си видел ли вешт и искусен човек во својата работа? Тој ќе служи на цареви, нема да остане меѓу простите.

← Chapter 21 Jump to: Chapter 23 →

Recommended Reading

Commentary Proverbs Commentaries → Devotional Proverbs Devotional Guide → Get This Bible Macedonian D - (Свето Писмо: Стандардна Библија (со Девтероканонски Книги)) Study Bible →