Proverbs 9

Macedonian 2006 D - (Свето Писмо: Стандардна Библија 2006 (со Девтероканонски Книги))

← Chapter 8 Jump to: Chapter 10 →

1Мудроста си изгради дом, ги утврди седумте столбови негови,

2ги закла своите жртви, го расточи во чаша виното свое и ја приготви трпезата своја;

3ги испрати слугите свои да огласат од градските височини:

4„Кој е неразумен, да наврати тука!“ И на малоумните таа им рече:

5„Дојдете, јадете го лебот мој и пијте го виното, што сум го приготвила;

6оставете ја неразумноста, и ќе живеете; одете по патот на разумот.“

7Кој поучува бесрамник, ќе си спечали укор, и кој го разобличува нечестивецот – срам.

8Не изобличувај го бесрамникот, за да не те намрази; поучувај го мудриот, и тој ќе те засака.

9Дај му совет на мудриот, и тој ќе биде уште помудар; научи го праведниот, и тој ќе го збогати своето знаење.

10Почеток на мудроста е верноста кон Господ, а почитувањето на Светиот е разум; помисла на добриот е да се знае законот,

11зашто преку мене ќе ти се умножат дните, и ќе ти се додадат години на животот.

12Ако си мудар, мудар си за себеси; и ако си лош, самиот ќе страдаш. Кој се крепи на лага, тој пасе ветрови, ги гони птиците во лет, ги оставил патиштата на своето лозје и се вози со кола по сопствената нива, минува низ безводна пустина и земја осудена на суша, со рацете свои собира бесплодност.

13Жена без расудување е зборлива, безумна и ништо не разбира,

14седнува пред куќната врата на стол, по високите места на градот,

15за да им вели на минувачите, што си одат право по патот:

16„Кој е глупав, нека наврати тука“, а на малоумните им вели:

17„Крадената вода е слатка, и сокриениот леб е – пријатен.“

18И тој не знае дека таму се мртовците, и дека поканетите од неа се на дното од пеколот. Но ти отргни се, не се задржувај на тоа место, не го задржувај ни погледот таму. Така ќе минеш преку туѓа вода, ќе прегазиш туѓа река. Бегај од туѓа вода и не пиј од туѓ извор за да живееш долго време и да ти се продолжи животот уште.

← Chapter 8 Jump to: Chapter 10 →