Hosea 11

Mossi MPBU (WẼNNAAM SEBRE 2014)

← Chapter 10 Jump to: Chapter 12 →

1Israyɛll sẽn dag n yaa bi-bɩɩgã wakate, Mam dag n nong-a lame. Mam zĩnda Ezɩpt n bool m biigã.

2La b zãaga b mens ne sẽn boond-b bãmbã. Bãmb maana maand a Baall yĩnga. La b yõog wisd bõn-naandsã yĩnga.

3Mam meng n gãd Efrayiim nebã nusi n zãms-b kẽna, la b rag n ka mi tɩ maam n tɩp-b ye.

4Mam tɛɛ bãmb ne ninsaalb loeese, la mam loee bãmb ne nonglem loeese. Mam yaa soab ning sẽn sikd bãmb zɩɩbã, la mam dag n kõt-b-la rɩɩbo.

5Bãmb ka na n lebg n leb Ezɩpt ye. Bãmb sẽn zãgs tɩ b ka na n lebg n wa mam nengẽ wã yĩnga, Asiiri nedã n na n yɩ bãmb dĩma.

6Zab na sãama bãmb tẽmsã, la b na n menesa b kʋɩlemsã. Zabrã na n sãam-b lame, bãmb sẽn maan b mens raabã yĩnga.

7Mam nebã ka rat n bas b kɩɩsgã ye. B boonda bãmb tɩ b naag taab n yiki, La bãmb ka yik ye.

8Efrayiim nebã, mam na n basa yãmb wãn-wãna? Israyɛll nebã, mam na n fãaga yãmb wãn-wãna? Mam na n maana yãmba. Mam sẽn maan Adma tẽngã nebã bɩ? Mam na n kɩtame tɩ yãmb yɩ wa Seboyim nebã bɩ? Mam yam leebdame. Mam nimbãan-zoeerã paasame.

9Mam ka na n maan wa sẽn zems m sũ-puugrã ye, mam ka na n lebg n wa n sãam Efrayiim nebã ye, bala, mam ka ninsaal ye, mam yaa Wẽnnaam. Mam yaa pʋ-peelem soab n be yãmb sʋka, Mam ka na n lebg n wa tẽngã pʋg ne sũ-puugr ye.

10Bãmb na n tũu Sẽn-Ka-Saabo. Sẽn-Ka-Saab na n kelma wa gɩgemde, La b kambã na n yii yaang n wa ne rabeem.

11Bãmb na n yɩga Ezɩpt wa liuuli, n wa ne rabeem, Bãmb na n yii Asiiri n wa wa manwalle. La m na n kɩtame tɩ b zĩnd b tẽngẽ wã. Sẽn-Ka-Saab n yeta.

← Chapter 10 Jump to: Chapter 12 →

Recommended Reading

Commentary Hosea Commentaries → Devotional Hosea Devotional Guide → Get This Bible Mossi MPBU (WẼNNAAM SEBRE ) Study Bible →