bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
John 1
John 1
Mossi MPBU (WẼNNAAM SEBRE 2014)
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 2 →
1
Hal sɩngr wẽndẽ, gomdã dag n beeme, la gomdã dag n bee ne Wẽnnaam, la gomdã yaa Wẽnnaam.
2
Bãmb dag n bee ne Wẽnnaam hal sɩngr wẽndẽ.
3
B naana bũmb fãa ne bãmba, la bũmb ka be sẽn naane, tɩ ka yɩ ne bãmb ye.
4
Vɩɩm dag n bee bãmb pʋgẽ, la vɩɩmã dag n yaa vẽenem ninsaalbã yĩnga.
5
Vẽenemã yãga lik pʋgẽ, la likã ka reeg-a ye.
6
Dao a yembr la Wẽnnaam tʋm t'a wa. A yʋʋr la a Zã.
7
Dao‑kãng waame n yaa kaset kɩta, n na n kɩs vẽenemã kaseto, tɩ nebã fãa tõe n tẽ yẽnda yĩnga.
8
Dag n ka yẽnda la vẽenemã ye, la a waame n na n kɩs vẽenemã kaseto.
9
Vẽen-kãng yaa sɩd vẽenem, n wa dũni pʋgẽ n vẽnegd ned fãa.
10
Gomdã dag n bee dũni pʋgẽ. B naana dũni wã ne bãmba, la dũni ka bãng bãmb ye.
11
Bãmb waa b meng nebẽ, la b nebã ka reeg bãmb ye.
12
La neb nins fãa sẽn deeg bãmba, la neb nins sẽn tẽed bãmb yʋʋrã, b kõo bãmb noor tɩ b lebg Wẽnnaam kamba.
13
Ka kamb b sẽn dog ne zɩɩm, wall ne yĩng ratem, wall ne ninsaal datem ye, yaa Wẽnnaam sẽn doge.
14
B kɩtame tɩ gomdã rɩk yĩng n zĩnd tõnd sʋka. Tõnd gesa bãmb ziiri, Bi-ribl sẽn ka to ziir a sẽn deeg a ba nengẽ, la b pida ne bark la sɩda.
15
A Zã kɩsa bãmb kaset n yeele: Yaa soab ning mam sẽn gom a yell n yeel tɩ ned ning sẽn pʋgend maam n watẽ wã yɩɩda maam, bala, b renga maam n beẽ wã.
16
La tõnd fãa paama bãmb yalẽ wã, n deegd bãmb barkã n paasd wakat fãa.
17
Bala, b tũnuga a Moyiis n kõ tõogã, la barkã ne sɩdã tũnuga a Zeezi Kiris n wa.
18
Ned baa a yembr nan ka yã Wẽnnaam ye. Wẽnnaam sẽn yaa Bi-ribl‑yend sẽn ka to, n be ba a Wẽnnaam nengẽ wã n kɩt tɩ nebã bãng bãmba.
19
Ad kaset ning a Zã sẽn kɩs wakat ning Zʋɩf-rãmbã sẽn tʋm maan-kʋʋdbã ne Leevi rãmbã tɩ b yi Zeruzalɛm n wa n sok yẽnda wã: «Fo yaa ãnda soabã?»
20
Yẽnda vẽnegame n togsame n ka kɩɩs ye. A yeelame: «Mam ka Kirisã ye.»
21
Bãmb leb n sok-a lame dẽ wã, fo yaa ãnda? fo yaa a Eli bɩ? T'a leoke: «Mam ka a Eli ye.» La b sok-a lame: «La yaa foom la Wẽnnaam no-rɛɛsã bɩ?» T'a leok tɩ ayo.
22
La b leb n yeelame yaa: «Foom la ãnda, tɩ tõnd tõe n tɩ leok neb nins sẽn tʋm-b tõndã! Fo mengã yetame tɩ fo yaa ãnda?»
23
A Zã yeelame: Mam yaa soab ning sẽn kelemd we-rasempʋɩɩgẽ n yetẽ: «Rems‑y Zu-soabã sor tɩ yɩ tɩrga, wa Wẽnnaam no-rɛɛs a Ezayi sẽn yeelã.»
24
B sẽn dag n tʋm b rãmbã yaa Fariizẽ-dãmbã.
25
B sok-a lame yaa: «Bõe yĩng tɩ fo lisd nebã, fo sã n ka Kiris bɩ a Eli bɩ Wẽnnaam no-rɛɛsã?»
26
A Zã leokame n yeele: «Maam, mam lisda yãmb koomẽ. La yãmb sʋkã, ned a yembr n be beenẽ yãmb sẽn ka mi ye.
27
Soab‑kãng pʋgenda maam, la mam ka zems tɩ lood bãmb neooda loets ye.»
28
Gom-kãens goma Betani, Zʋrdẽ rʋʋnde, zĩig ning a Zã sẽn dag n lisd nebã.
29
Vẽkembeoogo, a Zã yãnda a Zeezi sẽn wat yẽnda nengẽ, n yeele: «Ad Wẽnnaam pe-bilã, sẽn yiisd-a dũni yel-wẽnã.»
30
Yaa bãmb yell la mam dag n gom ne yãmb n yeel tɩ dao n pʋgend maam, la b yɩɩda maam, bala, b renga maam n beẽ wã.
31
La mam dag n ka mi bãmb ye, la mam waa n lisda nebã koomẽ tɩ bãmb tõe n vẽneg b meng ne Israyɛll nebã.
32
A Zã leb n kɩsa kaset n yeele: «Mam yãnda Sɩɩg-sõng sẽn yi arzãn n sig wa wall n pa bãmb zugu.»
33
La mam dag n ka mi bãmb ye. La sẽn tʋm-a maam tɩ m wa n lis nebã koomẽ wã yeela maam yaa: «Fo sẽn na n yãnd ned ning tɩ Sɩɩg-sõng sig n pa a soab zugã, bɩ f bãng tɩ yaa yẽnda n lisd nebã Sɩɩg-sõng pʋgẽ.»
34
Maam, mam yãame, la mam kɩsa kaset tɩ yaa bãmb la Wẽnnaam Bi-riblã.
35
Vẽkembeoogo, a Zã rag n leb n bee be ne a karen-biis a yiibu.
36
A dag n geta a Zeezi sẽn loogd n yeele: «Ad Wẽnnaam pe-bilã.»
37
Karen-biis a yiibã wʋma gom-kãense, la b pʋgla a Zeezi.
38
A Zeezi wẽnegame n mik tɩ b pʋgda bãmba, la b sok-b lame: «Yãmb baooda bõe?» B leoka a Zeezi n yeele: «Rabbi, sẽn dat n yeel tɩ karen-saamba, yãmb yir yaa yɛ?»
39
A Zeezi yeela bãmb yaa: «Wa-y tɩ y na yã.» B kẽngame n tɩ yã zĩig ning a Zeezi sẽn be wã, la b paa ne bãmb da-kãnga. Dag n yaa zaabr wakat a naas sẽnẽ.
40
Neb a yiibã sẽn wʋm a Zã goam n pʋgl a Zeezi wã, a yembr bãmb sʋk la a Ãndere, a Sɩmo Pɩyɛɛr ba-biiga.
41
A Ãndere reng n yãnda a meng ba-biig a Sɩmo n yeel-a: «Tõnd yãnda Mesi wã, sẽn dat n togs tɩ ‹Kirisã.›»
42
Yẽnda talla a Sɩmo n wa a Zeezi nengẽ. A Zeezi ges-a lame n yeele: Foom la a Sɩmo, a Zonaas bi-ribla. B na n boonda foom t'a Sefaase, sẽn dat n yeel tɩ Pɩyɛɛr (wall kugri).
43
Vẽkembeoogo, a Zeezi yãka yam n na n kẽng Galɩle. Bãmb yãnda a Filip n yeel-a t'a tũ bãmba.
44
A Filip dag n yaa Betsayɩda sẽn yaa a Ãndere ne a Pɩyɛɛr tẽngã neda.
45
A Filip yãnda a Natanayɛll n yeel-a yaa: «Dao ning a Moyiis tõogã ne Wẽnnaam no-rɛɛsdbã sẽn gom a yellã, tõnd yãnd-a lame. Yaa Nazarɛt dao a Zeezi, a Zozɛf bi-riblã.»
46
A Natanayɛll soka yẽnda yaa: «Dẽ yĩnga, bõn-sõng tõe n yii Nazarɛt sɩda?» A Filip yeel-a lame: «Wa n gese.»
47
A Zeezi sẽn yãnda a Natanayɛll t'a wat bãmb nengẽ wã, b goma a yell n yeele: «Ad Israyɛll ned sɩd-sɩda, zãmb sẽn ka be a pʋgẽ ye.»
48
A Natanayɛll soka bãmb yaa: «Yãmb bãnga maam yɛɛnẽ?» A Zeezi leok-a lame n yeele: «Sẽn deng a Filip sẽn na n bool foomã, fo sẽn dag n be kankangã tẽngrã, mam yãnda foom.»
49
Dẽ, a Natanayɛll yeelame yaa: «Karen-saamba, yãmb la Wẽnnaam Bi-riblã! Yãmb la Israyɛll Rĩmã!»
50
A Zeezi leok-a lame n yeele: «Mam sẽn yeel tɩ mam yãnda foom kankangã tẽngrã yĩnga, fo tẽedame. La fo na n yãnda bõn-kãsems sẽn yɩɩd a woto.
51
Sɩd-sɩda, mam yeta yãmb tɩ yãmb na n yãnda arzãn sẽn pake, la Wẽnnaam malegs sẽn dʋʋd la b sigd ninsaal Bi-riblã zugẽ.»
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 2 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21