bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
John 2
John 2
Mossi MPBU (WẼNNAAM SEBRE 2014)
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 3 →
1
Dasem a tãab rẽnda zugẽ, yi-kãadem n zĩnd Galɩle Kana. A Zeezi ma rag n bee be.
2
La b boola a Zeezi me ne b karen-biisã tɩ b wa yi-kãadmã.
3
La reezẽ rãamã sẽn paooge, a Zeezi ma wã yeela lame: «Nebã ka leb n tar reezẽ rãam ye.»
4
A Zeezi leoka lame: «Paga, bõe n be maam ne fo sʋka? Mam wakatã nan ka ta ye.»
5
Bãmb ma wã yeela tʋmtʋmdbã tɩ b maan bũmb ning fãa a Zeezi sẽn na n yeel-b tɩ b maane.
6
Sĩms a yoob sẽn pees ne kug n dag n be be, tɩ b ningd koom tɩ Zʋɩf-rãmbã tar n yɩlgd‑b mens wa sẽn zems bãmb miningu, la a yembr fãa tõe n deega ko-yʋy a naas bɩ a nu koom.
7
A Zeezi yeel-b lame tɩ b pids sĩmsã ne koom, la b pids-b la pal-pale.
8
La a Zeezi yeel-b lame: «Toog‑y moasã n tɩ kõ ned ning sẽn get-a rɩɩbã pʋɩɩb yellã.» La b tallame n tɩ kɩs-a.
9
Sẽn get-a rɩɩbã pʋɩɩb yellã fʋrga koomã sẽn tedg n lebg reezẽ rãamã. Yẽnda rag n ka mi reezẽ‑rã‑kãng sẽn yitẽ ye, la tʋmtʋmdb nins sẽn wi-b koomã rag n miime.
10
A boola pʋg-paalã sɩd n yeel-a: «Ned fãa rengd n kõo nebã reezẽ rã‑sõngã, tɩ nebã nens sã n wa n yuusdẽ, bɩ a yaool n kõ-b reezẽ rãam ning sẽn ka-a sõama zãngã. La foom, fo bĩnga reezẽ rã‑sõngã hal tɩ ta moasã.»
11
Bõn-bãnã a Zeezi sẽn maanã sɩnga a woto Galɩle Kana. Bãmb wilga b ziiri, la bãmb karen-biisã tẽe bãmba.
12
Rẽ poore, bãmb kẽnga Kapɛrnaom ne b ma wã, la b ma-bi-raopã, ne b karen-biisã, tɩ b tɩ zĩnd be rasem bilf bala.
13
Zʋɩf-rãmbã Pakã tigr dag n kolgame, la a Zeezi kẽnga Zeruzalɛm.
14
Bãmb tɩ yãame tɩ neb n dag n zĩ wẽnd doogã zakẽ n koosd niigi, piisi, la manwalla.
15
A Zeezi rɩka wĩy n kal n maan kaase, n dig bãmb fãa tɩ b yi wẽnd doogã zakẽ, la b riga piisã ne niigã, la b sãeeg ligd tɛkdbã ligdi, la b leeb taabl-dãmbã,
16
la b yeel man-wal koaasdbã yaa: «Yiis-y yõwã kaanẽ. Da rɩk-y mam ba wã roog tɩ yɩ leebg zĩig ye.»
17
Bãmb karen-biisã tẽegame t'a gʋlsame: «Yãmb roogã nonglem na n sooga maam zãnga.»
18
Zʋɩf-rãmbã goma ne a Zeezi n yeele: «Bõe bãnd la yãmb na n wilg tõndo, n wilg tɩ yãmb tara noor tɩ maan bõn-kãnga?»
19
A Zeezi leoka bãmb n yeele: «Sãam-y wẽnd do-kãngã, la rasem a tãab pʋgẽ, mam na lebs-a n me.»
20
Dẽ, Zʋɩf-rãmbã yeela bãmb yaa: Yaa yʋʋm pis-naas la a yoob pʋgẽ la b rɩk n tõog n me wẽnd do-kãngã n sa, tɩ fo na n wa n lebs-a n me rasem a tãab pʋgẽ?
21
La a Zeezi dag n gomda b yĩngã sẽn yaa wẽnd doogã yelle.
22
Bãmb sẽn wa n vʋʋg n bas kũumã, b karen-biisã tẽegame t'a Zeezi dag n yeela a woto, la b tẽe Wẽnnaam gʋls-sõamyã ne gomd ning a Zeezi sẽn dag n gomã.
23
Bãmb sẽn dag n be Zeruzalɛm Pakã tigrã wakatã, neb wʋsg tẽe bãmb yʋʋrã, b sẽn yã bãnã bãmb sẽn dag n maandã yĩnga,
24
la sã n yaa ne a Zeezi, bãmb ka bas yard ne-b ye. Bala, bãmb dag n mi-b-la fãa,
25
la bãmb dag n ka baood tɩ ned kɩs a to kaset ye, bala, bãmb mengã mii bũmb ning sẽn be ninsaal pʋgẽ.
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 3 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21