bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
Psalms 119
Psalms 119
Mossi MPBU (WẼNNAAM SEBRE 2014)
← Chapter 118
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 53
Chapter 54
Chapter 55
Chapter 56
Chapter 57
Chapter 58
Chapter 59
Chapter 60
Chapter 61
Chapter 62
Chapter 63
Chapter 64
Chapter 65
Chapter 66
Chapter 67
Chapter 68
Chapter 69
Chapter 70
Chapter 71
Chapter 72
Chapter 73
Chapter 74
Chapter 75
Chapter 76
Chapter 77
Chapter 78
Chapter 79
Chapter 80
Chapter 81
Chapter 82
Chapter 83
Chapter 84
Chapter 85
Chapter 86
Chapter 87
Chapter 88
Chapter 89
Chapter 90
Chapter 91
Chapter 92
Chapter 93
Chapter 94
Chapter 95
Chapter 96
Chapter 97
Chapter 98
Chapter 99
Chapter 100
Chapter 101
Chapter 102
Chapter 103
Chapter 104
Chapter 105
Chapter 106
Chapter 107
Chapter 108
Chapter 109
Chapter 110
Chapter 111
Chapter 112
Chapter 113
Chapter 114
Chapter 115
Chapter 116
Chapter 117
Chapter 118
Chapter 119
Chapter 120
Chapter 121
Chapter 122
Chapter 123
Chapter 124
Chapter 125
Chapter 126
Chapter 127
Chapter 128
Chapter 129
Chapter 130
Chapter 131
Chapter 132
Chapter 133
Chapter 134
Chapter 135
Chapter 136
Chapter 137
Chapter 138
Chapter 139
Chapter 140
Chapter 141
Chapter 142
Chapter 143
Chapter 144
Chapter 145
Chapter 146
Chapter 147
Chapter 148
Chapter 149
Chapter 150
Chapter 120 →
1
Bark bee neb nins sẽn kẽnd ne burkĩndã zutu, neb nins sẽn kẽnd wa sẽn zems Sẽn-Ka-Saab tõogã!
2
Bark bee neb nins sẽn sakd bãmb no-tũudsã zutu, neb nins sẽn baood bãmb ne b sũyã fãa wã!
3
Bãmb ka maand wẽng ye. Bãmb kẽnda wa Sẽn-Ka-Saab sẽn datã.
4
Yãmb a Sẽn-Ka-Saab vigla y no-tũudsã, tɩ b tõe n sak-b neere.
5
Mam dat n gũusa ne m manesem, n tõog n sak yãmb tõodã!
6
Mam sã n sakd yãmb noyã zãnga, mam kõn tol n paam yãnd ye.
7
Mam na n pẽga yãmb ne pʋ-peelem, la m zãmsd yãmb tɩrlem no-tũudsã.
8
Mam dat n saka yãmb noyã. Bɩ y ra tol n bas-m fasɩ ye.
9
Bi-bɩɩg na n maana a wãn t'a manesem zemse? Yaa a sẽn na n sakd yãmb goamã.
10
Mam baooda yãmb ne m sũur fãa. Ra bas-y maam tɩ m bʋdg n bas yãmb noyã ye.
11
Mam bĩngda yãmb goamã m sũurẽ, sẽn na yɩl n da wa maan yel-wẽn n kong ne yãmb ye.
12
Sẽn-Ka-Saabo, bɩ y paam pẽgre! Bɩ y zãms maam yãmb no-tũudsã!
13
Mam noorã na n togsa tõod nins fãa sẽn yit yãmb noorẽ wã.
14
Mam sã n sakd yãmb noyã, mam tara sũ-noogo, tɩ yaa wa mam paama arzegs buud fãa.
15
Mam tagsda yãmb no-tũudsã yelle, la m get yãmb soayã y sẽn wilgd maamã.
16
Mam sũur yaa noog tɩ sak yãmb no-tũudsã, la m kõn tol n yĩm yãmb goamã yell ye.
17
Maan-y mam sẽn yaa yãmb tʋmtʋmdã neere, tɩ m tõe n vɩɩmde, la m sak yãmb goamã!
18
Puk-y m ninã tɩ m tõe n yã yãmb tõogã bõn-bãnã!
19
Mam yaa sãan dũniyã ka, ra solg-y y noyã ne maam ye.
20
Yãmb no-tũudsã bãngr datem dɩta maam wakat fãa wa bugum.
21
Yãmb lengda wuk-m-mens rãmbã, kãab-wẽng sẽn be b rãmb zutã, neb nins sẽn bʋdg n bas yãmb noyã.
22
Yiis-y maam paoogrã ne yaalgã pʋga, bala, mam wɩngda ne yãmb no-tũudsã sakre.
23
Nanambsã nong bɩ b zĩnd n gom mam yell wẽnga, yãmb tʋmtʋmdã tagsda yãmb noyã yelle.
24
Yãmb no-tũudsã kõta maam sũ-noogo. Bãmb n sagend maam.
25
Mam bilimda tomẽ. Sõng-y-m tɩ m vɩɩmd wa sẽn zems yãmb goamã!
26
Mam togsa yãmb m manesmã, la yãmb leoka maam. Zãms-y maam yãmb noyã!
27
Sõng-y-m tɩ m wʋm yãmb no-tũudsã võore, tɩ m tõe n tags y bõn-bãnã yelle!
28
Mam yãbda ne sũ-sãanga. Leb-y n paas-y maam pãng wa sẽn zems yãmb goamã!
29
Zãag-y maam ne zĩrẽ sore, la y zoe m nimbãaneg n sõng-m tɩ m sak yãmb tõogã.
30
Mam yãka yam n na n tũ pʋ-peelem sore. Mam sakda yãmb no-tũudsã.
31
Mam loeta m meng ne yãmb no-tũudsã. Sẽn-Ka-Saabo, da ning-y maam yãnd ye!
32
Mam zoeta yãmb noyã sor zugu, bala, yãmb yoka mam yamã.
33
Sẽn-Ka-Saabo, zãms-y maam y tõodã soayã, tɩ mam tõe n tall-b m vɩɩm tɛka.
34
Kɩt-y tɩ m wʋm yãmb tõogã võore, tɩ m tõe n bĩng-a, la m sak-a ne m sũur fãa.
35
Kɩt-y tɩ m kẽn yãmb noyã sor zugu! Bala, mam sũur nooma ne-ba.
36
Wẽnemd-y m sũurã tɩ m sak y no-tũudsã, la y ra wẽnemd m sũurã n tees zãmb arzegs ye.
37
Bɩ y kɩt tɩ m wẽnemd n da ges bũmb nins sẽn ka tar yõodã ye. La y sõng-m tɩ m vɩɩmd wa sẽn zemsd yãmb daabã!
38
Mam yaa yãmb tʋmtʋmda, pids-y yãmb sẽn kãab maam bũmb ningã, tɩ nebã na zoe yãmba!
39
Zãag-y maam ne paoogrã mam sẽn zoetã. Bala, yãmb bʋʋdã yaa sõama.
40
Mam sesdame n dat yãmb no-tũudsã. Kɩt-y tɩ m vɩɩmd yãmb tɩrlmã pʋga!
41
Sẽn-Ka-Saabo, wilg-y y nonglmã ne maam, la y fãag maam wa sẽn zems yãmb sẽn dag n kãabã!
42
Tɩ mam tõe n leok neb nins sẽn paoogd maamã, bala, mam teega yãmb goamã.
43
Ra yiis-y sɩd-goamã mam noorẽ ye, bala, mam gũuda yãmb bʋ-kaoorã.
44
Mam na n saka yãmb tõogã wakat fãa n ka bas ye.
45
Mam na n kẽna lohorem pʋgẽ, bala, mam baooda yãmb no-tũudsã.
46
Mam na n kɩsa yãmb kasetã rĩm-dãmb taoore, n ka tol n zoe yãnd ye.
47
Mam maanda sũ-noog ne yãmb noyã. Mam nong-b-la hal wʋsgo.
48
Mam zẽkda m nus n teesd yãmb noyã m sẽn nongã, la mam tagsda yãmb noorã y sẽn yiisã yelle.
49
Tẽeg-y gomd ning yãmb sẽn dag n gom ne y tʋmtʋmdã yelle. Bala, gom-kãng kõo maam tẽebo!
50
Bõn-kãng n belsd maam m nimbãanegã pʋga. Yãmb sẽn yeelã n kõt maam vɩɩm.
51
Baa ne tɩtaam dãmbã sẽn paoogd maamã, mam ka basd yãmb tõogã ye.
52
Sẽn-Ka-Saabo, mam ket n tẽra yãmb bʋ-kaoorã yãmb sẽn maan pĩndã yelle, n paamd belsgo.
53
Mam sã n get nin-wẽnsã sẽn basd yãmb tõogã, mam sũur puuda wʋsgo.
54
Mam sãandã weoogo, yaa yãmb sẽn yiis noy ninsã n lebg mam yɩɩl tɩ m yɩɩndẽ.
55
Sẽn-Ka-Saabo, yʋngo mam tẽegda yãmb yʋʋrã yelle, la m sakda yãmb tõogã.
56
Ad bũmb ning sẽn pak maam, yaa tɩ sak yãmb no-tũudsã.
57
Sẽn-Ka-Saabo, mam yetame, mam pʋɩɩr yaa tɩ sak yãmb goamã.
58
Mam baooda ne m sũur fãa, n dat n ta yãmb yam, Zoe-y m nimbãanega, wa yãmb sẽn kãabã!
59
Mam tagsa m manesmã yelle, n na n wẽnemd n kẽn wa sẽn zems yãmb kasetã.
60
Mam yãgdame n sakd yãmb noyã, n ka basdẽ tɩ kaoosdẽ ye.
61
Nin-wẽnsã bẽdg yõka maam, la mam ka yĩmd yãmb tõogã yell ye.
62
Mam yikda yʋn-sʋk n pʋʋsd yãmb barka, yãmb bʋ-kaoorã sẽn yaa tɩrgã yĩnga.
63
Mam yaa neb nins fãa sẽn zoet yãmb la b sakd yãmb no-tũudsã zoa.
64
Sẽn-Ka-Saabo, yãmb nonglmã pida dũniyã gilli. Zãms-y maam tɩ m bãng y tʋlsmã!
65
Sẽn-Ka-Saabo, yãmb maana mam sẽn yaa y tʋmtʋmdã neere, wa yãmb sẽn dag n kãabã.
66
Zãms-y maam tɩ m paam yam la bãngre, bala, mam kɩsa sɩd ne yãmb noyã.
67
Sẽn deng toogã sẽn na n paam maam, mam dag n kẽe moogo. La moasã, mam sakda yãmb sẽn yeelã.
68
Yãmb yaa sõmblem soaba, la maan-neer soaba. Zãms-y maam y tʋlsmã.
69
Wuk-m-mens rãmbã yagda zĩrẽ n sãamd mam yʋʋre, la mam sakda yãmb no-tũudsã ne m sũur fãa.
70
Nin-bãmb yamã gũsa wa kaam. La yãmb tõogã sakr n kõt maam sũ-noogo.
71
Toogã sẽn paam maamã manega maam, yaa tɩ mam na zãms n bãng yãmb noyã.
72
Yãmb sẽn kõ tõod ninsã tara yõod ne maam, n yɩɩd sãnem ne wanzuri teed tusa.
73
Yaa yãmb nus n naan maam, n kõt maam pãnga. Kõ-y maam yam tɩ m zãms yãmb tõodã.
74
Neb nins sẽn zoet yãmbã sã n yãnd maam, b maanda sũ-noogo. Bala, mam tẽeda yãmb goamã.
75
Sẽn-Ka-Saabo, mam miime tɩ yãmb bʋ-kaoorã yaa tɩrga, la yãmb tara bʋʋm la y sẽn sɩbg maamã.
76
Bɩ y maan-neerã bels maam, wa yãmb sẽn dag n kãab y tʋmtʋmdã.
77
Bɩ y maan nimbãan-zoeer ne maam tɩ m tõe n vɩɩmde. Bala, yãmb tõogã n kõt maam sũ-noogo.
78
Bɩ y ning wuk-m-mens rãmbã sẽn namsd maam zaalmã yãnde! Mam tagsda yãmb no-tũudsã yelle.
79
Bɩ sẽn zoet-b yãmbã ne neb nins sẽn mi-b yãmb tʋlsmã wẽnemd n wa mam nengẽ.
80
Mam na n saka y noyã ne m sũur fãa, n da wa paam yãnd ye.
81
Mam namsdame n baood yãmb fãagrã, la mam gũuda yãmb goamã ne tẽebo.
82
Mam gũu yãmb goamã tɩ mam ninã pãng sɛ, tɩ mam sokdẽ: Dabʋr la yãmb na n bels maam?
83
Baa mam sã n wa n lebg wa ko-waoog bug-zõos sẽn kʋɩɩse, mam ka yĩmd yãmb tõodã yell ye.
84
Mam na n vɩɩmda yʋʋm wãna? Dabʋr la y na n bʋ mam namsdbã bʋʋdo?
85
Wuk-m-mens rãmbã tuuda bogd mam taoore, n kɩɩsd yãmb tõogã.
86
Yãmb noyã zãng wilgda yãmb nonglmã. Sõng-y maam tɩ b namsd-m-la zaalem!
87
Kellẽ-la bilf tɩ b menesẽ maam. La mam ka basd yãmb no-tũudsã sakr ye.
88
Sõng-y maam tɩ m vɩɩmd wa sẽn zems y nonglmã, tɩ m tõe n sak yãmb noorã sẽn togsã.
89
Sẽn-Ka-Saabo, yãmb goamã bee saasẽ wakat fãa.
90
Yãmb maan-sɩdã paada zamaan woo zamaane. Yãmb n vigl tẽn-gãongã t'a beẽ.
91
Yaa yãmb bʋ-kao-tɩrgã yĩng la bũmbã fãa be rũndã. Bala, bũmbã fãa tʋmda yãmb yĩnga.
92
Sã n ka mam sẽn nong yãmb tõogã yĩnga, toogã rag n na n loogẽ-la ne maam.
93
Mam kõn tol n yĩm yãmb noyã yell ye. Bala, yãmb tũnuga bãmb n kõ maam vɩɩm.
94
Fãag-y maam tɩ yãmb n so maam. Bala, mam baood n saka yãmb noyã.
95
Nin-wẽnsã gũuda maam n dat n menes maam, la mam kelgda yãmb noyã.
96
Mam yãame tɩ baa bũmb nins fãa sẽn zems zãngã tara tɛka, la yãmb tõogã ka tar tɛk ye.
97
Mam sɩd nonga yãmb tõogã! Mam tagsda a yell n ka basdẽ ye.
98
Yãmb tõogã kõta maam yam n yɩɩd m bɛɛbã, bala, mam tar-a-la wakat fãa.
99
Mam tara yam n yɩɩd m zu-soben-dãmbã, bala, yaa yãmb noyã yell bal la mam tagsda.
100
Mam tara bãngr n yɩɩd nin-kẽemba, bala, mam sakda yãmb noyã.
101
Mam gũusdame n ka rɩkd wẽng maaneg sore, sẽn na n yɩl n sak yãmb goamã.
102
Mam tũuda yãmb no-tũudsã, bala, yãmb n zãms-b maam.
103
Yãmb goamã nooma mam noorẽ, n yɩɩd sɩɩd sẽn be mam dagsendakẽ.
104
Yãmb no-tũudsã kõta maam bãngre, la mam kisa zĩrẽ buud fãa.
105
Yãmb goamã yaa fɩtl mam kẽnd pʋga, a yaa vẽenem mam sor zugu.
106
Mam wẽen n pidsame, tɩ m na n saka yãmb tɩrlem bʋ-kaoorã.
107
Sẽn-Ka-Saabo, mam bee sũ-sãan-kãseng pʋga, sõng-y maam tɩ m vɩɩmd wa sẽn zems yãmb sẽn kãabã!
108
Sẽn-Ka-Saabo, mam kot-y lame, tɩ y sak n deeg m bark pʋʋsgã tɩ yɩ kũuni, la y zãms maam y tɩrlem bʋ-kaoorã!
109
Mam vɩɩmã bee yell pʋg wakat fãa, la mam ka yĩmd yãmb tõogã yell ye.
110
Nin-wẽnsã bẽta maam kũusri, la mam ka bʋdgd n basd yãmb no-tũudsã ye.
111
Yãmb tʋlsmã n yaa mam pʋɩɩr wakat fãa, bãmb n noogd mam sũuri.
112
Mam modgdame n sakd yãmb noyã. Bõn-kãng n yaa mam keoor wakat fãa.
113
Mam kisa yam a yiib rãmbã, la m nonga yãmb tõogã.
114
Yãmb yaa mam zĩ-soalgdga, la m gãongo, Mam tẽeda yãmb goamã.
115
Tʋʋm-wẽns maandba, loog-y n bas-y maam, tɩ mam tõe n sak m Wẽnnaamã noyã!
116
Tebend-y maam wa sẽn zems y sẽn kãabã, tɩ m tõe n vɩɩmde. Da ning-y maam yãnd m tẽeb-gũudmã pʋg ye.
117
Tebend-y maam tɩ m tõe n paam fãagre, la tɩ m tõe n get yãmb noyã wakat fãa!
118
Yãmb ka reegd neb nins sẽn bʋdgd n basd yãmb noyã ye. Bala, bãmb sɩlmã fãa yaa zaalem.
119
Yãmb menesda dũniyã nin-wẽnsã wa sagdo. Rẽ n kɩt tɩ mam nong yãmb tʋlsem.
120
Mam sẽn zoet yãmbã yĩng kɩtame tɩ mam digda. Yãmb bʋ-kaoorã kẽesda maam dabeem.
121
Mam vɩɩmda zemsgo, la tɩrlem pʋga. Da bas-y maam m namsdbã nusẽ ye.
122
Gũ-y mam sẽn yaa yãmb tʋmtʋmdã n kɩt tɩ m yɩ neere. Tɩ wuk-m-mens rãmbã ra leb n nams maam ye.
123
Mam nin pãng rat n sɛɛ yãmb fãagrã ne y tɩrlmã kãabg baoob yĩnga.
124
Maan-y mam sẽn yaa yãmb tʋmtʋmdã wa sẽn zems y nonglmã. Zãms-y maam y noyã!
125
Mam yaa yãmb tʋmtʋmda. Bɩ y kõ maam yam, tɩ m bãng yãmb tʋlsem.
126
Sẽn-Ka-Saabo, wakat taame tɩ y tog n maan bũmbu. Bala, b sãamda yãmb tõogã.
127
Yaa rẽ n kɩt tɩ mam nong yãmb noyã, n yɩɩd sãnem halaale.
128
Rẽ kɩtame tɩ bũmbã fãa pʋgẽ, mam getame tɩ yãmb no-tũudsã n yaa tɩrse, la mam kisa zĩrẽ-beed buud fãa.
129
Yãmb tʋlsmã yaa sõama, rẽ n kɩt tɩ mam sakd-ba.
130
Sẽn bãng-a yãmb goamã paamda vẽnegre. Yãmb goamã wekda sẽn be-b zɩɩlem pʋgẽ wã yam.
131
Mam yaagda m noor n sesdẽ, yãmb noyã yamleoog sẽn tar maamã yĩnga.
132
Wẽnemd-y n ges-y maam, n zoe m nimbãanega, wa sẽn zems y tɩrlmã y sẽn maand neb nins sẽn nong yãmb yʋʋrã yĩngã.
133
Paas-y maam pãng wa y sẽn yeelã, la y ra bas tɩ wẽng ba a yembr soog-m ye.
134
Fãag-y maam ne ninsaalbã namsgo, tɩ mam tõe n sak yãmb no-tũudsã.
135
Kɩt-y tɩ y nengã vẽenem yãg n bui mam sẽn yaa yãmb tʋmtʋmdã. Zãms-y maam tɩ m sak yãmb noyã.
136
Mam nintãm daagdame, nebã sẽn ka sakd yãmb tõogã yĩnga.
137
Sẽn-Ka-Saabo, yãmb yaa tɩrga, la yãmb bʋ-kaoorã yaa tɩrga.
138
Yãmb kõ y kasetã ne tɩrlem, la ne maan-sɩd meng-menga.
139
Mam bɛɛbã yĩmda yãmb goamã yelle, la bõn-kãng kɩtame tɩ nonglem-kãseng ning mam sẽn tar yãmb yĩngã rɩt maam wa bugum.
140
Yãmb gomdã zemsa zãnga, rẽ kɩtame tɩ mam sẽn yaa yãmb tʋmtʋmdã nong-a.
141
Mam yaa bilf tɩ b pa nand-m ye. La mam ka yĩmd yãmb noyã yell ye.
142
Yãmb tɩrlmã n yaa tɩrlem sẽn paad wakat fãa, la yãmb tõogã yaa sɩda.
143
Yel-pakr la sũ-sãang n tar maam. La yãmb noyã n kõt maam sũ-noogo.
144
Yãmb tʋlsmã yaa tɩrs wakat sẽn kõn sa, yok-y mam yamã tɩ m wʋm b võor n tõog n vɩɩmde!
145
Sẽn-Ka-Saabo, mam boonda yãmb ne m sũur fãa, bɩ y leok-ma, tɩ m tõe n sak yãmb noyã.
146
Mam boonda yãmba, fãag-y-ma, tɩ mam tõe n maan yãmb tʋlsmã.
147
Mam sãta beoog n boondẽ. La mam maanda tẽeb ne yãmb goamã.
148
Mam pukda m nin tɩ beoog nan ka vẽeg ye, n na n tags yãmb sẽn kãabã yelle.
149
Sẽn-Ka-Saabo, bɩ y kelg maam wa sẽn zems y nonglmã, sõng-y-m tɩ m vɩɩmd wa sẽn zems y tɩrlem bʋ-kaoorã!
150
Sẽn tʋmd-b tʋʋm-wẽnsã kolgda maam, b zãagda b mens ne yãmb tõogã.
151
Sẽn-Ka-Saabo, yãmb bee mam sɛɛgẽ, la yãmb noyã fãa yaa sɩd bala.
152
Mam miime tɩ hal kʋdem-wẽndẽ, yãmb vigla y tʋlsmã wakat sẽn kõn sɛ yĩnga.
153
Ges-y mam namsgã, la y fãag-ma, bala, mam ka yĩmd yãmb tõogã yell ye.
154
Zab-y n sõng-y-ma, la y fãag-ma. Sõng-y-m tɩ m vɩɩmd wa sẽn zems yãmb kãabgã.
155
Fãagrã zãra ne nin-wẽnse, bala, b ka baood n na n sak yãmb noyã ye.
156
Sẽn-Ka-Saabo, yãmb nimbãan-zoeerã yaa kãsenga! Sõng-y-m tɩ m vɩɩmd wa sẽn zems yãmb tɩrlem bʋ-kaoorã!
157
Mam namsdbã ne m bɛɛbã yaa wʋsgo. La mam ka basd yãmb tʋlsmã ye.
158
Mam sẽn get zãmb-dãmbã, mam yam yii ne bãmba, b sẽn ka sakd yãmb sẽn yeelã yĩnga.
159
Bɩ y gese, mam nonga yãmb no-tũudsã, sõng-y-m tɩ m vɩɩmd wa sẽn zemsd yãmb nonglmã.
160
Yãmb goamã fãa yaa sɩda, la yãmb bʋ-kao-tɩrgã fãa paada wakat sẽn kõn sɛ.
161
Nanambs namsda maam zaalem. La mam sẽn zoet yaa yãmb goamã bala.
162
Mam sũur nooma ne yãmb sẽn kãabã, tɩ yaa wa ned sẽn paam te-zɛɛdem wʋsgo.
163
Mam kisa zĩrẽ-beedo, la m yam yii ne-a. Mam sẽn nong yaa yãmb tõogã.
164
Mam pẽgda yãmb naoor a yopoe daar fãa, yãmb bʋ-kao-tɩrsã yĩnga.
165
Sẽn nong-b yãmb tõogã vɩɩ ne bãan meng-menga, la bũmb ka be n tõe n lub bãmb ye.
166
Sẽn-Ka-Saabo, mam maanda tẽeb ne yãmb fãagrã, la m sakd yãmb noyã.
167
Mam maanda yãmb tʋlsmã, la m nong-b-la hal wʋsgo.
168
Mam tũuda yãmb no-tũudsã ne y tʋlsmã, bala, mam yel-manesmã fãa bee yãmb taoore.
169
Sẽn-Ka-Saabo, wʋm-y mam kɛlengã! Kõ-y maam bãngr wa sẽn zems yãmb goamã!
170
Bɩ mam kosgã zẽk n ta y nengẽ! Fãag-y maam wa yãmb sẽn kãabã!
171
Bɩ mam noorã kils n waoog-yã, bala, yãmb zãmsda maam y noyã.
172
Bɩ mam zelemdã pʋd yɩɩll n pẽg y goamã, bala, yãmb noyã fãa yaa tɩrse.
173
Bɩ y tẽeg y nug n sõng-ma, bala, mam yãka yam n na n sak yãmb no-tũudsã.
174
Sẽn-Ka-Saabo, mam sesdame n dat yãmb fãagrã, la yãmb tõodã kõta maam sũ-noogo.
175
Sõng-y maam tɩ m vɩɩmd n pẽg yãmba! La bɩ yãmb bʋ-kaoorã sõng-ma!
176
Mam saada wa peosg sẽn meneme, bɩ y bao y tʋmtʋmdã, bala, mam ka yĩmd yãmb noyã yell ye.
← Chapter 118
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 53
Chapter 54
Chapter 55
Chapter 56
Chapter 57
Chapter 58
Chapter 59
Chapter 60
Chapter 61
Chapter 62
Chapter 63
Chapter 64
Chapter 65
Chapter 66
Chapter 67
Chapter 68
Chapter 69
Chapter 70
Chapter 71
Chapter 72
Chapter 73
Chapter 74
Chapter 75
Chapter 76
Chapter 77
Chapter 78
Chapter 79
Chapter 80
Chapter 81
Chapter 82
Chapter 83
Chapter 84
Chapter 85
Chapter 86
Chapter 87
Chapter 88
Chapter 89
Chapter 90
Chapter 91
Chapter 92
Chapter 93
Chapter 94
Chapter 95
Chapter 96
Chapter 97
Chapter 98
Chapter 99
Chapter 100
Chapter 101
Chapter 102
Chapter 103
Chapter 104
Chapter 105
Chapter 106
Chapter 107
Chapter 108
Chapter 109
Chapter 110
Chapter 111
Chapter 112
Chapter 113
Chapter 114
Chapter 115
Chapter 116
Chapter 117
Chapter 118
Chapter 119
Chapter 120
Chapter 121
Chapter 122
Chapter 123
Chapter 124
Chapter 125
Chapter 126
Chapter 127
Chapter 128
Chapter 129
Chapter 130
Chapter 131
Chapter 132
Chapter 133
Chapter 134
Chapter 135
Chapter 136
Chapter 137
Chapter 138
Chapter 139
Chapter 140
Chapter 141
Chapter 142
Chapter 143
Chapter 144
Chapter 145
Chapter 146
Chapter 147
Chapter 148
Chapter 149
Chapter 150
Chapter 120 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
67
68
69
70
71
72
73
74
75
76
77
78
79
80
81
82
83
84
85
86
87
88
89
90
91
92
93
94
95
96
97
98
99
100
101
102
103
104
105
106
107
108
109
110
111
112
113
114
115
116
117
118
119
120
121
122
123
124
125
126
127
128
129
130
131
132
133
134
135
136
137
138
139
140
141
142
143
144
145
146
147
148
149
150