1 John 1

Marwari Bible

Jump to: Chapter 2 →

1उण जीवन रै वचन रै बारै में जिकौ सरूआत ऊं हो, जिणनै म्हौ सुण्यौ, अर जिणनै अपणी आंख्यां ऊं देख्यौ, जिणनै म्हौ ध्यांन ऊं देख्यौ अर हाथो ऊं छूयो,

2ओ जीवन परगट होयौ। अर म्हौ उणनै देख्यौ, अर उणरी गवाई देवो हो, अर थांनै उण अनत जीवन रौ समाचार देवो हो जिकौ पिता रै साथै हो अर म्हौ माथै परगट होयौ।

3जिकौ कीं म्हौ देख्यौ अर सुण्यौ, उणरौ समाचार थांनै भी देवूं हूं, इण वास्तै की थां भी म्हौरै साथै सहभागी होवो। अर म्हौरी आ सहभागिता पिता परमेसर रै साथै, अर उणरै बेटे मसीह रै साथै है।

4अर ऐ बातां म्हौ इण वास्तै लिखौ हो की म्हौरौ आंणंद पूरौ हो जावै।

5जिकौ समाचार म्हौ उण ऊं सुण्यौ अर थांनै सुणावौ हो, वो ओ है की परमेसर उजाळौ है अर उणमे कीं भी अंधारौ कोनीं।

6जे म्हौ कैवौ की उणरै साथै म्हौरी सहभागिता है अर पछै अंधारै में चालता रैवौ, तो म्हौ झूठा हो अर सचाई माथै कोनीं चालौ।

7पण जे ज्यौ वो उजाळै में है, व्यौंही म्हौ भी उजाळै में चालौ, तो एक-दूजै ऊं सहभागिता राखौ हो, अर परमेसर रै बेटे यीसु रौ लोई अपांनै सगळै पापों ऊं सुद्ध करै है।

8जे म्हौ कैवौ की म्हौ में कोई पाप कोनीं, तो अपणै आपनै धोखो देवो हो, अर म्हौरै में सचाई कोनीं है।

9जे म्हौ परमेसर रै सांमै म्हौरै पापों नै मांन लौ, तो वो म्हौरै पापों नै माफ करै ला अर म्हौरै सगळै अधरम ऊं सुद्ध करै ला, क्यूंकै वो विसवास लायक अर धरमी है।

10जे म्हौ कैवौ की म्हौ पाप कोनीं कियो, तो परमेसर नै झूठौ बणावौ हो, अर उणरौ वचन म्हौरै में कोनीं है।

Jump to: Chapter 2 →