bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Marwari
/
Marwari Bible
/
1 John 4
1 John 4
Marwari Bible
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 5 →
1
हे प्यारै भाइयो, हरैक आतमा रौ विसवास मती करौ, बल्कि आतमाओ नै परखो की वो परमेसर री तरफ ऊं है की कोनीं, क्यूंकै घणाहारा झूठा भविसयदाता जगत में आया है।
2
परमेसर री आतमा थै इण रीत ऊं पिछांण सकौ हो, की जिकौ कोई मांन लेवे है की यीसु मसीह सरीर में होयनै आया है वो परमेसर री तरफ ऊं है।
3
अर जिकौ कोई यीसु नै नीं मांनै, वो परमेसर री तरफ ऊं कोनीं। अर वो मसीह विरोधी आतमा है, जिणरी चरचा थै सुण चुकया हो की वो आवणवाळौ है, अर अबार भी जगत में है।
4
हे प्यारै टाबरौ, थै परमेसर रा हो। इण वास्तै थै मसीह रै दुसमनो ऊपर जीत हासल की है, क्यूंकै वो परमेसर जिकौ थौरे में है, संसार में रैवणवाळै सैतान ऊं मोटो है।
5
वे मसीह विरोधी लोग सांसारिक है। इण वास्तै वे जिकौ कीं बोले है, वो सांसारिक है अर संसार ही उणौरी सुणै है।
6
म्हौ परमेसर रा हो। इण वास्तै जिकौ परमेसर नै जांणै है, वो म्हौरी सुणै है। इण तरैह ऊं म्हौ सचाई री आतमा नै अर लोगां नै भटकानेवाळी आतमा नै पिछांण सकौ हो।
7
हे प्यारै भाइयो, म्हौ आपस में परैम राखौ, क्यूंकै परैम परमेसर ऊं मिळै है। जिकौ कोई परैम करै है, वो परमेसर री औळाद है अर परमेसर नै जांणै है।
8
जिकौ परैम नीं राखै, वो परमेसर नै कोनीं जांणै है, क्यूंकै परमेसर ही परैम है।
9
परमेसर आपरौ परैम इण तरैह दिखायौ है की उणै आपरै एकाएक बेटे नै इण संसार में भेज्यौ जिण ऊं की म्हौ उणरै बेटे रै जरियै अनत जीवन हासल कर सकौ।
10
साचौ परैम इण में कोनीं की म्हौ परमेसर ऊं परैम कियो, बल्कि इण में है की उणै म्हौरै ऊं परैम कियो, अर म्हौरै पापों रै उद्धार रै वास्तै आपरै बेटे नै बलिदान रै लियै भेज्यौ।
11
हे प्यारै भाइयो, जद परमेसर नै म्हौरै ऊं ऐड़ौ परैम कियो, तो म्हौ नै भी आपस में परैम राखणौ चाहीजै।
12
परमेसर नै कदैई किणी कोनीं देख्यौ। जे म्हौ आपस में परैम राखौ, तो परमेसर म्हौ में बण्यौ रैवै है, अर उणरौ परैम म्हौ में पूरौ हो गियौ है।
13
इण ऊं म्हौ जांणौ हो की म्हौ उणमे बण्या रैवौ हो, अर वो म्हौ में, क्यूंकै उणै आपरी आतमा म्हौ नै दी है।
14
म्हौ देख लियौ अर गवाई भी देवो हो, की पिता परमेसर अपणै बेटे नै जगत रौ उद्धारकर्ता करनै भेज्यौ है।
15
जिकौ कोई ओ मांन लेवे है की, “यीसु परमेसर रौ बेटौ है,” परमेसर उणमे बण्यौ रैवै है, अर वो परमेसर में।
16
जिकौ परैम परमेसर म्हौ ऊं राखै है, उणनै म्हौ जांण गिया अर उणरौ विसवास भी कियो है। परमेसर परैम है, अर जिकौ परैम में बण्यौ रैवै है वो परमेसर में बण्यौ रैवै है, अर परमेसर उणमे बण्यौ रैवै है।
17
इण ऊं परैम म्हौ मे सिद्ध होयौ ताकी न्याव रै दिन म्हौ नै विसवास बण्यौ रैवै, क्यूंकै जैड़ौ मसीह है, वैड़ा संसार में म्हौ भी हो।
18
परैम मे भय कोनीं होवै, बल्कि सिद्ध परैम भय नै दूर कर दैवै है। क्यूंकै भय रौ संबंध डंड ऊं होवै है, अर जिकौ भय करै है वो परैम में सिद्ध कोनीं होया।
19
म्हौ इण वास्तै परैम करौ हो, की पैला उणै म्हौरै ऊं परैम कियो।
20
जे कोई कैवै, “म्हैं परमेसर ऊं परैम राखूं हूं,” अर आपरै भाई ऊं बैर राखै तो वो झूठौ है। क्यूंकै जिकौ आपरै भाई ऊं जिणनै उणै देख्यौ है परैम कोनीं राखै, तो वो परमेसर ऊं भी जिणनै उणै नीं देख्यौ उण ऊं परैम कोनीं राख सकै।
21
मसीह ऊं म्हौ नै आ आग्या मिळी है, की जिकौ कोई परमेसर ऊं परैम राखै है, वो आपरै भाई ऊं भी परैम राखै।
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 5 →
All chapters:
1
2
3
4
5