bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Marwari
/
Marwari Bible
/
1 John 2
1 John 2
Marwari Bible
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 3 →
1
हे म्हारै प्यारै टाबरौ, ऐ बातां म्हैं थांनै इण वास्तै लिख रियौ हूं की थै पाप नीं करौ। बल्कि जे कोई पाप करै, तो पिता रै खनै म्हौरौ एक मददगार है, मतलब धरमी यीसु मसीह।
2
वो म्हौरै पापों रै प्रायसित रै लियै बलिदान होया, अर नीं कैवल म्हौरै पापों रै लियै, बल्कि सगळै जगत रै पापों रै लियै भी।
3
जे म्हौ उणरी आग्याओं नै मांनौला, तो उण ऊं म्हौ जांण जावोला की म्हौ उणनै जांण लियौ है।
4
जिकौ कोई ओ कैवै है, “म्हैं उणनै जांण गियौ हूं,” अर उणरी आग्याओं नै कोनीं मांनै, वो झूठौ है अर उणमे सचाई कोनीं।
5
पण जिकौ कोई उणरै वचन माथै चालै, उणमे साचांणी परमेसर रौ परैम सिद्ध होयौ है। म्हौ नै इणी ऊं मालूम होवै है, की म्हौ उण में हो।
6
जिकौ कोई ओ कैवै है की म्हैं परमेसर मे बण्यौ रैवूं हूं, उणनै चाहीजै की आप भी वैड़ौ ही चालै जैड़ौ यीसु चालै है।
7
हे प्यारौ, म्हैं थांनै कोई नई आग्या कोनीं लिखूं, बल्कि वोहीज पुराणी आग्या जिकौ सरूआत ऊं थांनै मिळी है। आ पुराणी आग्या वो वचन है जिणनै थै सुण चुकया हो।
8
वळै म्हैं थांनै नई आग्या लिखूं हूं, अर आ तो मसीह मे अर थौरे मे साची ठैरै है, क्यूंकै अंधारौ मिटतो जावै है अर सचाई रौ उजाळौ अबै चमकन लागौ है।
9
जिकौ कोई ओ कैवै है, “म्हैं उजाळै मे हूं” अर विसवासी भाई ऊं बैर राखै है, तो वो अजी तांई अंधारै मे ही है।
10
जिकौ कोई अपणै विसवासी भाई ऊं परैम राखै है वो उजाळै मे रैवै है, अर ठोकर नीं खा सकै।
11
बल्कि जिकौ कोई आपरै विसवासी भाई ऊं बैर राखै है वो अंधारै मे है अर अंधारै मे चालै है, अर नीं जांणै की कठै जावै है, क्यूंकै अंधारै नै उणरी आंख्यां आंधी कर दी है।
12
हे प्यारै टाबरौ, म्हैं थांनै इण वास्तै लिख रियौ हूं की यीसु मसीह रै नाम ऊं थौरा पाप माफ होया।
13
हे बुढ़ियों, म्हैं थांनै इण वास्तै लिखूं हूं की जिकौ सरूआत ऊं है थै उण परमेसर नै जांणौ हो। हे जवानो, म्हैं थांनै इण वास्तै लिखूं हूं की थै सैतान माथै जय पाई है।
14
हे टाबरौ, म्हैं थांनै इण वास्तै लिखूं हूं की थै पिता परमेसर नै जांण गिया हो। हे बुढ़ियों, म्हैं थांनै इण वास्तै लिख्यौ है की जिकौ सरूआत ऊं है थै उण परमेसर नै जांण गिया हो। हे जवानो, म्हैं थांनै इण वास्तै लिख्यौ है की थै ताकतवर हो, अर परमेसर रौ वचन थौरे में बण्यौ रैवै है, अर थै सैतान माथै जय पाई है।
15
थै नीं तो संसार ऊं अर नीं संसार री किणी चीजों ऊं परैम राखौ। जे कोई संसार ऊं परैम राखै है, तो उणमे पिता परमेसर रौ परैम कोनीं है।
16
क्यूंकै जिकौ कीं संसार में है, मतलब सरीर री इछाओ, अर आंख्यां री इछाओ अर जीविका रौ घंमड, वो पिता परमेसर री तरफ ऊं कोनीं पण संसार री तरफ ऊं ही है।
17
संसार अर उणरी इछाओ दोनूं मिटती जावै है, बल्कि जिकौ परमेसर री इछा ऊपर चालै है, वो हमेसां बण्यौ रैला।
18
हे प्यारै टाबरौ, ओ वगत आखरी है, अर जैड़ौ थै सुण्यौ हो, की मसीह विरोधी आवणवाळौ है, उणरै अनुसार अबार भी घणा मसीह विरोधी तैयार होया है, इण ऊं म्हौ जांणौ है की ओ आखरी वगत है।
19
मसीह विरोधी म्हौरै में ऊं निकळिया है, बल्कि वास्तव में वे म्हौरा कोनीं है, क्यूंकै जे वे म्हौरा होता तो म्हौरै साथै ही रैवता। बल्कि वे म्हौ नै छोड़नै गिया ताकी वे दिखा सकै की उणमे ऊं कोई भी वास्तव में म्हौरौ कोनीं है।
20
पण थौरो तो उण पवितर आतमा ऊं अभिसेक होयौ है, अर थै सगळौ कीं जांणौ हो।
21
म्हैं थांनै इण वास्तै कोनीं लिख्यौ है की थै सचाई नै कोनीं जांणौ, बल्कि थै तो उणनै जांणौ हो अर इण वास्तै भी की सचाई ऊं कोई झूठ कोनीं निकळै।
22
झूठौ कुण है? कैवल वो जिकौ यीसु रै मसीह होणै रौ मना करै है। मसीह विरोधी वोहीज है, जिकौ पिता परमेसर रौ अर बेटे रौ मना करै है।
23
जिकौ कोई बेटे रौ मना करै है उणरै खनै पिता भी कोनीं। जिकौ बेटे नै मांन लेवे है, उणरै खनै पिता भी है।
24
जिकौ कीं थै सरूआत ऊं सुण्यौ है, वोहीज थौरे मे बण्यौ रैवै। जिकौ थै सरूआत ऊं सुण्यौ है, जे वो थौरे मे बण्यौ रैवै, तो थै भी बेटे अर उणरै पिता परमेसर मे बण्या रौला।
25
अर मसीह जिकौ म्हौरै ऊं वायदो कियो वो अनत जीवन है।
26
म्हैं ऐ बातां थांनै उणरै बारै मे लिखी है, जिकौ थांनै भटकाना चावै है।
27
पण थौरो वो अभिसेक जिकौ मसीह री तरफ ऊं कियोड़ौ, थौरे मे बण्यौ रैवै है। अर थांनै इणरी जरुरत कोनीं की कोई थांनै सिखाए, बल्कि ज्यौ वो अभिसेक जिकौ उणरी तरफ ऊं कियोड़ौ थांनै सगळी बातां सिखावै है। अर ओ साचौ है झूठौ कोनीं, अर ज्यौ उणै थांनै सिखाया है, थै मसीह मे व्यौंही बण्या रैवौ।
28
इण वास्तै हे प्यारौ टाबरौ, मसीह मे बण्या रैवौ की जद वो परगट हो, तो म्हौ मे हीमत हो। अर उणरै सांमै म्हौ नै लजित नीं होणौ पड़ै।
29
जे थै ओ जांणौ हो की मसीह धरमी है तो थै ओ भी जांण लौ की वो जिकौ धारमिकता माथै चालै है परमेसर री ही औळाद है।
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 3 →
All chapters:
1
2
3
4
5