bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Marwari
/
Marwari Bible
/
1 Thessalonians 1
1 Thessalonians 1
Marwari Bible
Jump to:
Chapter 1
Chapter 2
Chapter 3
Chapter 4
Chapter 5
Chapter 2 →
1
आ चिठ्ठी पौलुस अर सिलवानुस अर तीमुथियुस री तरफ ऊं थिस्सलुनीकियों री कलीसिया रै नाम, जिकौ पिता परमेसर अर परभु यीसु मसीह मे विसवास करै है। अनुग्रह अर सानति थांनै मिळती रैवै।
2
म्हौ म्हौरी पराथना में थांनै याद करौ अर हमेसां थांरै सगळौ रै बारै में परमेसर रौ धन्यवाद करौ हो।
3
अर म्हौ अपणै परमेसर अर पिता रै सांम्ही थांरै विसवास रा कांम, अर परैम री मेनत, अर म्हौरै परभु यीसु मसीह में आसा री धीरजता नै लगातार याद करौ हो।
4
हे भाइयो, परमेसर रै प्यारै लोगां, म्हौ जांणौ हो की थै चुणयोड़ा हो।
5
क्यूंकै म्हौरौ सुभ संदेस थांरै खनै नीं कैवल सबद मात्र ही में बल्कि सामरथ अर पवितर आतमा में, अर घणै पको रै साथै पूगो है। जैड़ौ थै जांणौ हो की म्हौ थांरै खातर थांरै बीच में कीकर बण गिया हा।
6
थै मोटे कलेस मे होता होया भी पवितर आतमा रै आंणंद रै साथै, वचन नै मांन नै म्हौरी अर परभु री चाल चालन लागा।
7
एठै तांई की मकिदुनिया अर अखया देस रै सगळै विसवासियो रै वास्तै थै नमूना बण्या।
8
क्यूंकै थौरे एठै ऊं नीं कैवल मकिदुनिया अर अखया में परभु रा वचन सुणाया गिया, पण थौरे विसवास री जिकौ परमेसर माथै है, हरैक जगा ऐड़ी चरचा फैलगी है। इण वास्तै म्हौ नै कैवणै री जरुत ही कोनीं।
9
क्यूंकै वे आप ई म्हौरै बारै में बतावै है की थौरे खनै म्हौ रौ आवणौ कीकर होयौ, अर थै कीकर मूरतों ऊं परमेसर री तरफ फिरया ताकी जीवते अर साचा परमेसर री सेवा करौ।
10
अर वे लोग ओ भी कैवै है की, थै उणरै बेटे रै सरग ऊं आवण री बाट जोवता रौ परमेसर उणै मरयोड़ौ मांय ऊं जीवता करया, अरथावूं यीसु री, जिकौ म्हौ नै परमेसर रै आवण वाळै कोप ऊं बचावै है।
Jump to:
Chapter 1
Chapter 2
Chapter 3
Chapter 4
Chapter 5
Chapter 2 →
All chapters:
1
2
3
4
5