1 Thessalonians 3

Marwari Bible

← Chapter 2 Jump to: Chapter 4 →

1इण वास्तै जद म्हौरै ऊं वळै नीं रहिजयौ, तो म्हौ ठैरायौ की एथेंस में ऐकला रैय जाओ,

2अर म्हौ तीमुथियुस नै, जिकौ मसीह रै सुभ संदेस में म्हौरा भाई अर परमेसर रा सेवक है, इण वास्तै भेज्या की वो थांनै विसवास मे हीमत बंधायनै थांनै समझावै,

3की कोई इण तकलीफो रै कारण डगमगा नीं जावै। क्यूंकै थै आप जांणौ हो की म्हौ नै परमेसर इण खातर ठैराया है।

4क्यूंकै पैला ई, जद म्हौ थौरे उठै हा तो थौरे ऊं कैवता हा की म्हौ नै तकलीफो उठाणी पड़ैला, अर ऐड़ौ इज होयौ, ज्यूं की थै जांणौ ई हो।

5इण कारण जणौ म्हारै ऊं वळै नीं रहिजयौ, तो थौरे विसवास रा हाल जांणणै रै खातर भेज्यौ, की कठैई ऐड़ौ नीं होवै की सैतान नै थौरी परीकसा की हो, अर अपांरी मेनत फालतू गी हो।

6पण अबार तीमुथियुस नै, जिकौ थौरे खनै ऊं म्हौरै एठै आयौ है, थौरे विसवास अर परैम रा सुभ संदेस सुणाया अर इण बात रौ भी सुणायो की थै हमेसां परैम रै साथै म्हौ नै याद करौ हो, अर म्हौ नै देखणै रै इछा भी राखौ हो, ज्यूं म्हौ भी थांनै देखणै री।

7इण वास्तै हे भाइयो, म्हौ म्हौरै सगळै दु:ख अर तकलीफो में थौरे विसवास ऊं थौरे बारै में सानति पाई।

8क्यूंकै अबै जे थै परभु में बणियोड़ा रैवौ तो म्हौ घणा राजी हो।

9अर ज्यूं आंणंद म्हौ नै थौरे कारण अपांरै परमेसर रै सांम्ही है, उणरै बदळै थौरे बारै में म्हौ कीण रीत ऊं परमेसर रौ धन्यवाद करौ?

10म्हौ रात दिन घणी पराथना किया करौ हो की थौरो मूंडौ देखौ अर थौरे विसवास री कमी पूरी करौ।

11अबै म्हौ रौ परमेसर अर पिता आप ही अर म्हौ रौ परभु यीसु, थौरे एठै आवण में म्हौरी अगुवाई करै।

12अर परभु ऐड़ौ करै की जैड़ौ म्हौ थौरे ऊं परैम राखौ हो, वैड़ौ इज थौरो परैम ई आपस में अर सगळै मांनखै रै साथै बढ़ै, अर उनति करतौ रैवै।

13अर म्हौ आ पराथना करौ की वो थौरे मनो नै ऐड़ा मजबुत करै की जद म्हौ रौ परभु यीसु आपरै सगळै पवितर लोगां रै साथै आवै, तो वे म्हौरै परमेसर अर पिता रै सांम्ही पवितरता में निरदोस ठैरै।

← Chapter 2 Jump to: Chapter 4 →