bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Marwari
/
Marwari Bible
/
1 Thessalonians 4
1 Thessalonians 4
Marwari Bible
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 5 →
1
इण वास्तै हे भाइयो, म्हौ थौरे ऊं विनती करौ हो अर थांनै परभु यीसु में समझावौ हो की ज्यौ थै म्हौरै ऊं योग्य चाल चालणौ अर परमेसर नै खुस करणौ सिखया हो, अर ज्यौ थै चालौ भी हो, व्यौंही वळै बढ़ता रौ।
2
क्यूंकै थै जांणौ हो की म्हौ परभु यीसु री तरफ ऊं थांनै कौणसी आग्या पूगाई।
3
क्यूंकै परमेसर री इछा आ है की थै पवितर बणौ। अरथावूं व्यभिचार ऊं बचयोड़ा रौ,
4
अर थौरे में ऊं हरैक पवितरता अर आदर रै साथै आपरे सरीर ने काबू में राखणी सीखे,
5
अर अभिलासा ऊं नीं, अर नीं उण लोगां री तरैह जिकौ परमेसर नै कोनीं जांणै।
6
इण वास्तै इण बात में कोई अपणै विसवासी भाई नै नीं ठगै, अर नीं उण माथै दाव चलावै, क्यूंकै परभु इण सगळी बातां नै पलटा देवण वाळौ है। ज्यूं की म्हौ थांनै पैला इज थौरे ऊं कयौ अर चेताया भी हा।
7
क्यूंकै परमेसर अपांनै असुद्ध होणै रै खातर कोनीं, पण पवितर होणै रै खातर बुलाया है।
8
इण कारण जिकौ इण आग्या नै नीं मांनै है, वो मिनख नै नीं पण परमेसर नै भी नीं मांनै है, जिकौ आपरी पवितर आतमा थांनै दैवै है।
9
बल्कि भाईचारे री प्रित रै बारै मांय ओ जरुरी कोनीं की म्हैं थांरै खनै कीं लिखूं, क्यूंकै आपस मांय परैम राखणौ थै आप इज परमेसर ऊं सीख्या हो।
10
अर वास्तव मे सगळी मकिदुनिया रै सगळै भाइयो रै साथै ऐड़ौ करौ भी हो। पण हे भाइयो, म्हौ थांनै समझावौ हो की वळै परैम मे बढ़ता जाओ।
11
अर ज्यूं म्हौ थांनै आग्या दीनी है, व्यौंही चुपचाप रौ अर दूजौ रै कांम मे टांग नीं अड़ाओ अर अपणै अपणै हाथो ऊं कमाणै री कोसीस करौ,
12
ताकी अविसवासी ऊं आदर ग्रहण करौ, अर थांनै किणी चीज रै लियै दूजौ रा मौथाज नीं रैणौ पड़ैला।
13
हे भाइयो, म्हौ चावौ हो की कोई जिकौ विसवासी मरया है, थै उणरै बारै मे भी जांणौ। ऐड़ौ नीं हो की थै अविसवासी रै ज्यूं सौग करौ जिणौनै आसा कोनीं है।
14
क्यूंकै जे अपां विसवास करौ हो की यीसु मरया अर जी भी उठया, तो व्यौंही परमेसर उणौनै भी जिकौ यीसु में विसवास करनै मर गिया है, यीसु जद पाछौ आवैला उणौ नै साथै ले आवैला।
15
क्यूंकै म्हौ परभु रै वचन रै अनुसार थांरै ऊं ओ कैवौ हो की म्हौ जिकौ जीवता हो अर परभु रै आवण तांई जीवता रौ ला, जिकौ मरयोड़ा है उणौ ऊं पैला यीसु ऊं कोनीं मिळ पाओला।
16
क्यूंकै परभु आप इज सरग ऊं उतरैला। उण वेळा ललकार, अर परधान दूत रौ सबद सुणाई दैला, अर परमेसर री तुरही फूंकी जावैला। अर जिकौ मसीह में मरया है, वे पैला जी उठैला।
17
तद अपां जिकौ जीवता अर बचया रैवौला उणरै साथै बादळो ऊपर उठा लिया जावोला की हवा में परभु ऊं मिळौ ला। अर इण रीत ऊं अपां हमेसां परभु रै साथै रैवौला।
18
इण तरैह इण बातां ऊं एक दूजै नै सानति दिया करौ।
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 5 →
All chapters:
1
2
3
4
5