bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Marwari
/
Marwari Bible
/
1 Timothy 1
1 Timothy 1
Marwari Bible
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 2 →
1
आ चिठ्ठी पौलुस री तरफ ऊं जिकौ म्हौरै उद्धारकर्ता परमेसर अर म्हौरी आसा रै आधार यीसु मसीह री आग्या ऊं यीसु मसीह रा प्रेरित है,
2
तीमुथियुस रै नाम जिकौ विसवास में म्हारौ साचौ बेटौ है। पिता परमेसर, अर म्हौरै परभु यीसु मसीह री तरफ ऊं थांनै अनुग्रह, अर दया अर सानति मिळती रैवै।
3
ज्यौ म्हैं मकिदुनिया में जातै वेळा थनै समझायौ हो, की इफिसुस मांय रैयनै कईक लोगां नै आग्या दे की झूठी सिकसा नीं दैवै।
4
उणौनै चेताणी दो की उण कहाणियो अर अनत वंसावलियों ऊपर मन नीं लगावै, जिण ऊं झगड़ौ होवै है। ऐ बातां परमेसर रै इछा रै अनुसार कोनीं, विसवास माथै आधारित है।
5
म्हारै आग्या रौ मकसद ओ है की सुद्ध मन अर चौखौ अंतो, अर पको विसवास ऊं परैम पैदा होवै है।
6
इणौनै छोड़नै कीं लोग फालतू बातां री तरफ भटक गिया है,
7
अर व्यवस्था नै सिखाण वाळा हौणा चावै है, पण जिकौ बातां कैवै है अर जिणनै हीमत ऊं बोले है, उणनै समझै कोनीं।
8
म्हौ जांणौ हो की जे कोई परमेसर रै कायदे नै सही रीत ऊं कांम में लावै तो भली बात है।
9
ओ जांणनै की कायदो धरमी जन रै वास्तै कोनीं पण अधरमियों, कायदो नै नीं मांनणैवाळौ, भक्तिहीनों, पापियो, अपवितर अर असुद्ध मिनखौ, मां-बाप नै घात करनै वाळौ, हत्यारो,
10
व्यभिचारियो, मिनख मिनख रै साथै गळत कांम करण वाळौ, मिनख नै बेचनैवाळौ, झूठ बोलनेवाळौ, अर झूठी सौगन खावणवाळौ, अर इणरै उपरात खरै उपदेस रै सगळै विरोधियो रै खातर ठैराई गी है।
11
ओहीज परमधन्य परमेसर री महिमा रै उण सुभ संदेस रै अनुसार है जिकौ म्हनै सूंपयौ गियौ है।
12
म्हैं अपणै परभु यीसु मसीह रौ जिणै म्हनै सामरथ दीनी है, धन्यवाद करूं हूं की उणै म्हनै विसवास लायक समझनै आपरी सेवा रै खातर ठैरायौ।
13
म्हैं तो पैला निंदा करनै वाळौ, अर सतानै वाळौ, अर अंधेर करनै वाळौ हो। तौभी म्हारै ऊपर दया होई, क्यूंकै म्हैं अविसवास री दसा में बिना समझै बूझे ऐ कांम किया हा।
14
अर म्हौरै परभु रौ बोहत घणौ अनुग्रह उण विसवास अर परैम रै साथै जिकौ यीसु मसीह में है, म्हारै माथै होयौ।
15
आ बात साची अर हरैक तरैह ऊं मानणै रै लायक है की यीसु मसीह पापियो रौ उद्धार करणै रै खातर जगत में आयौ, जिणमे सगळौ ऊं मोटो पापी म्हैं हूं।
16
पण म्हारै ऊपर इण खातर दया होई की म्हैं सगळौ ऊं मोटो पापी में यीसु मसीह पूरी धीरज दिखाई, की जिकौ लोग उण माथै अनत जीवन रै खातर विसवास करैला उणरै वास्तै म्हैं एक नमूनो बणूं।
17
अब सनातन राजा मतलब अविनासी, बिना देख्यां, एकाएक परमेसर रौ आदर अर महिमा होती रैवै। आमीन।
18
हे बेटा तीमुथियुस, उण भविसवांणियो रै मुजब जिकौ पैला थारै बारै में की गी ही, म्हैं आ आग्या सूंप रियौ हूं की थूं उणरै मुजब चौखी लड़ाई लड़तो रै,
19
अर विसवास अर उण चौखै अंते नै थामे राख। क्यूंकै कईक लोग अपणै विसवास ऊं भटक गिया।
20
उण मे ऊं हुमिनयुस अर सिकन्दर है, जिणनै म्हैं सैतान नै सूंप दिया हा की वे परमेसर री निंदा करणी नीं सीखें।
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 2 →
All chapters:
1
2
3
4
5
6