bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Marwari
/
Marwari Bible
/
1 Timothy 5
1 Timothy 5
Marwari Bible
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 6 →
1
किणी बूढ़े मिनख नै मती हाका कर, पण उणनै पिता जांणनै समझा दे, अर जवानो नै भाई जांणनै।
2
बूढ़ी लुगाईयां नै मां जांणनै, जवान लुगाईयां नै पूरी पवितरता ऊं बेन जांणनै समझा दे।
3
उण विधवाओं रौ, जिकौ साचांणी विधवा है, आदर कर।
4
जे किणी विधवा रै टाबर या नाती-पोते हो, तो वे सबां ऊं पैला अपणै ही घराणै री देखभाळ भगती रै साथै करणी सीखें, अर अपणी विधवा मां रै पालण पोसण रौ फरज चुकाए, क्यूंकै परमेसर ओहीज चावै है।
5
जिकौ साचांणी विधवा है, अर उणरौ कोई कोनीं, वो परमेसर ऊपर आसा राखै है, अर रात दिन पराथना में लागोड़ी रैवै की परमेसर उणरी जरुतो नै पूरी करै।
6
पण जिकौ विधवा भोगविलास में पड़गी, वो जीते जी आतमा मे मर गी है।
7
इण बातां री भी आग्या दिया कर ताकी सगळा लोग निरदोस रैवै।
8
पण जे कोई अपणौ री अर खास करनै आपरै घराणै री चिंता नीं करै, तो वो विसवास ऊं मुकर गियौ है अर अविसवासी ऊं भी बूरो बणग्यौ है।
9
उण विधवाओं रौ नाम मदद री परची मे लिख्यौ जाये जिकौ साठ बरस ऊं कम नीं होवै, अर एक इज धणी री लुगाई रही हो।
10
अर वां भलै कांम में नेक नाम रियौ होवै, जिणै टाबरौ रौ पाळ-पोस कियो होवै। वां मेमाणो री सेवा किनी होवै, परमेसर रै लोगां रा पग धोया होवै, दुखियों री मदद किनी होवै, अर हरैक भलै कांम में मन लगायौ होवै।
11
पण जवान विधवाओं रौ नाम कोनीं लिखणौ, क्यूंकै जद वे मसीह रौ विरोध करनै सुख-विलास में पड़ जावै है तो ब्याव करणौ चावै है,
12
अर दोसी ठैरै है, क्यूंकै उणौ नै आपरै पैलै वायदे नै छोड़ दियौ है।
13
इणरै साथै ई साथै वे घर-घर फिरनै आळसी होणौ सीखें है, अर कैवल आळसी कोनीं पण बकबक करती रैवै अर दूजौ रै कांम में बाधा घालै है अर बुरी बातां बोले है।
14
इण वास्तै म्हैं ओ चावूं हूं की जवान विधवाओं ब्याव करै, अर टाबर जने अर घरबार संभाळै, अर किणी विरोधी नै बदनाम करनै रौ मौकौ नीं दे।
15
म्हैं ओ इण वास्तै कैवूं हूं, क्यूंकै कईक तो विसवास ऊं भटक नै सैतान रै लारै वहीर होयगी है।
16
जे किणी विसवासिनी रै उठै विधवाओं होवै, तो वोहीज उणरी मदद करै की कलीसिया माथै भार नीं होवै, ताकी वो उण विधवा री मदद कर सकै जिणरौ कोई कोनीं है।
17
जिकौ कलीसिया रौ मुखियौ बड़िया प्रबन्ध करै है, खास करनै वे जिकौ वचन सुणाणै अर सिखाणै में मेनत करै है, दो गुना आदर रै लायक समझया जाये।
18
क्यूंकै पवितर सास्तर कैवै है, “लाटो लेवणवाळै बळद रौ मूंडौ नीं बांधणौ” क्यूंकै “मजूर आपरी मजूरी रौ हकदार है।”
19
कोई दोस किणी कलीसिया रै मुखिया माथै लगायौ जावै तो बिना दो या तीन गवाहो रै उणनै नीं सुणणौ।
20
पाप करनैवाळौ नै सगळौ रै सांम्ही समझा दे, ताकी दूजा लोग भी डरै।
21
परमेसर, अर यीसु मसीह अर चुणयोड़ा सरगदूतो नै हाजर जांणनै, म्हैं थांनै चेताणी देवूं हूं की थूं मन खोलनै इण बातां नै मानया कर, अर कोई कांम पकसपात ऊं नीं कर।
22
बिना विचारे किणी नै कलीसिया री सेवा रै लियै जल्दी हाथ नीं राखणौ, अर दूजौ रै पाप में भागी नीं होणौ। अपणै आप नै पवितर बणाय राख।
23
थूं खाली पांणी ही मत पी, पण अपणै पेट अर अपणै बार-बार बीमार होणै रै कारण थौड़ो-थौड़ो अंगूररस भी पिया कर।
24
कईक मिनखौ रौ पाप परगट हो जावै है, अर न्याव रै खातर पैला ऊं पूग जावै है, पण कईको रै पाप पछै परगट होवै है।
25
व्यौंही कीं भला कांम भी परगट होवै है। अर जिकौ भला कांम परगट नीं होवै, वे भी लुक नीं सकै।
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 6 →
All chapters:
1
2
3
4
5
6