bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Marwari
/
Marwari Bible
/
1 Timothy 6
1 Timothy 6
Marwari Bible
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
1
जिण लोगां माथै दासता रौ जूओ राख्योड़ौ है, वे आपो आपरै मालिक नै सगळै आदर रै लायक समझै, ताकी परमेसर रै नाम अर जिकौ म्हौ सिखाओ हो उणरी निंदा नीं होवै।
2
जीणरा मालिक विसवासी है उणौ नै वे भाई होणै रै कारण तुच्छ नीं जांणै, बल्कि उणरी घणी सेवा करौ, क्यूंकै इणसूं फायदो उठाण वाळा विसवासी अर परैमी है। इण बातां रौ उपदेस दिया कर अर समझातौ रै।
3
जे कोई अलग ई परकार रा उपदेस दैवै है अर खरी बातां नै, अरथावूं म्हौरै परभु यीसु मसीह री बातां नै अर उपदेस नै कोनीं मांनै, जिकौ भगती रै अनुसार है,
4
तो वो घमंडी व्है गियौ, अर कीं नीं जांणै। बल्कि उणनै सबदो माथै वाद विवाद करणै री बीमारी है, जिणसूं जळण, अर झगड़ा, अर निंदा री बातां, अर भूंडा-भूंडा वेम करणौ,
5
अर उण मिनखौ में फालतू लड़ाई-झगड़ा पैदा होवै है जिणरी बुद्धि बिगड़ गी है, अर वे सत्य ऊं आगा होय गिया है, जिकौ समझै है की भगती कमाई रौ द्धार है।
6
पण परमेसर री सेवा खुसी ऊं करणी साची कमाई है।
7
क्यूंकै नीं अपां जगत में कीं लाया हो, अर नीं कीं ले जा सकौ हो।
8
जे म्हौरै खनै खाणौ अर कपड़ा होवै, तो इण में इज खुस रैणौ चाहीजै।
9
पण जिकौ धनवान होणौ चावै है, वे ऐड़ी परीकसा अर फंदे अर घणी सी फालतू अर नुकसानदायी लालसाओ में फंसे है, जिकौ मांनखै नै बिगाड़ दैवै है अर विनास री खाई मे धकेल दैवै है।
10
क्यूंकै धन रौ लोभ सगळी परकार री भूंडाई री जड़ है, जिणनै पाने री कोसीस करता होया घणौ नै विसवास ऊं भटक नै अपणै आप नै कई परकार रै तकलीफो ऊं दुखी बणा दिया है।
11
पण हे परमेसर रै जन, थूं इण बातां ऊं आगौ, अर धरम, भगती, विसवास, परैम, धीरज अर नरमाई रै लारै चाल।
12
विसवास री चौखी कुसती लड़। अर उण अनत जीवन नै थाम लौ, जिणरै खातर थूं बुलायौ गियौ अर घणा गवाहो रै सांम्ही चौखौ स्वीकार कियो हो।
13
म्हैं थनै परमेसर, जिकौ सगळौ नै जीवता राखै है, अर यीसु मसीह नै जिकौ पुन्तियुस पिलातुस रै सांम्ही बड़िया गवाई दी, आ आग्या देवूं हूं,
14
की थूं म्हौरै परभु यीसु मसीह रै पाछौ आवण तांई इण आग्या नै निसकलंक अर निरदोस राख।
15
मसीह नै परमेसर ठीक वगत माथै दिखावैला। परमेसर परमधन्य अर एकाएक अधिपति अर राजाओ रौ राजा अर परभुओ रौ परभु है।
16
अर अमरता कैवल परमेसर री है, अर वो अगम्य जोत में रैवै है, अर नीं उणनै किणी मिनख देख्यौ अर नीं कदैई देख सकै ला। उणरौ मांन अर राज युगानयुग रैवैला। आमीन।
17
इण संसार रा धनवानो नै आग्या दे, की वे घमंडी नीं होवै अर चंचल धन माथै आसा नीं राखै, पण परमेसर माथै जिकौ अपांरै सुख रै खातर सगळी चीजों दैवै है।
18
उणौनै आग्या दे की वे भलाई करै, अर भलै कांमां में धनवान बणै, अर उदार अर मदद दैणै में तैयार रैवै।
19
अर आगै रै वास्तै ऐड़ौ धन भेळौ करौ जिण ऊं एक चौखी नींव भर नै राखै, की साचै जीवन नै वस में कर ले।
20
हे तीमुथियुस, थनै जिकौ सौंपी गी है उणरी रूखाळी कर। अर जिण ग्यांन नै ग्यांन कैवणौ ही भूल है, उणरै असुद्ध बकवास अर विरोध री बातां ऊं आगौ रै।
21
कीं लोग इण ग्यांन नै स्वीकार करनै विसवास ऊं भटक गिया है। थांरै सगळौ ऊपर परमेसर रौ अनुग्रह होतो रैवै।
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
All chapters:
1
2
3
4
5
6