bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Marwari
/
Marwari Bible
/
2 Peter 1
2 Peter 1
Marwari Bible
Jump to:
Chapter 1
Chapter 2
Chapter 3
Chapter 2 →
1
म्हैं समौन पतरस री तरफ ऊं जिकौ मसीह रा दास अर प्रेरित है, ओ कागद उण लोगां रै नाम लिख रियौ हूं जिणौनै म्हारै परमेसर अर उद्धारकर्ता यीसु मसीह री धारमिकता दवारा म्हौरै ज्यूं अनमोल विसवास पायो है।
2
परमेसर री तरफ म्हौरै परभु यीसु री पिछांण रै जरियै अनुग्रह अर सानति थौरे मांय घणी सारी बढ़ती जावै।
3
क्यूंकै उणरै ईस्वरीय सामरथ नै सैंग कीं जिकौ जीवन अर भगती ऊं संबंध राखै है, म्हौ नै उणरी पिछांण रै दवारा दियौ है, जिणनै अपांनै अपणी ही महिमा अर सद्गुण रै अनुसार बोलाया है।
4
जिणरै कारण उणै म्हौ नै घणा किमती अर घणा मोटा वायदा दिया है। ताकी इणरै दवारा थै उण सड़ाहट ऊं छूटनै जिकौ संसार मांय भूंडी अभिलासाओं ऊं होवै है, ईस्वरीय स्वभाव रै सहभागी हो जाओ।
5
अर इण कारण थै सगळै तरैह री कोसीस करनै, अपणै विसवास माथै सद्गुण, अर सद्गुण माथै समझ,
6
अर समझ माथै संयम, अर संयम माथै धीरज, अर धीरज माथै भगती,
7
अर भगती माथै भाईचारे री प्रीति, अर भाईचारे री प्रीति माथै परैम बढ़ाता जाओ।
8
क्यूंकै जे ऐ गुण थौरे में रैवै, अर बढ़ता जावै, तो थांनै म्हौरै परभु यीसु मसीह रै पिछांण नै मांय निकमो अर बेकार नीं होणै दैला।
9
अर जिण मांय ऐ बातां कोनीं, वो आंधौ है, अर धुंधळौ देखे है, अर अपणै पूर्वजकाल पापों ऊं धुलनै सुद्ध होणै नै भूल बैठौ है।
10
इण कारण हे भाइयो, अपणै बुलाय जांणै, अर चुण लियै जांणै नै सिद्ध करणै रौ भली भाति यत्न करनै जाओ, क्यूंकै जे ऐड़ौ करौला, तो कदैई ठोकर नीं खाओला।
11
बल्कि इण रीत ऊं थै म्हौरै परभु अर उद्धारकर्ता यीसु मसीह रै अनत राज में घणै आदर रै साथै परवेस कर पाओला।
12
इण वास्तै जे थै ऐ बातां जांणौ हो, अर जिकौ सत्य वचन थांनै मिळिया है, उणमे बण्या रैवौ हो, तौभी म्हैं थांनै इण बातां री सुधि दिलाणै नै हमेसां तैयार रैवूंला।
13
अर म्हैं ओ अपणै लियै सही समझ रियौ हूं, की जद तांई म्हैं इण सरीर रै डेरे मांय हूं, तद तांई थांनै सुधि दिलायनै समझातौ रैवूं।
14
क्यूंकै ओ जांणूं हूं, की परभु यीसु मसीह रै वचन रै अनुसार म्हारै सरीर रै डेरे नै पाड़ै जांणै रौ वगत जल्दी आवणवाळौ है।
15
इण वास्तै म्हैं ऐड़ी कोसीस करूंला, की म्हारै मर जांणै रै पछै थै इण बातां नै हमेसां याद कर सकौ।
16
क्यूंकै जद म्हौ थांनै अपणै परभु यीसु मसीह री सामरथ रा, अर आगमन रौ समाचार दियौ हो तो वो चतुराई ऊं गढ़ीयोड़ी कहाणियो रौ अनुसरण कोनीं कियो हो बल्कि म्हैं खुद ही उणरी महिमा नै देखी है।
17
की उणनै परमेसर पिता ऊं आदर, अर महिमा पाई जद उण प्रतापमय महिमा में ऊं आ वाणी आई की, “ओ म्हारौ लाडलौ बेटौ है, जिण ऊं म्हैं खुस हूं।”
18
अर जद म्हौ उणरै साथै पवितर भाखर माथै हा, तो सरग ऊं आ वाणी आवतै वैळा सुणी।
19
अर म्हौरै खनै जिकौ भविसयदाताओ रौ वचन है, वो इण घटना ऊं मजबुत ठैरयो है अर थै ओ बड़िया करौ हो, की जिकौ ओ समझनै उण माथै ध्यांन करौ हो, की वो एक दीयौ है। जिकौ अंधारै री जगा मांय उण वेळा तांई उजाळौ देतो रैवै है जद तांई की दिन नीं उगै, अर संवार रौ तारो थौरे मन मांय नीं चमक उठै।
20
पण पैला ओ जांण लौ की पवितर सास्तर री कोई भी भविसयवांणी किणी रै आपरै इज विचारो रै आधार पर पूरण नीं होवै।
21
क्यूंकै कोई भी भविसयवांणी मिनख री इछा ऊं कदैई कोनीं होई, पण भगत जन पवितर आतमा रै उभारे जांणै परमेसर री तरफ ऊं बोलता हा।
Jump to:
Chapter 1
Chapter 2
Chapter 3
Chapter 2 →
All chapters:
1
2
3