bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Marwari
/
Marwari Bible
/
2 Peter 2
2 Peter 2
Marwari Bible
← Chapter 1
Jump to:
Chapter 1
Chapter 2
Chapter 3
Chapter 3 →
1
अर जिण तरैह उण लोगां मांय झूठा भविसयदाता हा उण तरैह थांरै मांय भी झूठा उपदेसक होवैला, जिकौ नास करणै वाळै पाखंड रौ सरूआत लुक लुकनै करैला अर उण मालिक रौ जिणनै मोल लियौ है मना करैला अर अपणै आप नै हाथोहाथ विनास मे घाल दैला।
2
अर घणाकर उणरी तरैह लुचपन करैला, जिणरै कारण सत्य रै मारग री निंदा की जावैला।
3
अर वे लोभ रै लियै बातां बणायनै थांनै आपरै फायदे रा कारण बणावैला, अर जिकौ डंड री आग्या उणौ माथै पैला ऊं इज होय चुकी है, उणरै आवण मे कीं जेज कोनीं, अर उणौ रौ विनास ऊंघेला नीं।
4
क्यूंकै जद परमेसर नै उण सरगदूतो नै जिणौनै पाप करयौ हो उणौनै भी कोनीं छोड़या, अर पाताळ री अंधारै री कोठरी मांय नोख दिया, ताकी न्याव रै दिन तांई बंदी रैवै।
5
परमेसर नै उण पुराणी दुनिया नै भी कोनीं छोड़ी, बल्कि बिना भगती संसार माथै महा जळ-प्रलय भेजनै धरम रै परचारक नूह समेत आठ मिनखां नै बचा लिया।
6
परमेसर नै सदोम अर अमोरा रै नगरो नै विनास रौ ऐड़ौ डंड दियौ, की उणै भसम करनै राख में मिळा दिया ताकी वे आवण वाळा बिना भगती रै लोगां री सिकसा रै लियै एक दिस्टांत बणै।
7
पण धरमी लूत नै जिकौ अधरमियों रै असुद्ध चाल चलण ऊं घणौ दुखी हो छुटकारो दियौ।
8
क्यूंकै वो धरमी मिनख उण पापियो रै बीच मांय रैवतौ होयौ, अर उणौरै अधरम रा कांमां नै देख देखनै, अर सुण सुणनै, हरैक दिन अपणै साचै मन नै दुखी करतौ हो।
9
इण तरैह परभु जांणै है की भगतो नै परीकसा मांय ऊं निकाळ देणा, अर अधरमियों नै न्याव रै दिन तांई डंड री दसा मांय राखणौ भी जांणै है।
10
परमेसर खास करनै उण लोगां नै डंड दैला जिकौ भूंडी इछा रै लारै सरीर रै अनुसार चालै, अर परभु री महानता ऊं नफरत करै है। वे ढ़ीठ अर हठी है, अर सरगिए ताकतां नै भूंडा भलां कैवण ऊं कोनीं डरै है।
11
तौभी सरगदूत जिकौ सगति अर सामरथ में उण ऊं मोटा है, परभु रै सांम्ही उणौनै भूंडा भलां केन दोस नीं लगावै।
12
पण ऐ लोग बिना बुद्धि रै जिनावरां रै ज्यूं है, जिकौ पकड़नै अर नास होणै रै लियै पैदा होया है। अर जिण बातां नै जांणै ही कोनीं, उणरै बारै में औरो नै भूंडा भलां कैवै है, वे आपरी गंदगी मांय आप ही सड़ जावैला।
13
दूजौ रौ बूरो करणै रै बदळै खुद रौ बूरो होवैला। उणनै दिन दोपार सुख-विलास करणौ चौखौ लागै है। ओ कलंक अर दोस है जद वे थौरे साथै खावै पीवै है, तो अपणी तरफ ऊं परैम भोज करनै भोगविलास करै है।
14
उण इज आंख्यां मांय व्यभिचारणी बसयोड़ी है, अर वे पाप किए बिना रूक नीं सकै। वे चंचल मनवाळौ नै बहका दैवै है। उणरै मन नै लोभ करणै री आदत होय गी है, वे सराप री औळाद है।
15
वे सीधे मारग नै छोड़नै भटक गिया है, अर बओर रौ बेटौ बिलाम रै मारग पे हो लियौ है। जिणै अधरम री मजूरी नै चौखी जांणी है।
16
पण उणरै गुनाह रै बारै में उलाहना दी गई, अठै तांई की अबोल गधी नै मिनख री बोली ऊं उण भविसयदाता नै उणरै बावलेपन ऊं रोकयो।
17
ऐ धोखेबाज मिनख सुखे कुंए रै ज्यूं है, अर ऐ आंधी रै उडायोड़ा बादळ रै ज्यूं है, उणरै लियै अंधारौ ठैरायौ गियौ है।
18
वे फालतू घंमड री बातां कर करनै लुचपन रै कांमां रै दवारा, उण लोगां नै सारीरिक अभिलासाओं में फसा दैवै है, जिकौ भटकयोड़ो मांय ऊं अबार निकळ रिया है।
19
वे उणनै आजाद होणै री वायदो तो दैवै है, पण आप ही गंदगी रा दास है, क्यूंकै जिकौ मिनख जिण ऊं हार गियौ है, वो उणरौ दास बण जावै है।
20
अर जद वे परभु अर उद्धारकर्ता यीसु मसीह री पिछांण रै जरियै संसार री कही परकार री असुद्धता ऊं बच निकळौ, अर वळै उणमे फसने हार गिया, तो उणरी दसा पैला ऊं भी भूंडी होयगीं है।
21
क्यूंकै धरम रै मारग में नीं जावणौ इज उणरै खातर इण ऊं भलौ होवतो, की उणै जांणनै, उण पवितर आग्या ऊं फिर जावै, जिकौ उणनै सूपी गी ही।
22
आ कावत ठीक बैठे है की, “कुत्तो आपरी उलटी री तरफ” अर “झीलायोड़ी गंडुरी कादे मांय लिटनै रै लियै वळै चाली जावै है।”
← Chapter 1
Jump to:
Chapter 1
Chapter 2
Chapter 3
Chapter 3 →
All chapters:
1
2
3