bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Marwari
/
Marwari Bible
/
Acts 20
Acts 20
Marwari Bible
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 21 →
1
जद हुलड़ बंद हो गियौ, तो पौलुस चेलौ नै बोलायनै समझाया, अर उणौ ऊं विदा ली अर मकिदुनिया री तरफ चाल दियौ।
2
उण सगळै परदेस में ऊं होयनै अर चेलौ नै बोहत खुस कर नै वो यूनान में आयौ।
3
जद तीन महीना रैयनै वो उठै ऊं जहाज ऊपर सीरिया री तरफ जांण वाळौ हो, तो यहूदी उणरी घात में लाग्योड़ा हा, इण वास्तै उणै ओ पको कियो की मकिदुनिया होयनै जातौ रैवूं।
4
बिरीया रै पुर्रूस रौ बेटौ सोपत्रुस अर थिस्सलुनीकियों में ऊं अरिस्तर्खुस अर सिकुन्दुस, अर दिरबे रौ गयुस, अर तीमुथियुस, अर आसिया रौ तुखिकुस अर त्रुफिमुस आसिया तांई उणरै साथै चालया।
5
वे आगै जायनै त्रोआस में म्हांरी बाट जोहता रिया।
6
अर म्हौ अखमीरी रोटी रै तैंवार रै दिनां रै पछै फिलिप्पी ऊं जहाज माथै चढ़नै पांच दिन में त्रोआस में उणरै खनै पूगा, अर सात दिन तांई उठीज रिया।
7
हपतै रै पैलै दिन जद म्हौ रोटी तोड़नै रै वास्तै भेळा होया, तो पौलुस नै जिकौ दूजै दिन रवाना होवण वाळौ हो, उण ऊं बातां कीं, अर आधी रात तांई बातां करतौ रियौ।
8
जिण अटारी में म्हौ भेळा हा, उणमे घणाहारा दीया लाग रिया हा।
9
अर यूतुखुस नाम रौ एक जवान बारी में बैठौ गेरी ऊंग ऊं झेरौं खाय रिया हो। जद पौलुस घणी जेज तांई बातां करतौ रियौ तो वो ऊंग में तीजी अटारी ऊं नीचे पड़ग्यौ, अर मरयोड़े नै उठायौ।
10
पण पौलुस उतरनै उण ऊं लिपट गियौ, अर गळे लगायनै कयौ, “घबराओ मती, क्यूंकै उणरौ प्रांण उण में है।”
11
अर ऊपर जायनै रोटी तोड़ी अर खायनै इती जेज तांई उण ऊं बातां करतौ रियौ की संवार होयगीं। पछै वो जातौ रियौ।
12
अर वे उण जवान नै जीवतौ घर लेन आया अर घणी सानति मिळी।
13
म्हौ पैला इज जहाज माथै चढ़नै अस्सुस इण विचार ऊं आगै गिया की उठै ऊं म्हौ पौलुस नै चढ़ा लौ ला, क्यूंकै उणै ओ इण वास्तै ठैरायौ हो की खुद ही पैदल जावण वाळौ हो।
14
जद वो अस्सुस में म्हौ नै मिळियौ तो म्हौ उणनै चढ़ायनै मितुलेने में आया।
15
उठै ऊं जहाज खोलनै म्हौ दूजै दिन खियुस टापू रै सांमै पूगा, अर अगले दिन सामुस टापू में ठैरया, पछै दूजै दिन मिलेतुस में आया।
16
क्यूंकै पौलुस नै इफिसुस रै खनै ऊं होयनै जावण रौ पको कियो हो की कठैई ऐड़ौ नीं हो की उणनै आसिया में जेज लागै, क्यूंकै वो उतावळ में हो की जे हो सकै तो वो पिन्तेकुस्त रै दिन यरुसलेम में रैवै।
17
पौलुस मिलेतुस ऊं इफिसुस में केन भेज्यौ, अर कलीसिया रै अगुवो नै आपरै खनै बुलाया।
18
जद वे उण रै पार आया, तो उण ऊं कयौ, “थै जांणौ हो की पैलै इज दिन जद म्हैं आसिया में पूगो, म्हैं हरैक वगत थौरे साथै कीण तरैह रियौ।
19
मतलब घणी नरमाई ऊं, अर रौ-रौयनै, अर उण परीकसाओं में जिकौ यहूदियो रै चालाकी रै कारण म्हारै माथै आन पड़ी, म्हैं परभु री सेवा करतौ इज रियौ।
20
अर जे जे बातां थौरे फायदे री ही, उण नै बतानै अर लोगां रै सांमै अर घर-घर सिखाणै ऊं कदैई नीं झिझकयौ।
21
बल्कि यहूदियो अर यूनानियो रै सांमै गवाई देतो रियौ, की परमेसर री तरफ मन फिराओ, अर म्हौरै परभु यीसु मसीह माथै विसवास करणौ चाहीजै।
22
“अर अबै देखौ, म्हैं आतमा में बन्धयोड़ौ यरुसलेम में जावूं हूं, अर नीं जांणूं, की उठै म्हारै ऊपर कांई कांई बीतेला।
23
कैवल ओ की पवितर आतमा हरैक नगर में गवाई दे देयनै म्हारै ऊं कैवै है, की बन्धन अर दुख थारै वास्तै तैयार है।
24
पण म्हैं म्हारै प्रांण नै कीं नीं समझूं की उणनै प्यारौ जांणूं, बल्कि ओ की म्हैं म्हारी दौड़ नै, अर उण सेवकाई नै पूरी करूं, जिकौ म्हैं परमेसर री करपा ऊं सुभ संदेस ऊपर गवाई दैणै रै वास्तै परभु यीसु ऊं पाई हूं।
25
“अर अबै देखौ, म्हैं जांणूं हूं, की थै सगळा जिण ऊं म्हैं परमेसर रै राज रौ परचार करतौ फिरयौ, म्हारौ मूंडौ वळै कदैई नीं देखोला।
26
इण वास्तै म्हैं आज रै दिन थौरे ऊं गवाई देन कहूं हूं, की म्हैं थौरे में ऊं किणी रै लोई रौ दोसी नीं हूं।
27
क्यूंकै म्हैं परमेसर री सगळी इछा नै थांनै बतानै में कदैई नीं झिझकयौ।
28
इण वास्तै अपणी अर अपणै समुदाय री रूखाळी करता रैवौ, जिण ऊं पवितर आतमा नै थांनै मुखिया ठैराया है, की थै परमेसर री कलीसिया री रूखाळी करौ, जिकौ परमेसर आपरै बेटे रै लोई ऊं मोल लिया हा।
29
म्हैं जांणूं हूं, की म्हारै जांणै रै पछै फाड़नैवाळा भेड़िया थौरे में आवैला, जिकौ झुंड नै नीं छोड़ेला।
30
थौरे इज बीच मांय ऊं भी ऐड़ा ऐड़ा मिनख उठैला, जिकौ चेलौ नै अपणी तरफ खींच लेणे वास्तै टेडी मेडी बातां कैवैला।
31
इण वास्तै जागता रैवौ, अर याद करौ, की म्हैं तीन बरस तांई रात दिन रौ रौ नै, हरैक नै सावचेत करणौ नीं छोड़यौ।
32
“अर अबै म्हैं थांनै परमेसर रै, अर उणरै अनुग्रह रै वचन नै सौंप देवूं हूं। जिकौ थौरी बढ़ोतरी कर सकै है, अर थांनै उण लोगां रै साथै जिकौ नै पवितर किया जा चुका है, थौरो वारिस दिला सकै है।
33
म्हैं कदैई किणी रै सोनों-चांदी या कपड़ो रौ लालच नीं कियो।
34
थै खुद जांणौ हो की म्हारै इण हाथो नै इज म्हारी अर म्हारै साथियो री जरुतो नै पूरी की।
35
म्हैं अपणै हरैक करम ऊं थांनै ओ दिखायौ है की कठिन मेनत करता होया म्हौ नै कमजोरो री मदद कीण तरैह करणी चाहीजै अर म्हौ नै परभु यीसु रौ वचन याद राखणौ चाहीजै जिकौ उणै खुद कयौ हो, ‘लेणे ऊं दैणौ भलौ है।’ ”
36
ओ केन उणै गोडा टेकनै उण सगळौ रै साथै पराथना की।
37
तद वे सगळा घणा रोया अर पौलुस रै गळे लागनै उणनै चूमनै लागा।
38
वे खास करनै इण बात रौ सौग करता हा, जिकौ उणै कही ही, “थै म्हारौ मूंडौ वळै कदैई नीं देखोला।” अर उणौ नै उणनै जहाज तांई पूगायौ।
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 21 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28