bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Marwari
/
Marwari Bible
/
Colossians 1
Colossians 1
Marwari Bible
Jump to:
Chapter 1
Chapter 2
Chapter 3
Chapter 4
Chapter 2 →
1
ओ कागद पौलुस री ओर ऊं है, जिकौ परमेसर री इछा ऊं यीसु मसीह रौ प्रेरित है अर भाई तिमुथियुस रै ओर ऊं,
2
कुलुसे में रैवण वाळा मसीह में विसवासी भाइयो रै नाम है। अपांरा पिता परमेसर री ओर ऊं थांनै अनुग्रह अर सानति मिळती रैवै।
3
म्हैं थांनै हमेसां पराथना में याद करौ अर परभु यीसु मसीह रा पिता परमेसर नै थौरे वास्तै धन्यवाद देवो हो।
4
क्यूंकै म्हैं सुण्यौ के थै यीसु मसीह माथै विसवास राखौ अर परमेसर रा सगळा पवितर लोगां ऊं परैम राखौ हो।
5
थौरो परैम अर विसवास उण आसा रै कारण है, जिकौ सरग में थौरे वास्तै है। जिण रै बारै में थै हाचा सुभ संदेस में सुण चुका हो,
6
जद ओ थौरे खनै आयौ हो। थै परमेसर री इण करपा रै बारै में सुण्यौ अर हाचाई जांणी अर जिण तरैह ओ थौरी जिन्दगी में कांम करयौ। उणीज तरैह ओ पूरा संसार में फळतो अर फुलतो जा रियौ है।
7
थांनै आ सीख म्होरा लाडला साथी इपफ्रास ऊं मिळी है, जिकौ अपांरै वास्तै मसीह रौ विसवास जोगो सेवक है।
8
वो इज मांनै पवितर आतमा ऊं परगट थांरा परैम रै बारै बतायो।
9
इण वास्तै जिण दिन ऊं ओ सुण्यौ, म्हैं लगातार थौरे वास्तै पराथना कर रिया हा। म्हैं परमेसर ऊं विणती करां के, वे थांनै पवितर आतमा रौ ग्यांन अर समझ दैवै, जिण ऊं थै परमेसर री इछा नै जांण सकौ।
10
ताकी थौरो चाल-चलण जैड़ौ परभु चावै वैड़ौ रैवै, जिण ऊं वे राजी रैवै अर थै भला कांम करता रैवौ अर परमेसर रा ग्यांन में बढ़ता जाओ।
11
परमेसर री महिमा री सगति रा बळ ऊं सगळी तरैह ऊं मजबुत होता जाओ अर आंणंद रै साथै हर तरैह ऊं धीरज अर सहनसीलता दिखा सकौ।
12
पिता परमेसर नै धन्यवाद देता रैवौ जिकौ अपांनै इण जोगा बणाया के अपां उजाळा रा राज में रैवण वाळा परमेसर रा लोगां रै साथै बापोती में पांति पा सका।
13
वे हीज अपांनै अन्धारा रा राज मे ऊं छुड़ायनै आपरा लाडला बेटा रा राज में ले आया।
14
उणांरै बेटा ऊं अपांनै छुटकारो यानि पाप ऊं माफी मिळै है।
15
यीसु मसीह नीं दिखण वाळा परमेसर रा रूप है अर पूरी दुनिया में सगळौ ऊं मोटा अर पैला है।
16
क्यूंकै उणमे इज परमेसर दुनिया री सगळी चीजों बणाई। सरग री अर धरती री, देखी अणदेखी, कांई सिंहासण नै, कांई परभुता नै, कांई परधानता नै अर कांई हक, सगळी चीजों वे ही बणाई अर उणरै वास्तै ही बणाई।
17
वे सगळौ ऊं पैला भी हा अर उणरै कारण ही सगळी चीजों आपो आपरी जगा माथै टिकियोड़ी है।
18
वे हीज मंडली रूपी काया रौ माथो है, अर वे हीज जीवण री सरूआत है, अर वे हीज सगळौ ऊं पैला मरनै जीवता होवण वाळा है। इण वास्तै सगळौ ऊं पैली जगा उणरी है।
19
क्यूंकै पिता री इछा आहीज है के उणरा सगळा गुण उणरै बेटे में वास करै,
20
अर यीसु मसीह रौ लोई जिकौ सूली माथै बहायो, उण ऊं सरग अर धरती री चीजों रौ परमेसर खुद में मेळ मिलाप करयौ।
21
एक वगत हो जद थै थौरे भूंडा कांमां अर दुस्ट सौच ऊं परमेसर रा बैरी होयनै, उणौ ऊं आगा हो गिया हा।
22
पर अबै परमेसर यीसु मसीह री काया री मौत थौरे ऊं मेळ मिलाप कर दियौ है। ताकी थांनै आपरै खनै पवितर, बिना कलंक अर निरदोस बणान लावै।
23
ओ थांरा विसवास री नीव माथै मजबुत रैणै ऊं अर आस नीं छोड़नै ऊं होवैला, जिकौ थांनै सुभ संदेस ऊं मिळियौ है। ओ वो इज सुभ संदेस है, जिकौ आकास रै नीचे पूरी दुनिया में परचार होयौ है अर जिणरै वास्तै म्हैं पौलुस उणरौ सेवक बण्यौ हूं।
24
म्हैं थौरे वास्तै दुख देख रियौ हूं अर इण ऊं राजी हूं। में मंडली वास्तै दुख उठाणै में लगातार मसीह रै साथै हूं।
25
म्हनै परमेसर थौरी भलाई वास्तै सेवक बणान थौरे वास्तै सूंपयौ है, ताकी म्हैं परमेसर रै वचन रौ पूरौ पूरौ परचार करूं।
26
जिण रौ भेद जुगो ऊं अर पीढ़ियो ऊं गुपत हो। पर अबै परमेसर रा उण पवितर लोगां माथै परगट हो गियौ है,
27
जिण माथै वे परगट करणौ चावता। वे जांणता हा के, जिकौ यहूदी कोनीं उणौ में इण भेद री सौभा री कांई कीमत है? वा आ है की, मसीह जिकौ सौभा री आस है, वे थौरे में रैवै है।
28
मसीह रौ परचार करनै म्हैं हरैक मांनखै नै सावचेत कर देवो अर सीख देवो, ताकी हरैक मांनखै नै मसीह रा सगळा गुणो ऊं भर नै परमेसर सांमै ऊभा करां।
29
इण वास्तै म्हैं मसीह री सगति ऊं, तन मन लगान मेनत भी करूं हूं।
Jump to:
Chapter 1
Chapter 2
Chapter 3
Chapter 4
Chapter 2 →
All chapters:
1
2
3
4
Recommended Reading
Commentary
Colossians Commentaries
→
Devotional
Colossians Devotional Guide
→
Get This Bible
Marwari Bible Study Bible
→