bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Marwari
/
Marwari Bible
/
Colossians 4
Colossians 4
Marwari Bible
← Chapter 3
Jump to:
Chapter 1
Chapter 2
Chapter 3
Chapter 4
1
हे मालिको, थै ओ जांण नै आपरा दासो साथै न्याव अर चौखौ वैवार करौ के, सरग में थौरे माथै भी एक मालिक है।
2
थै सावचेत रेन परमेसर री पराथना अर धन्यवाद दैणै में लागोड़ा रैवौ।
3
थै म्हौरै वास्तै भी पराथना करौ के, परमेसर मांनै आपरा वचन अर मसीह रौ भेद सुणाणै रौ मौकौ दैवै, जिण वास्तै म्हैं जेळ में हूं।
4
इण वास्तै भी पराथना करौ के, में इण भेद नै खोलनै बता सकूं, जिण तरैह ऊं म्हनै बतावणौ चाहीजै।
5
वगत नै मूंगो समझ नै बारै वाळा रै साथै बुद्धि ऊं वैवार करौ।
6
थौरी बोली हमेसां चौखी अर मीठी रैवै, जिण ऊं थै हरैक नै ढ़ंग ऊं जबाब दे सकौ।
7
म्हारौ लाडलौ भाई, विसवास जोगो सेवक अर परभु में म्हारौ साथी तुखिकुस थांनै म्हारै बारै में सगळी बातां बता देवेला।
8
म्हैं तुखिकुस नै इण वास्तै थौरे खनै मेलूं हूं ताकी ओ थांनै म्हारा समाचार दे सकै, जिण ऊं थांरा काळजा नै हीमत मिळै।
9
इण रै साथै म्हारै लाडला विसवास जोगा भाई उनेसिमुस नै भी भेजूं हूं। ओ थांरा देस रौ हीज रैवण वाळौ है। ऐ दोनूं थांनै म्हारा अठै रैवण वाळी सगळी बातां बता देवेला।
10
अरिस्तर्खुस जिकौ म्हारै साथै जेळ में बंद है अर मरकुस जिकौ बरनबास रौ भाई है, ऐ थांनै नमस्कार कैवै है। मरकुस रै बारै में म्हैं पैला ही थांनै कयौ हो के, ओ जद थौरे खनै आवै तो इणरै साथै चौखौ वैवार करजौ।
11
यीसु जिकौ यूसतुस रै नाम ऊं औळखीजै, ओ भी थांनै नमस्कार कैवै है। खतना करयोड़ौ मे ऊं ऐ तीन लोग हीज म्हारै साथै परभु रै राज वास्तै कांम कर रिया है। इण ऊं म्हनै घणी हीमत मिळी है।
12
इपफ्रास जिकौ थांरा देस रौ रैवण वाळौ है, थांनै नमस्कार कैवै है। ओ यीसु मसीह रौ सेवक हमेसां थौरे वास्तै दुख रै साथै पराथना करै है के, आप लोग पका रेन विसवास रै साथै परभु री इछा में मजबुत रैवौ।
13
म्हैं इण बात रौ गवाई हूं के, ओ थौरे वास्तै, लौदीकिया हैर रै वास्तै अर हिरापुलिस हैर रा रैवण वाळा रै वास्तै घणी मेनत करी।
14
लाडला वैद लूका अर देमास थांनै नमस्कार कैवै है।
15
लौदीकिया रा भाइयो नै अर नुमफास अर उण री घर री मंडली नै नमस्कार कहीजौ।
16
जद थै इण कागद नै पढ़ लौ तो, इणनै लौदीकिया री मंडली में भी पढ़ा दीजौ अर यूं हीज लौदीकिया रा नाम लिखयोड़ा कागद नै थै भी पढ़ लेजो।
17
पछै अरखिपुस ऊं कहीजौ के, जिकौ सेवा परभु थनै सूपी है, उणनै सावचेती ऊं पूरी करजै।
18
म्हैं पौलुस म्हारै हाथ ऊं नमस्कार लिखूं हूं। म्हैं हांकळौ में बन्धियोड़ो हूं, याद राखजौ। परभु थौरे माथै दया करता रैवै। आमीन।
← Chapter 3
Jump to:
Chapter 1
Chapter 2
Chapter 3
Chapter 4
All chapters:
1
2
3
4