bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Marwari
/
Marwari Bible
/
Colossians 3
Colossians 3
Marwari Bible
← Chapter 2
Jump to:
Chapter 1
Chapter 2
Chapter 3
Chapter 4
Chapter 4 →
1
जद थै मसीह रै साथै जिवता हो गिया हो तो, सरग री चीजों नै सौधता रैवौ। जठै मसीह परमेसर रै जिमणा पाड़ै विराजमान है।
2
धरती री नीं पण सरग री चीजों माथै ध्यांन लगावो।
3
क्यूंकै थौरो जूनो सभाव तो मरग्यौ है अर अबै थौरी जिन्दगी मसीह रै साथै परमेसर में लुकयोड़ी है।
4
जद मसीह जिकौ थौरी जिन्दगी है, परगट होवैला तो उणौरै साथै सौभा में थै भी परगट हो जावोला।
5
इण वास्तै आपरी काया ऊं उण बातां नै मार दो जिकौ धरती री है। यानि व्यभिचार, भूंडा कांम, दुस्ट सौच, दुस्ट इछा अर लोभ, जिकौ मूरती पूजा रै बराबर है।
6
इण बातां रै कारण परमेसर रौ कोप हुकम नीं मानणा वाळै माथै पड़ै।
7
एक वगत हो, जद थै इण दुस्ट बातां नै मानता हा अर इण माथै चालता हा।
8
पर अबै थै भी इणरै सगळौ रै साथै रीसे बळनो, बैर राखणौ, निंदा करणी, घिरणा करणी अर मूंडा ऊं गाळियां बकणो छोड़ दो।
9
एक दूजा ऊं झूठ मत बोलो, क्यूंकै थै आपरौ जूनो सभाव नै दुस्ट बातां रै साथै उतारनै फेंक दियौ हो
10
अर नवा सभाव नै पैहर लियौ है, जिकौ अपांनै बणाण वाळा रौ रूप है। जिणरै ग्यांन में अपां नित नवा होता रैवौ हो।
11
अबै मसीह में नीं तो यूनानी है, नीं यहूदी है, नीं खतनो करायोड़ा है, नीं बिना खतना वाळा है, नीं जंगळी है, नीं बिना बुद्धि है, नीं कोई गुलाम है अर नीं ही कोई आजाद है। ऐ सगळा मसीह में है अर मसीह सगळौ में है।
12
थै परमेसर रा चुणयोड़ा पवितर अर लाडला लोग हो। इण वास्तै थै दया, भलाई, नरमाई, धीरज अर सहनसीलता नै धारण कर लो।
13
एक दूजा री गळती नै चैन करौ अर कोई बात होवै तो एक दूजा नै माफ करौ। जिण तरैह ऊं परभु थांनै माफ करिया। थै लोग भी यूं हीज करौ।
14
इण सगळौ ऊं बढ़न थै परैम रा पटा ऊं आपरी कमर बान्ध लौ, परैम सगळौ नै एक राखै है।
15
मसीह री सानति थांरा हिरदा में राज करै। जिणरै वास्तै थै लोग मसीह री एक काया बणन बुलायोड़ा हो। इणरै वास्तै थै परमेसर रौ धन्यवाद देता रैवौ।
16
मसीह रा वचन नै थै थांरा हिरदा में गेरा बेवण दो अर उणरै ग्यांन नै समझनै एक दूजा नै सीखाओ अर सावचेत करौ। परमेसर वास्तै आप आपरा हिरदा ऊं उणरा भजन, आतमा ऊं गीत अर सौभा धन्यवाद रै साथै गावो।
17
कीं भी बोलो या करौ, वो सगळौ परभु यीसु मसीह रै नाम ऊं करौ अर उणरै जरियै पिता परमेसर रौ धन्यवाद करौ।
18
हे लुगाईयां, जैड़ौ परभु नै चौखौ लागै, उणीज तरैह ऊं थै थौरे बींद रै कैणै में रैवौ।
19
हे पतियो, थै आपो आपरी लुगाईयां ऊं हेत राखौ अर उणौ माथै कड़ाई मत करौ।
20
हे टाबरौ, थै सगळी तरैह ऊं आपरा मां बाप रा हुकम मांनो, क्यूंकै इण ऊं परभु राजी होवै।
21
हे टाबरौ रा मां बापो, थै थौरे टाबरौ नै तंग मत करौ। ऐड़ौ नीं हो जावै की उणौरी हीमत टूट जावै।
22
हे सेवकों, थै सरीर ऊं इण दुनिया में जिकौ थांरा मालिक है, उणरौ हुकम, जद वे थांनै देखे उण वगत मिनखां नै दिखाणै रै वास्तै नीं, पर मन ऊं परभु रै डर ऊं हाचाई रै साथै मांनो।
23
जिकौ की थै करौ वो तन मन ऊं करौ अर ओ समझ नै करौ के थै ओ मिनखां रै वास्तै नीं पर परभु रै वास्तै करौ।
24
याद राखौ थांनै परभु इनाम में बापोती देवेला, क्यूंकै थै परभु मसीह री सेवा करौ हो।
25
जिकौ गळत करै उणनै उणरौ फळ मिळैला, उठै कोई पकसपात नीं होवै।
← Chapter 2
Jump to:
Chapter 1
Chapter 2
Chapter 3
Chapter 4
Chapter 4 →
All chapters:
1
2
3
4