bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mazanderani
/
Mazanderani GMB (گیله ماز)
/
Hebrews 4
Hebrews 4
Mazanderani GMB (گیله ماز)
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 5 →
1
پَس با اینکه این وَعدِه یه رَفتَن اونه آسایشِ دِلِه هَلَه پابرجائه، تَرسِنَم که نَکُنِه معلوم هَبو که یِنَفر شیمی جی، اون وعده یه بِدس بیاردنِ وَسین شِکست بُخارِه.
2
چون اَمَره هَم اوشانه مِثان خَبَر خوش بَرسیِه. وَلی اون پِیغام که اوشان بِشنَوِسَّن، اوشانه وَسین منفعتی نِداشتَه، چون وختی اونه بِشنَوِسَّن ایمان هَمرَه گوش نَدَن
3
چون اَما که ایمان بیاردِیم، اون آسایشِ دِلِه شونیم. هَمونجور که خُدا مَزمورِ کِتابِ دِلهِ باَگوته: «پَس می غیظ دِلهِ قَسَم بُخاردَم اوشان می آسایشِ دِلِه نییَنِن،» هر چَن، اونه کاران دُنیایِ خلق هَکُردَنِ موقِه، تَمام هَبا با؛
4
چون اون، یِجا توراتِ دِلِه هفتمین روز خَبَری اینجور باَگوته: «و خُدا هفتمین روز دِلِه، خودشه تمام کارانِ جی آسایش بِیتِه،»
5
و باز ایجِه باَگوته: «اوشان می آسایشِ دِلِه نییَنِن.»
6
پس، اوجِه یه جی که بعضیان هَلَه فُرصت دارَن که اونه آسایشِ دِلِه بوشون، و اوشانیکه پیشتَرخَبرخوشِ بِشنَوِسَّن، نااِطاعتی خاطری نَتَّنِسَّن دِلِه بوشون
7
خدا یِدفه دیگه ایتا خاصِ روزِ تعيین کانه، «اِمروزِ» و سالها بعد مَزمورِ کِتابِ دِلهِ داوود زبانِ هَمرَه، این کلماتِ هَمرَه باَگوته: «اِمروز، اَگه اونه آوازِ اِشنَوِنید، شیمی دِلِ سنگ نَکُنین.»
8
چون اَگه یوشَعِ پیغمبر اوشانِ آسایش هَدَه با، دُمّالتَر خُدا ایتا روز دیگَرِ جی گَب نَزَنه با
9
پَس خُدایِ قومِ وَسین، مقدّسِ شنبه یه آسایشِ بِجا ماندِنِه.
10
چون هر کی خُدایِ آسایشِ دِلِه شونِه، خودشه کارانِ دِلِه هم آسایش گیرنِه، هَمونجور که خُدا خودشه کارانِ جی آسایش بِیته.
11
پَس بیئین تقلّا هَکُنیم تا اون آسایشِ دِلهِ بیشیم، تا هیچکس اینجور نا اِطاعتی هکُردنِ هَمرَه نَکِّه.
12
چون خُدایِ کلام، زِندِئِه و کار کانه، و هر دو دَمِ شمشیرِ جی تیز تَرِه، جوری بینِه که نفس و روح و مفاصل و مغز و خاشِ سیفا کانه، فِکرا و دِلِ نیَّتان رِه تشخیص دَنه.
13
هیچ چیزی تمام دنیای دِلِه خدای چِشِ جی جا هَدَه نیِه، بلکه همه چیز اونه چِشِ پیش که اَمی حساب اونه هَمرَئِه، لُخت پَتی و معلومِ.
14
اوجِه یه جی که اَما ایتا گَتِه کاهنِ اعظم داریم که آسِمانانِ سَمت جآر بَشَه، یَعنی عیسی، خُدایِ ریکا، بیئین اَمی ایمانِ اعترافِ قایِم بِداریم.
15
چون اَمیِ کاهنِ اعظم جوری نیِه که نَتَّنِسِّه بو اَمیِ ضَعفهایِ هَمرَه همدردی هَکونه، بلکه کَسیِه که اَمی مِثان هر نَظَرِ جی آزمون هَبا، بدون اینکه گُناه هَکونه.
16
پَس اِطمینانِ هَمرَه فیضِ تختِ نَزدیک هَبیم تا اَمَرِه رَحم هَبو و فیضِ بِدس بیاریم که احتیاجِ موقِه اَمَرِه کُمک هَکونِه.
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 5 →
All chapters:
1
2
3
4
5
6
7
8
9
10
11
12
13