Joshua 15

Norwegian 1938

← Chapter 14 Jump to: Chapter 16 →

1Juda-borni og ættgreinene deira fekk sin lut burtimot Edomlandet, sudmed Sinøydemarki, lengst sud.

2Landskilet deira gjekk på sudsida ut frå enden av Saltsjøen, frå den viki som sting lengst i sud,

3tøygde seg sud um Akrabbimskardet og tok so yver til Sin og uppetter sunnanfor Kades-Barnea; so gjekk skiftelina yver til Hesron og upp til Adar; der svinga ho burt til Karka,

4tok so burtetter til Asmon, kom fram ved Egyptarlands-bekken og enda utmed havet. Dette [sa Herren] skal vera landskilet dykkar i sud.

5I aust fylgde landskilet Saltsjøstrandi, alt til Jordanosen. På nordsida gjekk fylkesdeilet frå vassbotnen, frå Jordanosen,

6upp til Bet-Hogla og heldt so frametter nordanfor Bet-Ha'araba, upp til den steinen som heiter etter Bohan Rubensson.

7So tok skiftelina frå Akordalen upp til Debir; der svinga ho nordetter til Gilgal, som ligg beint imot Adummimkleivi, sunnanfor bekken, og gjekk so yver til En-Semeskjelda og fram til En-Rogel.

8Sidan tok ho upp til Hinnomssonsdalen, til sudsida av Jebusitaråsen, der Jerusalem ligg, og steig upp til toppen av det fjellet som er beint i vest for Hinnomsdalen, ved nordenden av Refa'imsdalen.

9Frå den fjelltoppen stemnde skiftelina burtåt Neftoahvasskjelda, heldt fram til byane på Efronheidi, og tok so burtetter til Ba'ala, den byen som no heiter Kirjat-Jearim.

10Frå Ba'ala svinga ho vestetter til Se'irfjellet, tok yver til nordhallet av Jearimfjellet, der Kesalon ligg, og gjekk so ned til Bet-Semes og fram til Timna.

11Sidan heldt skiftelina nordetter til Ekronåsen; der svinga ho burt til Sikron, tok so yver til Ba'alafjellet, kom fram ved Jabne'el og enda utmed havet.

12I vest var det Storhavet som var grensa. Dette var landskili åt Juda-borni og ættgreinene deira, på alle sidor.

13Kaleb Jefunneson fekk sin lut millom Juda-borni, etter det som Herren hadde sagt med Josva. Det var den byen som heitte etter Arba, far åt Anak, og som me no kallar Hebron.

14Kaleb dreiv ut dei tri anakitane som budde der, Sesai og Akiman og Talmai, etterkomarane hans Anak.

15Sidan for Kaleb mot Debir-buane; Debir heitte fyrr Kirjat-Sefer.

16Då lova han ut at den som kunde taka Kirjat-Sefer, skulde få Aksa, dotter hans.

17Otniel, son åt Kenas, bror åt Kaleb, tok byen og fekk Aksa.

18Då so ho skulde flytja heim til han, eggja ho han til å beda far hennar um ein jordveg, og sjølv hoppa ho ned av asnet. Då spurde Kaleb: Kva er det du vil?

19Ho svara: Gjev med ei velfargåva! Du hev gift meg burt til dette turre sudlandet; gjev meg no vasskjeldor! So gav han henne Øvrekjeldone og Nedrekjeldone.

20No skal me nemna dei eigedomane som Juda-ætti og greinene hennar fekk:

21Byane i sudlandet, ytst i Judafylket, burtimot Edomskiftet, det var Kabse'el og Eder og Jagur

22og Kina og Dimona og Adada

23og Kedes og Hasor og Jitnan,

24Sif og Telem og Bealot

25og Hasor-Hadatta og Kerijot, Hesron, som no heiter Hasor,

26Amam og Sema og Molada

27og Hasur-Gadda og Hesmon og Bet-Pelet

28og Hasar-Sual og Be'erseba og Bisjotja,

29Ba'ala og Ijim og Esem

30og Eltolad og Kesil og Horma

31og Siklag og Madmanna og Sansanna

32og Lebaot og Silhim og Ajin og Rimmon, i alt ni og tjuge byar med grendene som låg ikring.

33I låglandet: Estaol og Sora og Asna

34og Sanoah og En-Gannim, Tappuah og Haenam,

35Jarmut og Adullam, Soko og Aseka

36og Sa'ara'im og Adita'im og Haggedera med Gederota'im, fjortan byar med grendene ikring;

37Senan og Hadasa og Migdal-Gad

38og Dilan og Mispe og Jokte'el,

39Lakis og Boskat og Eglon

40og Kabbon og Lahmas og Kitlis

41og Gederot, Bet-Dagon og Na'ama og Makkeda, sekstan byar med grendene ikring;

42Libna og Eter og Asan

43og Jiftah og Asna og Nesib

44og Ke'ila og Aksib og Maresa, ni byar med grendene ikring;

45Ekron med byar og grender;

46frå Ekron og vestetter alt som låg på Asdod-sida, med grendene som høyrde til;

47Asdod med byar og grender, Gasa med byar og grender, radt burt til Egyptarlands-bekken og ut til Storhavet; det var grensa der.

48I fjellbygdene: Samir og Jattir og Soko

49og Danna og Kirjat-Sanna, som no heiter Debir,

50og Anab og Estemo og Anim

51og Gosen og Holon og Gilo, elleve byar med grendene ikring;

52Arab og Duma og Esan

53og Janim og Bet-Tappuah og Afeka

54og Humta og Kirjat-Arba, som no heiter Hebron, og Sior, ni byar med grendene ikring;

55Maon, Karmel og Sif og Juta

56og Jisre'el og Jokdeam og Sanoah,

57Hakka'in, Gibea og Timna, ti byar med grendene ikring;

58Halhul, Bet-Sur og Gedor

59og Ma'arat og Bet-Anot og Eltekon, seks byar med grendene ikring;

60Kirjat-Ba'al, som sidan vart kalla Kirjat-Jearim, og Harabba, tvo byar med grendene ikring.

61I øydemarki: Bet-Ha'araba, Middin og Sekaka

62og Hannibsan og Ir-Hammelah og En-Gedi, seks byar med grendene ikring.

63Men Juda-borni vann ikkje driva ut jebusitane, som budde i Jerusalem; dei vart buande i hop med Juda-borni i Jerusalem, og der bur dei den dag i dag.

← Chapter 14 Jump to: Chapter 16 →