Joshua 19

Norwegian 1938

← Chapter 18 Jump to: Chapter 20 →

1Den andre luten fall på Simeon, på Simeons-borni og ættgreinene deira. Det landet dei fekk, låg midt i Judafylket.

2Til Simeonsfylket høyrde Be'erseba og Seba og Molada

3og Hasar-Sual og Bala og Esem

4og Eltolad og Betul og Horma

5og Siklag og Bet-Hammarkabot og Hasar-Susa

6og Bet-Leabot og Saruhen - trettan byar med grendene som høyrde til;

7A'in, Rimmon og Eter og Asan - fire byar med grendene som høyrde til,

8og alle bygdene som låg ikring desse byane, alt til Ba'alat-Be'er, Rama i sudlandet. Dette var odelsjordi som Simeons-ætti og greinene hennar fekk.

9Dei fekk odelseiga si i det landet som var mælt ut til Juda-borni. Den luten som fall på Juda-borni, vart for stor åt dei; difor var det at Simeons-borni fekk landet sitt midt i deira land.

10Den tridje luten fall på Sebulons-borni og ættgreinene deira. Det landet dei fekk, rakk til Sarid.

11Fylkesdeilet gjekk i vest upp til Marala, gjekk frammed Dabbeset og nådde den bekken som renn austanfor Jokneam.

12I aust, der soli kjem upp, vende det seg frå Sarid burt imot Kislot-Taborbygdi, heldt fram til Haddaberat og gjekk upp til Jafia.

13Derifrå tok det, på solsida, austsida, yver til Gat-Hefer og Et-Kasin, heldt fram til Rimmon og svinga burt til Hannea.

14So vende deilet seg nordetter til Hannaton og enda i Jiftah-Eldalen.

15I Sebulonsfylket låg og Kattat og Nahalal og Simron og Jidala og Betlehem; i alt var der tolv byar med grender ikring.

16Dette var det landet Sebulons-borni og ættgreinene deira fekk til odel og eiga med byar og grender.

17Issakar var det som fekk den fjorde luten, Issakars-borni og ættgreinene deira.

18I landet deira låg Jisre'ela og Hakkesullot og Sunem

19og Hafara'im og Sion og Anaharat

20og Harabbit og Kisjon og Ebes

21og Remet og En-Gannim og En-Hadda og Bet-Passes.

22Fylkesdeilet gjekk frammed Tabor og Sahasuma og Bet-Semes og enda i Jordan. I alt var der sekstan byar med grender ikring.

23Dette var det landet som Issakars-ætti og greinene hennar fekk til odel og eiga, med byar og grender.

24Den femte luten fall på Asers-ætti og greinene hennar.

25I deira land låg Helkat og Hali og Beten og Aksaf

26og Allammelek og Amad og Misal. Fylkesdeilet nådde i vest til Karmel og Sihor-Libnat;

27so vende det seg austetter til Bet-Dagon og gjekk so frammed Sebulonsfylket og Jiftah-Eldalen, nordanfor Bet-Haemek og Ne'iel; sidan heldt det fram til Kabul i nord.

28I Asersfylket låg og Ebron og Rehob og Hammon og Kana, alt burt til Stor-Sidon.

29So vende deilet seg mot Harama og heldt fram til Tyrusborgi; der ifrå tok det leidi til Hosa og gjekk ut i havet ikkje langt frå Aksib.

30Umma og Afek og Rehob låg og i dette fylket. I alt var der tvo og tjuge byar med grender ikring.

31Dette var det landet som Asers-ætti og greinene hennar fekk til odel og eiga, med byar og grender.

32På Naftali-borni fall den sette luten, på Naftali-borni og ættgreinene deira.

33Fylkesdeilet deira gjekk frå Helef, frå Sa'anannimeiki, um Adami-Hannekeb og Jabne'el, heldt fram til Lakkum og gjekk ut i Jordan.

34So vende deilet seg vestetter til Asnot-Tabor og heldt fram til Hukkok. I sud skifte dei med Sebulon og i vest med Aser og i aust med Juda ved Jordan.

35Av faste byar var der: Hassiddim, Ser og Hammat, Rakkat og Kinneret

36og Adama og Harama og Hasor

37og Kedes og Edre'i og En-Hasor

38og Jiron og Migdal-El, Horem og Bet-Anat og Bet-Semes. I alt var der nittan byar med grender ikring.

39Dette var det landet Naftali-ætti og greinene hennar fekk til odel og eiga, med byar og grender.

40På Dans-ætti og greinene hennar fall den sjuande luten.

41I deira fylkesland låg Sora og Estaol og Ir-Semes

42og Sa'alabbin og Ajalon og Jitla

43og Elon og Timnata og Ekron

44og Elteke og Gibbeton og Ba'alat

45og Jehud og Bene-Berak og Gat-Rimmon

46og Me-Hajarkon og Harakkon og bygdene burtmed Joppe.

47Men det vart for trongt for Dans-borni i landet deira; difor for dei nordetter og tok på Lesem-buane; dei vann landet deira og øydde det med odd og egg; sidan la dei det under seg og vart buande der; og i staden for Lesem kalla dei bygdi Dan etter ættefaren sin.

48Dette var det landet Dans-ætti og greinene hennar fekk til odel og eiga, med byar og grender.

49Då Israels-borni vel hadde skift ut heile Kana'anslandet, so vidt som det var, let dei Josva Nunsson få ei odelseiga millom seg;

50dei gjorde som Herren hadde sagt, og gav han den byen han bad um, Timnat-Serah på Efra'imsfjellet; og han bygde upp byen og busette seg der.

51Dette var dei odelseigone som Eleasar, presten, og Josva Nunsson og hovdingane yver Israels ætter og ættgreiner luta ut i Silo for Herrens åsyn, i møtetjelddøri. Dermed var dei ferdige med å skifta ut landet.

← Chapter 18 Jump to: Chapter 20 →