bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nuer
/
Nuer Bible © Bible Society in South Sudan 1998,2012
/
2 Samuel 3
2 Samuel 3
Nuer Bible © Bible Society in South Sudan 1998,2012
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 4 →
1
Cuɛ tekɛ ko̱r mi cu jääny kam thuɔk duëël Thɔɔl kɛnɛ thok duëël Dee-bid. Kä cu buɔ̱m ni thok duëël Dee-bid kä thok duëël Thɔɔl.
2
Gaat tëë ca da̱p Dee-bid kä Ɣɛb-ron. Gatdɛ min nhiam ɛ Ɛ̈m-non, gat ciekdɛ ni Ä-ɣi-no-am nya Yidh-rɛɛl.
3
Cu rɛwdɛ a Kil-ab gat Ä-bi-ga-yil ciek jɔkä ni Na-bal kä Kar-mɛl. Kä cu diɔ̱ɔ̱kdiɛn a Ɛ̈b-ca-lom gat Maakaa nya Tɛ̈l-may kuäär Gɛ-cur.
4
Kä cu ŋuaandiɛn a Ä-do-ni-yaa gat Ɣɛ̈-gith. Kä cu dhieecdiɛn a Cɛ-pɛ̈t-yaa gat Ä-bi-tal.
5
Kä cu bäkɛliɛn a Yith-rɛ-am gat Ɛg-laa ciek Dee-bid. Kɛn ti̱ti̱ cua kɛ da̱p Dee-bid kä Ɣɛb-ron.
6
Kä mëë nyiëëny thok duëël Thɔɔl kɛnɛ thok duëël Dee-bid, cu Ä-bi-ner rɔ jak kä bum thok duëël Thɔɔl.
7
Tëë kɛ luɔm Thɔɔl mi cɔali Ridh-paa nya Aya. Kä cu Ic-bo-cɛth Ä-bi-ner jiök i̱, “Ɛŋu ci luɔm gua̱a̱r ka̱n ɔ?”
8
Kä cu Ä-bi-ner gaak kä cuɛ jɛ loc i̱, “Ɛ ku Ɣän ɛ jiök kä Juda? Kɛn ni̱ni ti̱ti̱ nyuɔthä ciaŋ mi gɔaa dhɔr guur ni Thɔɔl, gɔaa kamdä kɛ gaatman, kɛnɛ mäthnikɛ kä /ka̱n yɛ ka̱m Dee-bid. Kä ɛn walɛ gɔɔnyi ɣä kɛ kui̱ ciek mi thil luɔt.
9
Ce̱tnikɛ ciöt Kuɔth Nhial, ɣän dëë li̱w mi /ka̱n Dee-bid lät kä mëë ci Kuoth Nhial ɛ ya̱c jɛ.
10
Kɛ ɣöö bi kuäär jiɛɛn dhɔr Thɔɔl, kä ba jɛ ka̱m Dee-bid ala kuäär kä I-thɛ-rɛl, kɛnɛ Juda, a känɛ ni kä Daan a räth nikä Ber-cɛ-ba.”
11
Kä /ken Ic-bo-cɛth Ä-bi-ner loc kɛ riet, kɛ ɣöö cɛ dual kɛ jɛ.
12
Kä cu Ä-bi-ner naath jäk kä Dee-bid kɛ ruacdɛ wee i̱, “Ɛ mun ŋa ɛn nɛmɛ? Mat nɛ ruac, kä nɛnɛ, ɣän bä te kɛɛl kɛ ji̱, bä ji̱ nöŋ ji̱ I-thɛ-rɛl diaal.”
13
Kä cu Dee-bid wee i̱, “Gɔaaɛ. Banɛ ruac mat. Duundɛ ɣöö tëë kɛ kɛl mi bä thiec kä ji̱ ɛ ɣöö /ci bi ben nhiamdä, ɛ ni mi ci Mi-kal nya Thɔɔl nööŋ kɛ nhiam, mi wi̱i̱ wä ben kä ɣä.”
14
Kä cu Dee-bid naath jäk kä Ic-bo-cɛth gat Thɔɔl, wee i̱, “Käm ni ɣä ciekdä ni Mi-kal, mëë cä kuɛn kɛ gup ti kuɔ̱r tëë cuɛ̈ɛ̈lä kä ji̱ Pi-li-thɛt.”
15
Kä cu Ic-bo-cɛth jɛ ka̱n kä cɔwdɛ ni Pɛ̈l-ti-el gat Lɛ̈-yic.
16
Duundɛ ɣöö cu cɔwdɛ wä kɛɛl kɛ jɛ jälɛ kɛ wiee kɔɔrɛ mäni cuɔ̱pdiɛn kä Bɛ̈-ɣu-rim. Kä cu Ä-bi-ner ɛ jiök i̱, “Ri̱t rɔ.” Kä cuɛ rɔ ri̱t.
17
Cu Ä-bi-ner ben kä bööth I-thɛ-rɛl, kä cuɛ kɛ jiök i̱, “Kɛ pek ëë ci wä /cuarɛ Dee-bid go̱r i̱ derɛ a kuäärun.
18
Täämɛ kua jɛ nööŋ nhial. Kɛ ɣöö ci Kuoth Nhial ɛ la̱r Dee-bid i̱, ‘Kɛ Dee-bid ja̱ŋdä bä nɛɛkä ni ji̱ I-thɛ-rɛl kän kɛ jɛ kä ji̱ Pi-li-thɛt, kɛnɛ ji̱ tɛ̈riɛn diaal.’ ”
19
Kä cuɛ ruac bäkɛ ji̱ Ben-ya-min. Kä cuɛ wä kä Ɣɛb-ron wee Dee-bid la̱t min ba la̱t ɛ ji̱ I-thɛ-rɛl diaal kɛnɛ thok duëël Ben-ya-min kɛɛliw.
20
Kä mëë ci Ä-bi-ner ben kä Ɣɛb-ron kä Dee-bid kɛnɛ nɛy ti jiɛɛn da̱ŋ rɛw, cu Dee-bid kɛ lät kä mi̱eth.
21
Kä cu Ä-bi-ner Dee-bid jiök i̱, “Ɣän bä wä, bä ji̱ I-thɛ-rɛl diaal wä mat, kä bäkɛ nöŋ kuäärä ni kuäär, kä ba mat ruac lat kɛ ji̱ kä bikɛ cu ruac ce̱tkɛ min go̱o̱r lɔcdu jɛ.” Kä cu Dee-bid Ä-bi-ner jak kä wä. Kä cuɛ wä nikɛ mal.
22
Kɛ gua̱a̱th mi tɔt cu ji̱ kɔaar Dee-bid cop kɛɛl kɛ Yo-ab pëcä, kä cikɛ pɛ̈ɛ̈c ti ŋuan nööŋ kɛɛl kɛ rɔ̱. Duundɛ ɣöö Ä-bi-ner /cɛ te kɛɛl kɛ Dee-bid kä Ɣɛb-ron, kɛ ɣöö cɛ jɛ jak kä wä nikɛ mal.
23
Kä mëë ci Yo-ab ben kɛnɛ rɛm in tekɛ jɛ, cua la̱r Yo-ab i̱, “Ci Ä-bi-ner gat Ner ben kä kuäär, kä cɛ jɛ jak kä wä, a cɛ wä nikɛ mal.”
24
Kä cu Yo-ab ben kä kuäär kä cuɛ jiök i̱, “Ɛŋu ci la̱t ɔ? Nɛnɛ, Ä-bi-ner cɛ ben kä ji̱. Kuɛ la ŋu jaki jɛ kä wäɔ, a bɛ wä?
25
Kä ŋäci jɛ ɛn ɣöö Ä-bi-ner gat Ner bëë kɛ ɣöö bɛ ji̱ kaŋ, kɛnɛ ɣöö bɛ tin diaal tin lätdi ben ŋa̱c.”
26
Kä min ci Yo-ab ben raar kä Dee-bid, cuɛ naath jäk kä kɔɔr Ä-bi-ner, kä cua jɛ wä luɔ̱ɔ̱c jɔk ni wi̱i̱ puɔ̱ɔ̱l kä Thi-raa. Duundɛ ɣöö thilɛ mi ŋäc Dee-bid ɛ thi̱n.
27
Kä min ci Ä-bi-ner luny kä Ɣɛb-ron, cu Yo-ab ɛ naŋ gekä ce̱t ruacɛ kɛ jɛ, ɛn wi̱ni cuɛ jɛ näk, cuɛ li̱w kɛ kui̱ riɛm Ä-tha-el däman Yo-ab.
28
Kɛ kɔrɛ mëë ci Dee-bid ɛ liŋ, cuɛ wee i̱, “Ɣän kɛ kuäärä thilɛ nɛy duer nhiam Kuɔth Nhial kɛ kui̱ riɛm Ä-bi-ner gat Ner.
29
A jɛ wä ni wi̱i̱ Yo-ab, kɛnɛ dhɔr gua̱n kɛɛliw. Kä a dhɔr Yo-ab tekɛ juey ni ciaŋ, a tekɛ löny mi jiääk, kä a tekɛ dhɔp, kiɛ ŋɔl, kiɛ ram mi na̱kɛ ko̱o̱r, kiɛ näk buɔthkɛ!”
30
Inɔ cu Yo-ab kɛnɛ däman ni Ä-bi-cay Ä-bi-ner näk, kɛ ɣöö cɛ dämandiɛn ni Ä-tha-el näk ko̱o̱r kä Gib-yon.
31
Kä cu Dee-bid Yo-ab jiök kɛnɛ nɛy diaal tin te kɛɛl kɛ jɛ i̱, “Rɛ̈tdɛ bieynikun kä la̱thɛ bieyni cuali, kä parɛ Ä-bi-ner.” Kä cu kuäär ni Dee-bid gal in kapkɛ raan guɔ̱ɔ̱r.
32
Cukɛ Ä-bi-ner kony kä Ɣɛb-ron. Kä cu kuäär wiee paarɛ Ä-bi-ner. Kä cu nɛy diaal wiee.
33
Kä cu kuäär Ä-bi-ner par kɛ rieet ti̱ti̱ wee i̱, “Ci Ä-bi-ner cu li̱w ce̱tnikɛ dɔ̱a̱r?
34
Kä /ka̱n tetku yian, kä /ka̱n ciöku dɛr, ci li̱w ce̱tkɛ ram mi ca näk ɛ wa̱a̱n.” Kä cu naath diaal rɔ̱ nyɔk kɛ wiee wi̱i̱dɛ.
35
Kä cu nɛy diaal ben kä Dee-bid ba ben com kɛ ɣöö dërɛ mi̱th a /ken ɣɔw ni cuɔ̱l. Duundɛ ɣöö cuɛ rɔ yac i̱, “Ce̱tnikɛ ciöt Kuɔth Nhial dëë li̱w mi cä duɔ̱ɔ̱r cam a /ken cäŋ ni kony!”
36
Kä cu nɛy diaal ɛ tit, kä cuɛ lɔcdiɛn nhɔk, kä min ci kuäär ɛ la̱t cu nɛy diaal ɛ nhɔk.
37
Inɔ cu nɛy diaal ɛ ŋa̱c ɛn cäŋ ëë ɛn ɣöö /ciɛ ruac kua̱r ɛ nɔ na̱kɛ Ä-bi-ner gat Nerɔ.
38
Kä cu kuäär ji̱ kɔarɛ jiök i̱, “/Ken yɛn ɛ ŋa̱c ɛn ɣöö Ci bo̱o̱th kɛnɛ ram mi di̱i̱t li̱w ɛn ni̱ni ti̱ti̱ kä I-thɛ-rɛl?
39
Ɛ jɛn ci puɔ̱nydä kɔ̱a̱cɔ ɛn walɛ, cäŋ ni mi ɣän kuäärɛ. Kɛn gaat wutdä mi cɔali Dhɛ-ru-yaa cikɛ bɛ̈c kä ɣä ɛlɔ̱ŋ. Bi Kuoth Nhial ɛ luɔ̱c riɛkdɛ ce̱tnikɛ duerɛ!”
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 4 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24