bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nuer
/
Nuer Bible © Bible Society in South Sudan 1998,2012
/
Ezekiel 27
Ezekiel 27
Nuer Bible © Bible Society in South Sudan 1998,2012
← Chapter 26
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 28 →
1
Kä cu ruac Kuɔth Nhial ben kä ɣä wëë i̱,
2
“Täämɛ, gat ran kɛt dit pärä kɛ kui̱ Dhor.
3
Bi jɛ la̱r Dhor in te thok waath in la jälkɛ köök nɛɛni tin cieŋ jɔk yiëër, ɛn ɣöö mɛmɛ larɛ Kuäär ni Kuoth Nhial wëë i̱, ‘Lö Dhor ji̱n ci jɛ lar i̱, “Ɣän di̱t gɔɔydä ɛlɔ̱ŋ.”
4
Ji̱n te këthniku ni lɔɔc yiëër, ci ta̱a̱thku ji̱ lät kä gɔɔy.
5
Kä cikɛ cääkniku diaal la̱t kɛ jiɛn ti nööŋkɛ pääm Ɛr-mon, kä cua jiɛn ŋuër wä ka̱n kä Lɛ-ba-nɔn kɛ ɣöö bakɛ ben lät ni cuutdu.
6
Kä lät kɛn lawniku, kɛ jiɛn ritni ti wa nööŋ kä Ba-can, kä ca ji̱ pap kɛ jiɛn ti gɔw ti nööŋkɛ, jɔk yiëër Ki-tim, kä ca jɛ pap kɛ tuɔ̱ŋ guɔ̱ri.
7
Kä bi̱i̱ gëru in ca tak agɔaa, kä tekɛ biɛɛl ti gööl nööŋkɛ jɛ kä I-jëp. Kä lätdɛ bä ala nyuuthdu, kä ca yacɛdu la̱t, kɛ bi̱i̱ mi yiel kɛnɛ mi do̱l ti nööŋkɛ jɔk yiëër Ɛ-li-ca.
8
Kä nɛy tin cieŋ kä Dhi-don kɛnɛ Ar-wad, kɛn kɛ gëërku. Kä nɛɛku tin kuɔ̱ɔ̱r lö Dhor, tekɛ rɛydu, kä kɛn kɛ gëërku tin ŋa̱ckɛ duɔ̱p.
9
Kä bööth Gi-bɛl kɛnɛ bel tekɛ rɛydu, diɛlkɛ kuil ro̱mä jiɛn tin ca car. Kä ria̱th diaal kɛnɛ la̱a̱tkiɛn tekɛ rɛydu, la̱tkɛ nyin köökni kɛ kuak ko̱kädu.
10
Kä ji̱ Pa-rath kɛnɛ Lud kɛ Put lätkɛ ala ji̱ rɛ̈mdu. La kɛn köötnikiɛn kɛnɛ kuɔ̱mni köör a ŋaap puɔ̱ɔ̱nydu, kɛ kɛn nɛy tin nöŋkɛ ji̱ wuɔ̱t.
11
Kä ji̱ Ar-wad kɛnɛ Ɣe-lek, tekɛ jɔk käliku kui̱ni diaal, kä te ji̱ Ga-mad wuɔ̱thni ti̱ecniku tin bär. Cikɛ göök bäärikiɛn ŋap wuɔ̱thni käliku diaal, cikɛ gɔɔydu jakä ro̱ŋ.
12
“ ‘Kä Tar-cic lätdɛ kök kɛ ji̱ rɛy kuakniku tin ŋuan. Kɛ ɣöö ti̱i̱kɛ ciɛk in bo̱r, kɛnɛ ladiit kɛ thapiɛy kɛnɛ ya̱a̱yni tëë luɛli kɛ kuak duka̱niku.
13
Kä la̱tkɛ kök kɛ ji̱ ɛ Ya-wan kɛnɛ Tu-bal kɛ Mɛ-cɛk. Kɛn la luɛlkɛ naath kɛnɛ kuak tin ca la̱t kɛ ciɛk in bo̱r kɛ kööku.
14
Kä Beth-to-gar-maa luɛlɛ kuaku kɛ jio̱o̱k tuɔ̱ruɔ̱k kɛnɛ jiöŋkööri kɛ muɔ̱li.
15
Kä ji̱ Dɛ-dan la̱tkɛ kök kɛ ji̱, kä wi̱i̱ jɔk yiëër ti ŋuan kɛ ji̱ ko̱kädu. Kä kökɛ ji̱ tuɔ̱ŋ guɔ̱ri kɛnɛ giɛɛl.
16
Lät ji̱ Ɛ-dɔm kɛ ji̱ kɛɛl, kɛ kui̱ kuakniku tin ŋuan. Kɛn luɛlkɛ ji̱ bieyni ti tekɛ biɛɛl ti gööl, kɛnɛ ti ca tak agɔaa, kɛ bi̱i̱ mi bum, kɛnɛ pääm ti di̱t kökdiɛn.
17
Kä ji̱ Juda kɛnɛ ji̱ I-thɛ-rɛl lätkɛ kɛɛl kɛ ji̱. Luelkɛ ji̱ gɛmɛ kɛnɛ liɛɛth tuar kɛ liɛɛth jiaath Ɔ-lip kɛ ji̱th ŋɔ̱nyä.
18
Kä ji̱ Da-math-kɛth lätkɛn kök kɛ ji̱ kɛ kui̱ kuakniku tin ŋuan, kɛnɛ kui̱ ŋɔaaniku tin ŋuan ti gööl, kɔaŋ in nööŋkɛ kä Ɣɛl-bon kɛnɛ miem deet.
19
Kä ji̱ Daan kɛnɛ ji̱ Ya-wan tin la ji̱ U-dhal cikɛ rɔ̱ mat lätkɛ kɛ ji̱ kɛɛl, kɛ kui̱ kuakniku tin ŋuan. Kä bikɛ ji̱ luël ladiit in ca rɔk kɛɛl, kɛnɛ wal tin ŋi̱er ŋi̱eer kɛ rɔny thokëër.
20
Kä ji̱ Dɛ-dan la̱tkɛ ji̱ kä bieyni dua̱li tin la papkɛ jio̱kni leyni.
21
Kä ji̱ Ä-rab-ya kɛnɛ ruëëc Ke-dhar diaal kɛ kɛn kööku tin nhɔki ɛlɔ̱ŋ kɛ ɣöö la kökɛ ji̱ dɛy rɔɔmni kɛnɛ rueeth rɔɔmni kɛnɛ det. Ti̱ti̱ kɛ kɛn tin la kɛn kɛ a lät kök kɛ ji̱.
22
Kä la köök Cɛba kɛnɛ Rɛɛma kök a lät kɛ ji̱ kɛɛl. Kä la luëlkɛ ji̱ wal tin ŋi̱er ŋi̱eer tin leny ti diaal kɛ gɔɔy kɛ guiy diaal tin di̱t kökdiɛn kɛnɛ da̱a̱p.
23
Kä ji̱ A-ran kɛnɛ Ka-nee kɛ E-dɛn kɛnɛ köök Cɛba kɛ A-cur kɛ Kil-mad lätkɛn kök kɛɛl kɛ ji̱.
24
Kɛn la luëlkɛ ji̱ bieyni ti mɛ̈ɛ̈k, bieyni ti yiël kɛnɛ ti tekɛ biɛɛl, kɛ karpɛtni ti tekɛ biɛɛl ti ca moc kɛ yiëëni ti ca yop agɔaa. Kɛ kɛn tɔ̱tɔ̱, cukɛ lät kɛɛl kɛ ji̱.
25
Kä babuuri ji̱ Tar-cic, jälkɛ kɔakɛ nyinku. Inɔ ca ji̱ dɛc kɛ ɣa̱a̱c ti thiɛk ɛ li̱ŋ ce̱tnikɛ riey mi ci dɛ̈c kɛ ɣa̱c rɛy yiëër.
26
Ci gëërku ji̱ gɛ̈r ni däär baar, kä ci jiɔam kuec känyä ca̱ŋ ji̱ ciël däär baar.
27
Kä bi ria̱ŋdu kɛnɛ kuaku, kɛ gëërku kɛnɛ ji̱ yiëër, kɛ la̱a̱tku diaal tin ŋa̱ckɛ la̱t, kɛ rɛmku diaal, kɛ nɛy diaal tin te rɛydu, cikɛ li̱ŋ yieer kɛ cäŋ ëë yäk kɛ babuuru.
28
Kä kɛ jɔw wi̱i̱kä gëëriku, tin ŋa̱ckɛ duɔ̱p, cuɛ wi̱i̱ jɔak yiëër lath.
29
Kä bi gëër ria̱thni diaal tin ŋa̱ckɛ duɔ̱p, ria̱thkiɛn ba̱ny piny. Kä bi gëër diaal tin ŋa̱ckɛ duɔ̱p kɛnɛ ji̱ yieer, wä cuɔ̱ŋ ni po̱mä.
30
Kä bikɛ wiee kɛ jɔw mi di̱i̱t, bikɛ ji̱ par ɛlɔ̱ŋ. Kä bikɛ wuɔ̱thkiɛn moc kɛ tup, kä bikɛ rɔ̱ daŋ rɛy ŋɛthä.
31
Kä bikɛ miemkiɛn mut kɛ kui̱du, kä bikɛ rɔ̱ moc kɛ bieyni cuali kä bikɛ ji̱ par kɛ lo̱c ti ci jiath, bikɛ ji̱ par kɛ wiee mi di̱i̱t.
32
Kä kɛ pa̱riɛn kɛ ji̱, bikɛ ji̱ röl kɛ wiee mi paar kɛn ɛ ni ji̱ latkɛn ɣöö, ɛŋa mi ca däk ce̱tkɛ Dhor, ni däär baar?
33
Kä mɔ ci kuak ko̱kädu ben raar rɛy yieer ɔ, la nɛy ti ŋuan a ro̱o̱ŋ! Kä kɛ ria̱ŋdu min di̱i̱t kɛnɛ kuak ko̱kädu tin ŋuan curi kua̱r wec muɔ̱ɔ̱n riäŋ.
34
Kä täämɛ ji̱n ci li̱ŋ ɔ rɛy baar, ci li̱ŋ ni rɛy baar in lueŋ. Kä ci kööku kɛnɛ nɛy tin te rɛydu, cikɛ li̱ŋ rɛy baar kɛ ji̱ kɛɛl.
35
Kä nɛy diaal tin cieŋ jɔk yiëër, cikɛ ga̱a̱c ɛlɔ̱ŋ kɛ ji̱. Kä kua̱rkiɛn cikɛ dual ɛlɔ̱ŋ, ci nhiamdiɛn rɔ juan.
36
Kä köök tin te rɛy dööri, kuiwkɛ kɛ kui̱du, kɛ ɣöö ci ben guutdä mi bɛc, kä bi cu thil amäni cäŋ kɛl.’ ”
← Chapter 26
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 28 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48