Habakkuk 2

Nuer Bible © Bible Society in South Sudan 1998,2012

← Chapter 1 Jump to: Chapter 3 →

1Ɣän bä ku guic ni duɔ̱ɔ̱p, bä cuɔ̱ŋ wi̱i̱ bi̱i̱kä, ɣän bä min bi Kuoth Nhial, ɛ la̱r ɣä i̱ bä lat lip, kɛ luɔc ɛ bɛ loc ni go̱o̱nydä mɔ.

2Kä cu Kuoth Nhial ɣä loc i̱, “Gɔ̱ri min ci nɛn rɛy päämni tin pat paat, dɔ̱ŋ bi ram wä jɛ kuɛn ɛ tit.

3Gɔ̱r ni jɛ piny kɛ ɣöö /ken gua̱a̱thdɛ ni ben, kä bɛ ben kɛ pɛ̈th, kä bɛ thuɔ̱k. Kä mi cɛ jääny, lipɛ, bɛ ben ɛ thuɔ̱k, /cɛ bi jääny.

4Kä nɛn ɛ, nɛy tin ji̱ dueeri /cikɛ bi tëk, kä nɛy tin ji̱ cuŋni bikɛ tëk, kɛ ɣöö ŋa̱thkɛ Kuoth.

5Kɛ thuɔ̱k kɔaŋ bathɛ raan, kä raan ɛ gua̱n liakä mi thil lɔ̱a̱ŋ. Kɛ ɣöö ce̱tdɛ nikɛ kɔ̱a̱k kɛnɛ lia̱a̱ /cikɛ ro̱ŋ. Cɛ döör diaal mat puɔ̱ɔ̱nydɛ ala nɛɛkɛ.”

6Ci nɛy diaal ti̱ti̱ rɔ mal lɛ riet jɛ kɛ pɛl a thil dual a ba jɛ jiök i̱, “Riɛk akɛ ram mi ci mi /cia̱ duŋdɛ ka̱n mi moc rɔ ria̱ŋ kɛ mac nath! A bi ku mäni nɛy bi nɛmɛ la̱t ɔ?”

7Kä /ci ji̱ ŋua̱lu rɔ̱ bi jiɛc, nɛy tin ba ji̱ pën ciaŋ? A bi ji̱n a pɛ̈cdiɛn.

8Kä kɛ ɣöö ci döör ti ŋuan pɛc, bi nɛy tin ci duɔth ji̱ pɛc, kɛ ɣöö ci nɛy ti ŋuan näk, kä ci wi̱c muɔ̱ɔ̱n däk kɛnɛ wi̱i̱, kɛ tin diaal tin cieŋ thi̱n.

9Riɛk akɛ ram mi no̱ŋ dhɔrɛ ria̱ŋ kɛ duɔ̱ɔ̱p mi duer, min lät duelɛ guäth mi loc, kɛ ɣöö ci riɛk ɛ bi jek!

10Ci nöŋ ni dhɔru pöc, kɛ däkdu kɛ nɛy ti ŋuan, ci ya̱r ni tëkdu.

11Bi wiee ni pääm pua̱a̱ny pa̱a̱ny, kä ba jɔwdiɛn gam ɛ jiɛn wecdɛ.

12Riɛk akɛ ram mi lät wec kɛ näk nath, kä yiɛthɛ ciëŋ piny kɛ nyuɔɔn!

13Kä /ciɛ Kuoth Nhial in la Ruey Ɣɔaa in leny buɔ̱mdɛ ti diaal laar jɛ mɔ ɛn ɣöö, min ca la̱t ɛ naath ɛ duŋ maac, kä min cuuc döör rɔ̱ kɛ jɛ ɛ baŋ?

14Kɛ ɣöö bi wi̱c muɔ̱ɔ̱n thia̱a̱ŋ kɛ gɔɔy ŋäcä bumä Kuɔth Nhial, ce̱tkɛ min la pi̱w yiër a thiääŋ.

15Riɛk akɛ ram mi määth ji̱ thieekädɛ kɛ kɔaŋ, min jio̱mkɛ kɔaŋ rɛy dhar amäni mi ci kɛ yɔ̱ŋ, kɛ ɣöö bɛ ta̱a̱diɛn baaŋ a thil bieyni cu guic!

16Kä bi thia̱a̱ŋ ni ji̱n kɛ pöc kɛ gua̱th wutädu. Ji̱n puɔ̱nydu bi maath kɛ kɔaŋ, kä bi yɔ̱ŋ a bi te ni baaŋ! Liɛɛr kɔŋä min te tetdä cuëëc Kuɔth Nhial a luc rɔ ji̱ ni, a bi pöc wuɔ̱tdu kuɔ̱m ni piny!

17Kä bi riɛk ëë ci lät kä ji̱ Lɛ-ba-nɔn ji̱ roc, kä bi da̱k ëë ci däk ni ley ji̱ jak kä dual, kɛ ɣöö ci nɛy ti ŋuan näk, kä ci wi̱c muɔ̱ɔ̱n däk kɛnɛ wi̱i̱, kɛ tin diaal tin cieŋ thi̱n.

18Ɛŋu mi lot kuoth pa̱a̱m jɛ kä lätdɛ raan, /cɛ lät ni ŋi̱i̱cni ka̱a̱cni? Kä dee ram mi lät jɛ, jɛ kulɛ ŋäth i̱di, kä cɛ la̱t ni kuoth pa̱a̱m mi /ci ruac!

19Riɛk akɛ ram mi jio̱k jiath i̱ keri, kä jio̱kɛ päm i̱ jiɛc rɔ! Kɛn tɔ̱tɔ̱ deekɛ nyuuth ŋun? Nɛn ɛ ca jɛ rɔth kɛ da̱a̱p kɛnɛ ciɛk in bo̱r, kä thilɛ yiëë mi te rɛydɛ.

20Kä Kuoth Nhial tëë rɛy luaakdɛ min rɛl rɔ, a ɣɔw kɛɛliw päl rɔ piny nhiamdɛ.

← Chapter 1 Jump to: Chapter 3 →