bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nuer
/
Nuer Bible © Bible Society in South Sudan 1998,2012
/
Judges 3
Judges 3
Nuer Bible © Bible Society in South Sudan 1998,2012
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 4 →
1
Täämɛ ti̱ti̱ kɛ dör tin ci Kuoth Nhial kɛ päl, kɛ ɣöö bɛ ji̱ I-thɛ-rɛl ɣɔ̱n kɛ kɛ, kɛ tin diaal tin te kä I-thɛ-rɛl tin kueckɛ ko̱r kä Kɛ-naan.
2
Lätdɛ nɔmɔ kɛ ɣöö bi ri̱c ɛmɔ ko̱r ŋa̱c kä ji̱ I-thɛ-rɛl, kɛnɛ ɣöö bɛ tin kueckɛ ko̱r ŋi̱eec kɛ ko̱r.
3
Kä dör tin ci duɔth ti̱n. Wi̱i̱ ji̱ Pi-li-thɛt da̱ŋ dhieec, kɛ ji̱ Kɛ-naan diaal, kɛnɛ ji̱ Dhi-don, kɛ ji̱ Iwi tin cieŋ pääm Lɛ-ba-nɔn, kä päm Baal-ɣɛr-mon a räth ni tuk cothä nath kä Lɛbo-ɣä-mat.
4
Tey kɛn ala ɣɔ̱ɔ̱ni ji̱ I-thɛ-rɛl, kɛ ɣöö ba ŋa̱c mi bi ji̱ I-thɛ-rɛl luëëk Kuɔth Nhial luɔ̱th, tëë cɛ luek ni gua̱ni kɛ thok Muthɛ.
5
Cu ji̱ I-thɛ-rɛl cieŋ rɛy ji̱ Kɛ-naan kɛnɛ ji̱ ɣɛ̈th, kɛ ji̱ Ɛ-mor, kɛnɛ ji̱ Pɛ-rii-dhi, kɛ ji̱ Iwi, kɛnɛ ji̱ Yɛ-buth.
6
Kä cu ji̱ I-thɛ-rɛl nyi̱er döri tɔ̱tɔ̱ kuɛn ala mänkiɛn, kä cukɛ nyieekiɛn ka̱m kɛ ala män kä gaatkiɛn. Kä cukɛ kuthkiɛn pal.
7
Cu ji̱ I-thɛ-rɛl jiäk la̱t nhiam Kuɔth Nhial, a pa̱lkɛ Kuoth Nhial Kuothdiɛn ruëëc, wa pal ni kuoth Baal kɛnɛ Ä-ce-ra.
8
Kɛ kui̱c ɛ mɔ cu Kuoth Nhial gaak ɛlɔ̱ŋ kɛ ji̱ I-thɛ-rɛl, kä cuɛ kɛ la̱th tetdä Ku-can-ric-a-tha-yim kuäär Mɛ-tho-po-ta-mia kä cuɛ ji̱ I-thɛ-rɛl kuɔ̱k ɣöö la̱t kɛ jɛ ikä kɛ run bädäk.
9
Duundɛ ɣöö mëë ci gaat I-thɛ-rɛl wiee nhiam Kuɔth Nhial, cuɛ luääk jiɛc rɛydiɛn, mi cukɛ kän. Cua ciötdɛ cɔl i̱ Ɔ-thi-nel gat Kɛ-nadh däman Ka-leb in tɔt.
10
Cu yiëë Kuɔth Nhial ben kä jɛ, kä cuɛ ji̱ I-thɛ-rɛl ruac. Cuɛ wä ko̱o̱r, kä cu Kuoth Nhial ɛ ka̱m kuäär Mɛ-tho-po-ta-mia. Kä cuɛ jɛ joc.
11
Cu piny tekɛ mal kɛ run ti jiɛn ŋuan. Kä cu Ɔ-thi-nel gat Kɛ-nadh li̱w.
12
Ɛ jɛn cu ji̱ I-thɛ-rɛl jiäk nyɔk kɛ lätni nhiam Kuɔth Nhial. Kä cu Kuoth Nhial Ɛg-lɔn kuäär Mo-ab jak kä bum kä ji̱ I-thɛ-rɛl, kɛ ɣöö ca mi jiääk la̱t nhiam Kuɔth Nhial.
13
Cuɛ rɔ mat kɛ ji̱ Am-on kɛnɛ ji̱ Ä-ma-lek kä cukɛ ji̱ I-thɛ-rɛl wä joc kä cukɛ wec nööri ji̱ Jɛ-ri-ko käp.
14
Kä cu ji̱ I-thɛ-rɛl Ɛg-lɔn kuäär Mo-ab lätikä kɛ run wäl bädäk.
15
Kä mëë ci gaat I-thɛ-rɛl wiee nhiam Kuɔth Nhial, cuɛ kɛ moc luäk. Cua E-ɣud gat Gerɔ, raan ji̱ Ben-ya-min mi cam. Cu ji̱ I-thɛ-rɛl muc jäk kä Ɛg-lɔn kuäär Mo-ab kɛ jɛ.
16
Cu E-ɣud rɔ lät kä mut mi ciw mi ciɛk kä moth. Cuɛ jɛ par rɔ̱ɔ̱th cuëëcdɛ piny bieynikɛ.
17
Kä cuɛ muc thöp Ɛg-lɔn kuäär Mo-ab. Kä Ɛg-lɔn ɛ wut mi dho̱k dho̱k.
18
Min ci E-ɣud muc thöp, cuɛ nɛy tin kap kɛ muc ku jak kä wä.
19
Cuɛ rɔ riet jɔk päämni tin ca la̱t ala kuth thieekä Gil-gal, kä cuɛ wee, “Ta̱a̱ kɛ nöp mi la̱tdä ji̱ lö kuäär.” Kä cu kuäär ɛ loc “Ɛ määth.” Kä cu nɛy diaal tin te kutdɛ jiɛɛn.
20
Kä cu E-ɣud ben kä jɛ guäth in tëë nyuurä thi̱n kä rɔa wi̱i̱ duëëlɛ guäth in kɔ̱c. Kä cuɛ jiök i̱, “Ta̱a̱ kɛ nöp kä Kuoth kɛ kui̱du.” Kä cu kuäär rɔ jiɛc wi̱i̱ kɔaamdɛ.
21
Kä cu E-ɣud mut guëëth raar rɔ̱th rɔ̱th cuëëcdɛ kɛ tet caamdɛ, kä cuɛ kuäär yiɛth ni jicdɛ.
22
Cu mut thuk jiidɛ amäni pötdɛ. Kä cu thiɔl ɛ buɔny. Kɛ ɣöö /kenɛ mut guath jiidɛ. Cu ti jiäk ben raar kɛ tharɛ.
23
Cu E-ɣud wä raar, kä cuɛ thi̱i̱k duëël nhial lëk thi̱n, kä cuɛ jɛ ga̱k rɛc.
24
Mëë cɛ jiɛn, cu la̱a̱t ben. Mëë cikɛ thi̱i̱k duëël nhial nɛn ca gäk. Cukɛ wee, “Dɔ̱ɔ̱ ja duëël cooni min te rɛc i̱.”
25
Cukɛ li̱ep amäni min ci kɛn ɛ diw i̱ ca jɛn. Kä min cɛ ŋot a /kenɛ thi̱i̱k duëël nhial lɛp, cukɛ kɛ lëëp. Ɛn wa̱nɔ cukɛ kuääriɛn jek cɛ li̱w tɔ̱ɔ̱cä piny.
26
Kä guäth in gaŋkɛ rɔ piny, ci E-ɣud rɔ ku thuŋ kual a cɛ pääm tin ca la̱t ala kuth ku thuŋ bäl barɛ rɔ ni wi̱i̱ni päämni Ɛ-pa-rim.
27
Mëë cɛ cop cuɛ kaaŋ koth wi̱i̱ni pa̱a̱m Ɛ-pa-rim. Kä cu ji̱ I-thɛ-rɛl wä piny kɛɛl kɛ jɛ wi̱ni tin te pa̱a̱m, kä bo̱o̱thɛ kɛ.
28
Kä cuɛ kɛ jiök, “Guɔ̱ɔ̱rɛ ɣä. Kɛ ɣöö ci Kuoth Nhial ji̱ tɛ̈run ni ji̱ Mo-ab la̱th tetädun.” Ɛ jɛn cukɛ jɛ guɔ̱ɔ̱r, kä cukɛ thar waŋ kiɛɛr Jɔr-dɛn gäk kä ji̱ Mo-ab, kä cuɛ thil wut mi cua pa̱l jiëth.
29
Cukɛ nɛy ti bathdɔɔri da̱ŋ wäl näk kä ji̱ Mo-ab ɛn cäŋ ëë, wutni diaal tin buɔ̱m buɔ̱ɔ̱m, cuɛ thil ram mi cu kään,
30
inɔ cu Mo-ab cu te ni tetni ji̱ I-thɛ-rɛl ɛn cäŋ ëë. Cu piny tekɛ mal kɛ run ti jiɛn bädäk.
31
Kä kɛ kɔrɛ cua Cam-gar gat Ä-naath, mëë cu nɛy ti kur bäkɛl näk kä ji̱ Pi-li-thɛt kɛ cuëëc ɣɔ̱ɔ̱k. Cuɛ ji̱ I-thɛ-rɛl lɛni luäk.
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 4 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21