bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nuer
/
Nuer Bible © Bible Society in South Sudan 1998,2012
/
Judges 7
Judges 7
Nuer Bible © Bible Society in South Sudan 1998,2012
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 8 →
1
Kä cu Gi-don kɛnɛ nɛy diaal tëë tekɛ jɛ kɛɛl jiɛɛn kɛ runwaŋ kä cukɛ pua̱t wi̱i̱ waŋ Ɣä-rod. Kä te wec ji̱ Mid-yan kui̱ caamdiɛn gekä pa̱a̱m Morɛ, rɛy lo̱o̱lä.
2
Cu Kuoth Nhial Gi-don jiök i̱, “Kɛn nɛy ti̱ti̱ ŋuankɛ ɛlɔ̱ŋ kɛ ɣöö dëë ji̱ Mid-yan la̱th tetädiɛn, amäni mi bi ji̱ I-thɛ-rɛl ɛ lar i̱, ‘Kɛ lua̱ŋda ca̱kɔ rɔ kän,’ a /ci kɛn bi liak ni ɣä.
3
Kɛ kui̱c ɛ mɔ, kuɛ lat ji̱th nath i̱, ‘Mi tëë kɛ ram mi lathɛ kɛ dual, a jɛ loc wi̱c.’ ” Cu Gi-don kɛ ɣɔ̱n. Cu nɛy ti bathdɔɔri ti jiɛn da̱ŋ rɛw wi̱cdɛ rɛw rɔ ri̱t, kä cu duɔth ni nɛy ti bathdɔɔri da̱ŋ wäl.
4
Kä cu Kuoth Nhial Gi-don nyɔk kɛ jiök i̱, “Kɛn naath ŋotkɛ kɛ ŋuan ɛlɔ̱ŋ. Naŋ nikɛ thok yiëër bäkɛ wä ɣɔ̱a̱n ji̱ ɛn wi̱ni. Kä ɛn ram ɔ bä la̱r ji̱ mɔ i̱, ‘Ram ɛ mi bɛ wä kɛɛl kɛ ji̱,’ bɛ wä kɛɛl kɛ ji̱. Kä ramɔ bä la̱r ji̱ mɔ i̱, ‘Ram ɛmɛ /cɛ bi wä kɛɛl kɛ ji̱,’ /cɛ bi wä.”
5
Cuɛ naath nööŋ pi̱i̱ni. Kä cu Kuoth Nhial Gi-don jiök i̱, “Ɛn ramɔ wä pi̱ lapɔ kɛ la̱p jiöök, läth ni jɛ kä rɔa. Kä nɛy tin bi mua̱a̱lkiɛn yiath piny kɛ ma̱th.”
6
Kä cu pek nɛɛni tin ci lap, tin theckɛ thokdiɛn pi̱ kɛ tetkiɛn, a nɛy ti kur diɔ̱k. Kä cu duɔth nath diaal maath a ca mua̱a̱lkiɛn yiath piny.
7
Kä cu Kuoth Nhial Gi-don jiök i̱, “Kɛ kɛn nɛy ti kur diɔ̱k ti ci pi̱ lap ti, bä yɛ ka̱m ji̱ Mid-yan, kä bä yɛ kän. Ku nɛy ti diaal ti̱ti̱ jak kä wä dho̱rikiɛn.”
8
Cu Gi-don duɔth ji̱ I-thɛ-rɛl diaal jäk kä dho̱rikiɛn, cuɛ päl ni nɛy ti kur diɔ̱k. Tëë cu mi̱th kɛnɛ kaaŋni ka̱n kä kɛ. Kä te wec ji̱ Mid-yan pinydiɛn rɛy lo̱o̱lä.
9
Kɛ wäär ɛmɔ cu Kuoth Nhial ɛ jiök i̱, “Jiɛc rɔ wër mäkni wec. Kɛ ɣöö cä ka̱m ji̱.
10
Kä mi duali kɛ mäk wec, wiaa kɛɛl yɛnɛ kuanydu ni Pura.
11
Bi min lat kɛnɛ wä liŋ, kɛ kɔrɛ bi rɔ cu luäŋ kɛ mi mäk i̱ wec.” Kä cuɛ wä kɛɛl kɛnɛ kuanydɛ ni Pura peek rɛmni tin te wi̱c.
12
Kɛn ji̱ Mid-yan kɛ ji̱ Ä-ma-lek kɛ nɛy diaal tin cieŋ kui̱ känyä ca̱ŋ cikɛ rɛy lo̱o̱lä thiäŋ, ce̱tkɛ nikɛ kɔryɔm kɛ ŋuan. Kä thɔ̱a̱rɔa̱a̱likiɛn /ca kɛ luäŋ kɛ kuën, ce̱tkɛ nikɛ waŋ litdä thuɔk yiëër kɛ ŋuan.
13
Kä nɛnɛ jɛ min ci Gi-don cop, tëë kɛ wut mi cu määthdɛ la̱t läk. Cuɛ wee, “Nɛn ɛ ɣän cä läk läkikä. Tëë kɛ juray raam mi can mi ci ben rɛy wecdan, cuɛ ben kä kɛmɛ, kä cuɛ jɛ da̱k piny, kä cuɛ wi̱cdɛ luɔ̱ŋ piny, inɔ cu kɛmɛ cu ria̱p.”
14
Kä cu määthdɛ jɛ loc i̱, “/Ciɛ mi dɔ̱ŋ ɛ ni ko̱r kɛ Gi-don gat Yo-ac raan I-thɛ-rɛl. Ci Kuoth ɛ ka̱m Mid-yan kɛnɛ nɛɛkɛ diaal.”
15
Mëë ci Gi-don lat läkä liŋ kɛnɛ luɔtdɛ cuɛ pal. Kä cuɛ loc kä ji̱ I-thɛ-rɛl, kä cuɛ wee, “Jiacɛ rɔ̱, ci Kuoth Nhial kɔn ka̱m ji̱ Mid-yan.”
16
Kä cuɛ nɛɛkɛ ti kur diɔ̱k dääk kä bua̱a̱n diɔ̱k, kä cuɛ tetkiɛn diaal moc kɛ kaaŋni kä cuɛ kɛ ka̱m cuɔ̱ɔ̱k a te rithni rɛydiɛn.
17
Kä cuɛ kɛ jiök, “Guɛcɛ ɣä, kä la̱tdɛ mi ce̱tkɛ mi la̱tdä mi. Mi wa̱a̱ cop peek wec, la̱tdɛ mɔ bä la̱tɔ.
18
Mi wa̱kɔ kaaŋni wä koth kɔnɛ nɛy ti te kɛɛl kɛ ɣä ti, yɛn kuɔthɛ kaaŋnikun bä pek ni wec diaal, kä rɔalɛ i̱, ‘Ɛ kui̱ Kuɔth Nhial kä ɛ kui̱ Gi-don.’ ”
19
Inɔ cu Gi-don kɛnɛ nɛy ti kur diɔ̱k tin te kɛɛl kɛ jɛ Cop peek wec gua̱a̱th in wä wäär däär, min pay gueec gua̱a̱l. Cukɛ kaaŋni koth kä cukɛ cuɔ̱ɔ̱k tin te tetnikiɛn tiath.
20
Cu bua̱a̱n da̱ŋ diɔ̱k kaaŋnikiɛn koth kä cukɛ cuɔ̱ɔ̱kiɛn tiath, rɔmkɛn rithni kɛ tet caamdiɛn, kä kooth kɛn kaaŋni tetdä cuëëcdiɛn. Kä cukɛ rɔal i̱, “Ɛ mut Kuɔth Nhial kɛnɛ Gi-don!”
21
Kä te ramɔ cuŋä guäthdɛ kui̱ni wec diaal, cu ji̱ Mid-yan rɔ bar kɛn diaal. Wiee kɛ min bar kɛ rɔ.
22
Min cikɛ kaaŋni ti kur diɔ̱k koth, cu Kuoth Nhial ji̱ Mid-yan jak kä na̱kɛ rɔ̱ kä rɔ̱. Cukɛ rɔ̱ bar nänä ni kä Beth-cita min wä kä Dhɛ-rɛ-rath, a räth ni këth A-bel-mɛ-ɣola kä Tɛ̈-bath.
23
Kä cua ji̱ I-thɛ-rɛl wä cɔl ni kä Nap-ta-li kɛnɛ A-cɛr kɛ rɛy cieŋ Ma-na-thɛ kɛɛliw, kä cukɛ ji̱ Mid-yan gur kä lɛɛr.
24
Kä cu Gi-don naath jäk kä wi̱i̱ päämni Ɛ-pa-rim diaal wee i̱, “Bia ŋakɛ ji̱ Mid-yan, kä pënɛ kɛ pi̱, nikä Beth-bara amäni Jɔr-dɛn.”
25
Kä cukɛ bööth Mid-yan da̱ŋ rɛw käp Ɔ-rɛb kɛnɛ Dheeb kä cukɛ Ɔ-rɛb näk pääm Ɔ-rɛb, kä cukɛ Dheeb näk gua̱a̱th dhi̱mä kɔaŋ Dheeb, mëë jooc kɛn ji̱ Mid-yan. Kä cua wi̱c Ɔ-rɛb kɛnɛ Dheeb nöŋ Gi-don kui̱ kiɛɛr Jɔr-dɛn.
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 8 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21