Esther 10

nyankole

← Chapter 9 Jump to:

1Omugabe Ahaswero akaragiira kushoza ensi n'ebyanga by'aha myegyeego y'enyanja.

2Mbwenu shi, eby'obushoboorozi bwe, n'eby'amaani ge, byona ebi yaakozire n'ebirikutebya ekitiinwa kingi kya Morodekai eki omugabe yaamuhaire, akamukuza, tibihandiikirwe omu Kitabo ky'eby'omu Busingye bw'abagabe ba Bumeedi na Buperisiya?

3Manya ogwo Muyudaaya Morodekai, omu kitiinwa akaba ari owa kabiri aha Mugabe Ahaswero, ari rugambwa omu Bayudaaya, kandi naasiimwa beene waabo baingi munonga, ahabw'okuba akaba ayendeza eihanga rye ebirungi, agambira abantu be boona eby'obusingye.

← Chapter 9 Jump to: