2 Thessalonians 2

Oromo Bible (Kakuu Haaraaka) - No Year

← Chapter 1 Jump to: Chapter 3 →

1Obboleeyyan tiyya, anin amma waan dhufiisa Aabboo keenna Yesus Kiristootii fi waldeennaa nu isa waliin wal waldeennuutiif isan kadhadha, “Akka yo guyyaan Aabboo ammumaa ya dhufe” jedhan, hinwareerre yokaan hinrifanne hegerii waan kana nama fage yokhaan ka barsiisuutti jedhe, yokaan nutti ergaa tana keessaatti barreesse jedhan.

3Namii tokkolleen karaa tokkolleen isan hinsobin. Haga lolii guddaan qaraa ka'ee namii hamaan aadaa hinbeenne ka fulaa ibidaatii male mullatuutti guyyaan sun hindhufuu.

4Namii dhufu sun waan namii kadhatuuf ka namii guddisu cufaa hindida. Innii waan cufaa irra ufi guddiseetti, dhaqee mana Waaqaa keessa taa'ee Waaqaa ufiin jedha.

5Waan kana cufaa akka anin adoo isan waliin jiruu isaniitti hime hinqaabatanii?

6Amma wayiitti waan kana ta'uu dhowaa, isaniilleen waan sun hinuma beettan. Yo fulaan geette hamaan sun inmullata.

7Hammeennii namii hubachuu hindandeenne sun ammaa lafa jira, ammoo haga namicha waan sun dhowwu karaa keessaa gorsaniitti wantii ta'uu malte hintaatu.

8Duuba hamaan aadaa hinqamne sun hinmullata; Aabboo Yesus ammoo hafuura afaan isaa keessaa ba'uun isa ijjeesseetti, dhufiisa isaa ka guddinnatiin lafaa isa balleessa.

9Hamaan aadaa hinqamne kaan jabeenna sheexanatiin dhufeetti mamiisa gosa hedduutii fi akeeka dhara akka hedduu tolchee,

10soba hedduun warra badu soba. Mar. roo dhugaa warra baaftu jaalachuu didaniif badan.

11Mar. roo waan kanaatiif Waaqii akka waan dhara dhugeeffatan wallaala hamtuu warraatti inerga.

12Duuba nama amma dhugaa hindhugeeffatiin, ka daba jaalatu cufaa, wallaala itti muran.

13Isan obboleeyyaan Aabboon jaalatee, akka Hafuura Qulqulloon qulqulloomtanii, dhugaatti dhugeeffatanii, baaffamtan Waaqii qaraa foohatee, yo cufaa marroo teessaniif Waaqaa galata galchuu malle.

14Waaqii oduu dansaa ta nu isaniitti haasoomneen isan yaame; wantii innii isan yaameef akka isan qooda guddinna Aabboo Yesus Kiristoo argattan.

15Tanaaf obboleeyyaan, dhugaa nu barsiisa dubbii afaantiin yokaan ergaa barreessine keessaalleetti isan barsiimne qaabadhaa jabadhaa dhaabadhaa.

16Aabboo Yesus Kiristoo fi Waaqii Abbaa keennaa, ka nu jaalatee, eebba ufiitiin jajjabeenna barabaraatii fi abdii dansaa nuu kennee,

17garaa keessan jabeessee isan kibinna, akka waan dansaa callaa dubbattanii tolchitan.

← Chapter 1 Jump to: Chapter 3 →