bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan (Tayta Diospa Wilakuynin) 2003
/
2 Chronicles 22
2 Chronicles 22
Quechuan (Tayta Diospa Wilakuynin) 2003
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 23 →
1
Rey Joram wanuykuptinnami Jerusalén runakunaqa Jorampa nunush tsurin Ocozíasta churarqan mandaqnin rey kananpaq. Nunush kaptinpis payta churarqan mayor wawqinkunata Arabia runakunawan asaltantikuna wanutsishqa kaptinmi. Tsaynöpami Judá nacioncho Jorampa tsurin Ocozías rey kayta qalaykurqan.
2
Mandayta qalaykushqan witsan Ocozíasqa kaykarqan ishkay chunka ishkay (22) watayuqmi. Payqa juk watami Jerusalénpita mandarqan. Mamanmi karqan Atalía. Atalíaqa karqan Israel nacionpa mandaqnin rey Omripa wilkanmi.
3
Jutsata rurananpaq shimita maman jatipaptinmi Ocozíasqa Acabno y Acabpa aylunkunano jutsata rurar kawarqan.
4
Tsaynöpis taytanpa yätsiqninkuna Ocozíastanami yätsirqan. Tsay yätsiqninkuna karqan Acab aylu runakunami. Tsaymi Acab y Acabpa aylunkuna rabyanätsishqanno Ocozíaspis jutsata rurar Tayta Diosta rabyanätsirqan. Tsaynöpami mözularaq kaykar wanurqan.
5
Acab aylu runakuna yätsishqanta chaskiparmi Ocozíasqa Israel nacionpa mandaqnin rey Joramwan wilanakurqan Siria nacionpa mandaqnin rey Hazaelta atacananpaq. Rey Joramqa Acabpa tsurinmi karqan. Atacananpaq awniptinmi Galaadcho kaykaq Ramot markaman soldädunkunawan aywapäkurqan. Tsaycho pelyar Siria soldädukuna rey Joramta flëchaykuptinmi
6
Jezreel markaman jampikunanpaq kutirqan. Tsaycho qeshyar jitaraptinmi rey Ocozíasqa watukuq aywarqan.
7
Joramta watukuq aywar Ocozías wanunanpaq Tayta Dios destinashqa kaptinmi höralan atipashqa Jezreelman aywarqan. Chayaykularmi Joramwan yarqupäkurqan Nimsipa tsurin Jehúwan parlananpaq. Jehútaqa Tayta Dios akrarqan Acab aylu kaqta lapanta ushakätsinanpaqmi.
8
Jehúqa Acab aylu runakunata wanurkatsir aywaykashqanchömi tinkurqan Judá autoridäkunawan y Ocozías aylu runakunawan. Paykunatapis lapantami wanutsirqan.
9
Samariacho pakaraykaptinmi rey Ocozíastapis ashitsirqan wanutsinanpaq. Nirkurmi prësu apapaykuptin Jehú wanutsirqan. Ocozíaspa awkilun Josafat Tayta Dios munashqanno kawashqa kaptinmi Ocozíasta shumaq pampapäkurqan. Tsaypitaqa Ocozías aylu runakuna manami karqantsu rey kayman yaykunanpaq.
10
Atalíaqa wawan Ocozíasta Jehú wanutsishqanta musyaykurmi reina kayta munar Ocozíaspa wawqinkunata y tsurinkunata Judácho wanutsiyta qalaykurqan.
11
Wanuykätsishqanta mayaykurmi Ocozíaspa panin Josabet juk sobrinunta y ashmaqninta juk cuartuman pakaykurqan. Tsay wamrapa jutinmi karqan Joás. Tsaynöpami Joásta mana wanutsirqantsu. Josabet karqan rey Jorampa tsurin y cüra Joiadapa warminmi.
12
Soqta watami Tayta Diospa templun cuartucho Joásta pakarätsirqan. Tsayyaqmi Atalíaqa Judá nacionpa mandaqnin reina karqan.
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 23 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36