bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan (Tayta Diospa Wilakuynin) 2003
/
2 Chronicles 32
2 Chronicles 32
Quechuan (Tayta Diospa Wilakuynin) 2003
← Chapter 31
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 33 →
1
Tayta Diosta cäsukur Ezequías lapanta ruraykaptinpis Asiria nacionpa mandaqnin rey Senaquerib Judá nacionman yaykurqan. Tsayno yaykurmi ali murallashqa markakunata atacananpaq soldädunkunawan jiruruypa tsapapäkurqan.
2
Jerusaléntapis atacananpaq Senaquerib chayashqanta musyaykurmi Ezequíasqa
3
autoridäninkunawan y soldädunkunapa capitanninkunawan wilanakurqan marka waqtancho kaq pukyukunata tsapananpaq. Lapanpis tsay yarpayla karmi
4
tsaytsika runakuna shuntakaykur pukyukunata y sekyakunatapis tsapapäkurqan. Tsayno rurapäkurqan Asiria nacionpa mandaqnin rey soldädunkunawan chayar yakuta mana tarinanpaqmi.
5
Tsaynölami juchushqa kaykaq marka murällakunata rey Ezequías altsatsirqan. Nirkurmi murälla janancho ruratsirqan rikachakuna törrikunata. Tsaynölami murälla waqtanpa mas juk murällatapis sharkatsirqan. Davidpa Markancho kaykaq Milo patak perqatapis altsatsirqan. Nirkurmi espädakunatapis y pelyar tsapakunan escüdukunatapis tsaytsikata ruratsirqan.
6
Capitankunatapis churarqan atacaptin marka runakunata mandananpaq. Marka yaykunacho kaq pläzaman qayaykatsirmi paykunata shakyätsirqan kayno nir:
7
«Asiria nacionpa mandaqnin rey atska soldädunkunawan shamuqta rikarpis ama mantsakäriytsu. Noqantsita yanapamaqnintsiqa paykunapita mas munayniyuqmi kaykan.
8
Asiria nacionpa mandaqnin reyqa soldädunkunamanmi yärakun. Noqantsimi itsanqa Tayta Diosnintsiman yärakuntsi. Paymi guërracho vincinantsipaq yanapamäshun». Rey Ezequías tsayno niptinmi mana mantsakärirqannatsu.
9
Tsay witsanmi rey Senaquerib lapan soldädunkunawan Laquis markata atacaykarqan. Tsaypitami capitanninkunata Jerusalénman kacharqan Judá nacionpa mandaqnin rey Ezequíasta y Jerusaléncho taq runakunata kayno nipäkunanpaq:
10
«Asiria nacionpa mandaqnin rey Senaqueribmi kayno nin: «Jerusaléncho corralashqa kaykarqa ¡piman yärakurtaq yarpapäkunki pipis mana vincishunaykipaq kashqanta!
11
¿Manaku tantiyakärinki rey Ezequías nishqanta cäsukur yarqaypita y yakunaypita ushakänaykipaq kashqanta? « Tayta Diosnintsimi salvamäshun» nishushpaykiqa lulapaykäshunkimi.
12
¿Manaku tsay Diosnikipa altarninkunata Ezequías juchutsishqa? ¿Manaku nishushqanki juk altarlachöna inciensuwan qoshtatsir lapayki adorapäkunaykipaq kashqanta?
13
« «Qamkuna ¿manaku musyanki Asiria nacionpa mandaqnin reykuna maytsay nacionkunatapis vincipäkushqanta? Tsay nacionkunapa diosninkuna manami mayqanpis makïkunapita salvashqatsu.
14
Mayqan nacionpa diosninkuna noqakunapa makïpita mana salvaykaptinqa ¡imanötaq qamkunapa Diosnikipis makïpita salvashunki!
15
Ezequías engañashuptiki ama criyipäkuytsu. Noqa ushakätsishqä nacionkunata diosninkuna manami salvashqatsu. Tsaynölami Asiria nacionpa wakin mandaqnin reykuna ushakätsishqan nacionkunatapis diosninkuna mana salvashqatsu. Tsayno kaykaptinqa Diosnikipis makïpita manami salvashunkipaqtsu» ».
16
Asiria nacionpa mandaqnin rey kachashqan capitankunaqa mastapis Tayta Diospa contran y Diospa sirviqnin rey Ezequíaspa contran rimapäkurqan.
17
Tsaynölami Israel runakunata kuyaq Tayta Diospa contran qelqarkur rey Senaquerib cartata apatsirqan. Tsay cartachömi kayno nirqan: «Wakin nacionkunapa diosninkunaqa makïpita manami salvashqatsu. Tsaynölami Ezequíaspa Diosninpis makïpita mana salvashunkipaqtsu».
18
Senaquerib kachashqan capitankuna hebreo idiömacho qayaraypa tsayno nipäkurqan Jerusalén markapa murällan janancho kaykaq runakunata mantsakarkatsir markaman fácil yaykapäkunanpaq.
19
Tsay capitankunaqa Jerusalén runakuna yärakushqan Tayta Diospa contran rimapäkurqan wakin nacionkunacho runa rurashqan dioskunano kashqanta yarparmi.
20
Tsaymi rey Ezequías y Amozpa tsurin profëta Isaías Tayta Diosta manakurqan yanapananpaq.
21
Tsawraqa juk angilninta Tayta Dios kachamurqan Asiriapita shamuq soldädukunata y capitankunata ushakätsinanpaq. Ushakätsiptinmi Asiriapita shamuq reyqa pasaypa penqaytukushqa nacionninman kutikurqan. Nacionninchönami diosninpa templunman yaykuriptin kikinpa tsurinkunala espädankunawan wanutsirqan.
22
Tsaynöpami Jerusaléncho taq runakunata y rey Ezequíasta Tayta Dios salvarqan Asiria nacionpa mandaqnin rey Senaqueribpita y wakin contrankunapitapis. Tsayno salvaptinmi Israel runakuna nawpancho kaykaq nacionkunawan jawkana kawapäkurqan.
23
Tsaypita patsami Judá nacionpa mandaqnin rey Ezequías maytsay nacionkunachöpis respitashqa karqan. Tsaymi atska runakuna rey Ezequíaspaq regälukunata Jerusalénman apapäkurqan y Tayta Diospaq ofrendakunatapis apapäkurqan.
24
Tsay witsanmi rey Ezequías pasaypa antsa qeshyar Tayta Diosta manakurqan aliyätsinanpaq. Manakuptinmi juk milagruta rurarqan aliyätsinanpaq kashqanta tantiyatsinanpaq.
25
Aliyaykätsiptinpis Ezequíasqa agradëcikunanpa trukan orgullösumi rikakurqan. Tsayno kashqanpitami Tayta Dios pasaypa rabyakurqan Ezequíaspita, Judá nación runakunapita y Jerusalén runakunapita.
26
Tayta Dios rabyakushqanta tantiyarmi Ezequías orgullösu kashqanpita Jerusaléncho taq runakunawan perdonta manakurqan. Tsaymi Ezequías kawashqan witsanqa Judá nación runakunata Tayta Dios mana castigarqantsu.
27
Ezequíasqa pasaypa rïcu karmi pïmaypitapis reqishqa y respitashqa kawarqan. Payqa karqan atska qellayyuq y qoriyuqmi. Tsaynöpis paypa karqan atska kuyaylapaq ruminkuna, perfüminkuna, escüdunkuna y tukuy niraq chanin cuestaq kaqkunapis.
28
Tsaynölami mikuy churakuna wayikunata sharkarkatsir tsayman churatsirqan tsaki mikuyta, vïnuta y aceitita. Tsaynöpis ruratsirqan uywakuna pununanpaq ramädakunata y uyshakuna punukunan kunchakunatapis.
29
Tsaynölami markakunatapis sharkatsirqan. Tayta Diospa bendicionninwan pasaypa rïcuyaptinmi atska wäkankuna, uyshankuna y cabrankunapis karqan.
30
Tsaynöpis Ezequíasqa tünilta ruraykurmi Gihón pukyupita yakuta chayatsirqan Davidpa Markanyaq. Tsay yakuta chayatsirqan markaman inti jeqanan kaq lädupami. Ezequías rurashqankunaqa lapanpis alimi karqan.
31
Judá nacioncho milagru pasashqanta musyamunanpaqmi Babiloniapita patsa mandaq runakuna kachakunata kacharqan Ezequíasman. Chayaykuptinmi Ezequíasta Tayta Dios kacharirqan payta lapan shonqunwan cäsukushqanta o mana cäsukushqantapis musyayta munashpan.
32
Ezequías imata rurashqanpis y Tayta Diosman imano yärakushqanpis qelqaraykan Amozpa tsurin profëta Isaías qelqashqan libruchömi. Tsaynöpis qelqaraykan Judá nacionpa y Israel nacionpa mandaqnin reykunapa acta librunchömi.
33
Ezequías wanuykuptinnami Davidpa aylunkuna pamparaykashqan panteoncho mas alinnin kaq partiman pampapäkurqan. Jerusaléncho taqkuna y Judá runakuna Ezequíasta ali pampapäkurqan. Ezequíaspa trukannami tsurin Manasésna rey karqan.
← Chapter 31
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 33 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36