bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan (Tayta Diospa Wilakuynin) 2003
/
2 Chronicles 4
2 Chronicles 4
Quechuan (Tayta Diospa Wilakuynin) 2003
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 5 →
1
Tsaynölami bronci altartapis Salomón ruratsirqan. Tsay altarpa largunmi karqan isqun metru, anchunpis karqan isqun metru y altunnami karqan chusku metru pulan.
2
Tsaynöpis yakuta shuntananpaq ruratsirqan broncipita fundiypa lamar nishqan jatunkaray redondu lavatoriuta. Tsay lavatoriupa anchun karqan chusku metru pulan. Altunnami karqan ishkay metru 25 centïmetru. Kuchunta tumariq tupuptinmi karqan chunka kimsa metru pulan (13.5).
3
Lavatoriupa shimin ura lädunpami ishkay fïla tumariq broncipita rurashqa törukuna karqan. Cada pulan metruchömi chunka törukuna karqan. Tsay törukuna lavatoriuwan juk piëzalami karqan.
4
Tsay lavatoriutami jamatsirqan chunka ishkay broncipita rurashqa törukuna jananman. Kimsa törukuna rikaraykarqan inti jeqamunan kaq lädupa, kimsa kaqna rikaraykarqan inti jeqanan kaq lädupa, kimsa kaqna rikaraykarqan norti kaq lädupa y kimsa kaqna rikaraykarqan sur kaq lädupa. Tsay törukunaqa lapanpis siki sikimi karqan. Lavatoriunami törukunapa janancho jamaraykarqan.
5
Tsay lavatoriuqa pusaq centïmetru raktami karqan. Shiminqa karqan liriu wayta pashtaraykaq niraqmi. Tsay lavatoriuman yaku juntaq soqta chunka soqta waranqa (66,000) litrumi.
6
Tsaynölami broncipita ruratsirqan chunka taksha lavatoriukunatapis. Tsay lavatoriukunacho kaykaq yakuwanmi sacrificiukunata rupatsinanpaq lapanta maylapäkuq. Pitsqa lavatoriu churararqan altar alawqa kaq nawpanpa y pitsqa kaqna churararqan altar itsuq kaq nawpanpa. Jatun kaq lavatoriucho winaraq yakuwanmi itsanqa cürakuna maylakuq.
7
David yätsishqannölami chunka candelabrukunatapis qoripita rurarkatsir templuman churatsirqan. Pitsqa kaqta churatsirqan alawqa kaq nawpanman y pitsqa kaqtana churatsirqan itsuq kaq nawpanman.
8
Tsaynölami chunka mësakunata rurarkatsir templuman churatsirqan. Pitsqa kaqta alawqa kaq nawpanman churatsirqan y pitsqa kaqtana churatsirqan itsuq kaq nawpanman. Tsaynöla pachak (100) tazonkunatapis qoripita ruratsirqan.
9
Juk patiuta ruratsirqan cürakuna juntakänanpaq y juk mas jatun patiutana ruratsirqan común runakuna juntakänanpaq. Cada patiupa punkuntami bronciwan enchapatsirqan.
10
Tsay jatun lavatoriutana churatsirqan templupa alawqa kaq esquïnanman. Tsay esquïnaqa inti jeqamunan kaq lädupami karqan.
11
Tsaynöpis Hiram rurarqan mankakunata, tenäzakunata y tazonkunata. Salomón minkakushqannölami Hiramqa Tayta Diospa templuncho kananpaq lapanta rurarqan.
12
Tsay rurashqankuna kaynömi karqan: ishkay columnakuna, columnakunapa puntancho adornunkuna, columnakunapa cada adornuncho tukupa nawintano rurashqa ishkay adornukuna,
13
tsay adornupita waqiraykaq chusku pachak (400) granädakuna (tsay granädakunata rurarqan ishkay fïla warkaränanpaq),
14
chunka carrëtakuna, carrëtakunapaq chunka lavatoriukuna,
15
chunka ishkay törukuna, törukuna jananman jamananpaq lamar nishqan jatun lavatoriu,
16
mankakuna, palëtakuna y jatun tenedorkunapis. Lapan tsaykunatami Tayta Diospa wayinpaq rey Salomón nishqannöla broncipita chipchipyaykaqta Hiram-abi rurarqan.
17
Mituwan moldita ruraykurmi tsaykunata fundirqan Sucotwan Saretán markakuna tinkuqcho. Tsayqa karqan Jordán mayu nawpan pampachömi.
18
Broncipita rurashqan manëjukuna tsaytsika kaptinmi ayka broncita gastashqantapis Salomón pësatsirqannatsu.
19
Tsaynölami Tayta Diospa templunman churapäkunanpaq wakin manëjukunatapis Salomón ruratsirqan. Tsay manëjukunaqa kaynömi karqan: qoripita altar, tanta churakuna qoripita mësakuna,
20
qoripita rurashqa candelabrukuna (tsay candelabrukunata Lugar Santïsimupa frentinmanmi churatsirqan David yätsishqanno ratatsinanpaq),
21
wayta niraq adornukuna, mechërukuna, qoripita rurashqa tenäzakuna,
22
mëchapa liptanta jorqunanpaq taksha alicätikuna, tazonkuna, wishlakuna, inciensu qoshtatsikuna, Lugar Santïsimuman yaykuna punkupa bisagrankuna y templu punkupa bisagrankunapis. Lapan tsaykunaqa qoripita rurashqami karqan.
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 5 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
Recommended Reading
Commentary
2 Chronicles Commentaries
→
Devotional
2 Chronicles Devotional Guide
→
Get This Bible
Quechuan (Tayta Diospa Wilakuynin) Study Bible
→