bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan (Tayta Diospa Wilakuynin) 2003
/
Acts 15
Acts 15
Quechuan (Tayta Diospa Wilakuynin) 2003
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 16 →
1
Tsay witsanmi Judeapita Antioquíaman aywaykur wakin runakuna wawqikunata yachatsirqan kayno nir: « Moisés qelqashqan leykuna nishqanno mana señalakurqa manami salvakärinkitsu».
2
Tsayno yachatsiptinmi Pablo y Bernabé paykunawan fiyupa rimanakurqan. Tsawraqa Antioquía wawqi panikuna wilanakurkur Pabluta, Bernabéta y wakin wawqikunata Jerusalénman kacharqan apostolkunata y mayor wawqikunata tsay asuntupita tapukamunanpaq.
3
Jerusalénpa aywaqno Feniciapa y Samariapa pasarmi wawqi panikunata wilapäkurqan mana Israel runakunapis Jesucristuta chaskikärishqanta. Tsayno wilapaptinmi lapanpis kushikärirqan.
4
Jerusalénman chayaptinnami apostolkuna, mayor wawqikuna y lapan wawqi panikunapis paykunata kushishqa chaskikärirqan. Tsaypitanami Pablo y Bernabé wilaparqan markan markan puriptin Tayta Dios yanapashqanta.
5
Tsawraqa Jesúsman yärakuq wakin fariseukuna contran sharkur kayno nipäkurqan: «Jesústa chaskikurpis mana Israel runakunaqa señalakäritsun y Moisés qelqashqan leykunata cumplipäkutsun».
6
Tsayno niptinmi apostolkuna y mayor wawqikuna juntakaykur wilanakurqan.
7
Tsaycho atska höra rimanakuptinmi Pedro sharkurkur kayno nirqan: «Wawqikuna, musyapäkunkimi mana Israel runakuna Jesucristuman manaraq yärakuptin wilakuyninta wilapänäpaq Tayta Dios akramashqanta.
8
Tayta Diosqa musyanmi runapa shonqun imata yarpashqantapis. Paymi rasunpa criyipäkushqanta musyatsimänantsipaq noqantsiman kachamushqanno paykunamanpis Espíritu Santuta kachamushqa.
9
Tsaynöpami musyantsi Jesucristuman yärakuq kaqtaqa Israel runa kaptinpis mana Israel runa kaptinpis shonqunkunata purificar Tayta Dios salvashqanta.
10
«Tsayno kaykaptinqa ¿imanirtaq Tayta Diosta rabyanätsir discïpulukunata nipäkunki Moisés qelqashqan leykunata cumplinanpaq kashqanta? Tsay leykunataqa unay ayluntsikunapis ni kikintsipis manami cumpliyta kamäpakushqantsitsu.
11
Israel runa kaptintsipis mana Israel runa kaptintsipis Señor Jesucristo kuyapämashpantsimi salvamantsi».
12
Pedro tsayno niptinmi tsaycho kaq runakuna upälakurqan. Tsaynami Pablo y Bernabé wilaparqan mana Israel runakuna kaqchöpis milagrukunata rurananpaq Tayta Dios yanapashqanta.
13
Tsayno wilapayta usharkuptinmi Santiago kayno nirqan: «Wawqikuna, mayapäkamay.
14
Simónmi wilamashqantsi mana Israel runakunata wilapaptin Tayta Dios salvashqanta.
15
Tsayno kananpaqmi profëtakuna qelqashqanchöpis kayno niykan:
16
« «Tsaypita kutimurmi Davidpa juchushqa wayinta yapay sharkatsishaq. Unay kashqanno yapay kananpaqmi juchushqa kaqkunata altsashaq.
17
Tsayno rurashaq lapan runakuna ashimänanpaqmi. Noqa akrashqä mana Israel runakunapis noqamanmi yärakärimanqa.
18
Noqa Tayta Diosmi tsayno nï. Tsayno kananpaq unaypita patsami musyatsirqä».
19
«Tsayno niptinmi noqa kayno nï: Mana Israel runakunapis Jesucristuman yärakuptin ama ima tsapatapis churapäshuntsu.
20
Tsaypa trukanqa cartata apatsishun ïdulukunapa jutincho pishtashqan aytsata mana mikupäkunanpaq, fornicación jutsata mana rurapäkunanpaq, wanushqa uywakunapa aytsanta mana mikupäkunanpaq y uywapa yawarnintapis mana mikupäkunanpaq.
21
Tsaykunata cumplinanpaqqa unaypita patsami Moisés qelqashqan leykunata cada markacho yacharkaykätsin. Tsaynöpis cada jamay junaqmi sinagögakunacho liyirkaykan».
22
Tsayno niptinmi apostolkuna, mayor wawqikuna y lapan wawqi panikunapis kushikärirqan. Tsaymi ishkay wawqikunata akrarqan Pablo y Bernabé Antioquíaman kutiptin yanaqänanpaq. Tsay wawqikunami karqan Judas y Silas. Judaspa jukaq jutinmi karqan Barsabás. Judasta y Silastaqa lapan wawqi panikunami shumaq respitapäkuq.
23
Paykuna apashqan cartachömi kayno nirqan: Antioquíacho, Siriacho y Ciliciacho kaykaq mana Israel wawqi panikuna, qamkunapaqmi apostolkuna, mayor wawqikuna y Jerusaléncho kaykaq wawqi panikunapis kay cartata aparkaykätsimü. Salüdükunatami qamkunapaq aparkaykätsimü.
24
Noqakuna musyashqä wakin wawqikuna Jerusalénpita shamur lutankunata yachatsir qamkunata lakikatsishushqaykitami. [Paykunaqa nirkaykan Moiséspa leyninta cumplir señalakärinaykipaq kashqantami.] Paykunataqa manami noqakuna kachamushqätsu.
25
Tsayta musyarmi lapanï wilanakurkur kuyay wawqintsi Pabluwan y Bernabéwan ishkay wawqikunata kachaykämü.
26
Pabluwan Bernabéqa wanuytapis mana mantsakuypami Señornintsi Jesucristupa wilakuyninta wilakurkaykan.
27
Paykunawanmi Judasta y Silasta kacharkaykämü kay cartacho qelqamushqäkunata tantiyatsishunaykipaq.
28
Manami noqakunapis ni Espíritu Santupis qamkunata obligapäkütsu Moisés qelqashqan leykunata cumplipäkunaykipaq.
29
Itsanqa ïdulukunapa jutincho pishtashqan aytsata, wanushqa uywakunapa aytsanta y uywapa yawarninta ama mikupäkuytsu. Tsaynöpis fornicación jutsata ama rurapäkuytsu. Kay nishqäkunata cumpliptikiqa alimi kanqa. Aywalä.
30
Despachaptinmi Judas y Silas Antioquíaman chayashpan wawqi panikunata shuntaykur apashqan cartata entregarqan.
31
Tsay cartata liyiparkuptinmi lapan kushikärirqan.
32
Judaspis y Silaspis profëta kashpanmi tukuynöpa tantiyatsir wawqi panikunata shakyätsirqan.
33
Tsaycho atska junaq qoyarkuptinnami Tayta Diosta manakurir wawqi panikuna despacharqan Jerusalénman kutikärinanpaq.
34
[Tsayno kaptinpis Silasqa tsaychömi quëdakurqan.]
35
Pabluwan Bernabépis Antioquíacho quëdakärishpanmi Jesucristupa ali wilakuyninta wakin wawqikunawan yachatsipäkurqan.
36
Tsaypita atska killatanami Bernabéta Pablo kayno nirqan: «Jesucristupa wilakuyninta wilakushqantsi markakunaman kutishun wawqi panikuna imano kaykashqantapis musyamunantsipaq».
37
Bernabémi Marcos nishqan Juanta pushayta munarqan.
38
Pablumi itsanqa apayta munarqantsu, Panfiliapita kachariykur kutikamushqa kaptin.
39
Tsaymi Pabluqa Bernabéwan pasaypa rimanakur rakikarqan. Bernabémi Marcusta pushakurkur büquiwan Chipriman aywakurqan.
40
Pablunami yanaqänanpaq Silasta akrarqan. Wawqi panikuna Tayta Diosta manakurkur kachaptinmi paykunapis aywakärirqan.
41
Siria y Cilicia provinciakunacho markakunaman chayarmi Pablo y Silas wawqi panikunata shakyätsirqan.
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 16 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28