bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan (Tayta Diospa Wilakuynin) 2003
/
Isaiah 1
Isaiah 1
Quechuan (Tayta Diospa Wilakuynin) 2003
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 53
Chapter 54
Chapter 55
Chapter 56
Chapter 57
Chapter 58
Chapter 59
Chapter 60
Chapter 61
Chapter 62
Chapter 63
Chapter 64
Chapter 65
Chapter 66
Chapter 2 →
1
Kaychömi qelqaraykan Judá nacioncho y capitalnin Jerusaléncho taykaq runakunapaq Amozpa tsurin Isaíasta Tayta Dios revelashqan. Tsaykunata Tayta Dios revelarqan Judá nacioncho Uzías, Jotam, Acaz y Ezequías rey kashqan witsanmi.
2
Jana patsapis, kay patsapis, mayapäkuy. Tayta Diosmi kayno nin: «Awkisyashqanyaqmi wamräkunata kuyar ashmashqä. Awkisyarkurnami conträ rikakushqa.
3
Törupis ämunta reqinmi. Bürrupis maycho ämun qarashqanta musyanmi. Kuyashqä Israel runakunami itsanqa ashmashqätapis mana tantiyakärintsu».
4
¡Wawalaw jutsasapa runakuna, imanöraq kanki! Qamkunaqa jutsalatami rurarkaykanki. Jutsa ruraylatami taytaykipis yachatsipäkushunki. Lutan ruraq runakuna karmi Tayta Diosta mana cäsukärinkitsu. Israel runakunapa santu Diosnintami rabyatsishqanki.
5
¿Imanirtaq mas castigashunaykita munarkaykanki? ¿Imanirtaq kananyaqpis mana cäsukuq karkaykanki? Tsayjina castigaptïmi umayki rachishqa kaptin juiciuykipis mana kantsu.
6
Chaki puntaykipita uma pukshuykiyaq pasaypa rachishqalami karkaykanki. Intëru cuerpuykipis qerilanami, qoyuylami y esquywan jakashqami kaykan. Manami pipis jampishushqankitsu ima jachalawanpis ni emplastuta churapäshushqankitsu. Nanaykäshushqayki pasananpaq aceitilatapis manami winapäshushqankitsu.
7
Nacionnikipis chunyaqmi rikakushqa. Markaykikunatapis rupatsirmi ushashqa. Rikarpaykaptikimi murushqaykitapis jäpa runakuna apakärin. Juk lädu nacionpita shamurmi imaykaykikunatapis tarishqan kaqta ushakätsin.
8
Siónqa üva chakracho y melón chakracho tsuklanömi rikakushqa. Soldädukuna jiruruypa tsapashqa markano kaptinmi pïninpis yanapananpaq mana kantsu.
9
Lapanta mandaq Tayta Dios juk ishkaylatapis kawaykaqta mana kachamaptintsiqa Sodomano y Gomorranömi ushakashwan karqan.
10
Sodoma autoridäno kaqkuna, Tayta Dios nishqanta kanan mayapäkuy. Gomorra runakunano kaqkuna, Tayta Diosnintsi yachatsishushqaykita cäsukäriy.
11
Tayta Diosmi kayno nin: «¿Imapaqnataq tsaytsika sacrificiukunata altarcho rupatsinki? Carnikunata sacrificiupaq rupatsiptiki ajayashqanami kaykä. Uywakunapa wiranta altarcho rupatsiptiki ajayashqanami kaykä. Manami munätsu törukunapa, uyshakunapa ni chïvukunapa yawarninta jichar sacrificiupaq rupatsishqaykita.
12
¿Imapaqnataq nawpämanpis shapäkamunki? ¿Pitaq nishushqanki templu patiutapis qanratar shapäkamunaykipaq?
13
Tsaki mikuy ofrendakunatapis ¿imapaqnataq apapäkamunki? Apamuptikipis manakaqlapaqmi kanqa. Inciensuwan qoshtatsishqaykipis melanätsimanmi. Lulu killa fiestata rurashqaykipis, jamay junaqcho jamashqaykipis y wata wata juntakaykur fiestakunata rurapäkushqaykipis jutsata ruraptikiqa manami gustamantsu.
14
Lulu killa fiestata rurashqaykitapis y wata wata fiestakunata rurashqaykitapis pasaypanami ajayashqä. Tsaykunata rikaytapis manami munänatsu.
15
Makikita joqarkur manakärimaptikipis juk lädupami tikrakurishaq. Yaparir yaparir manakärimaptikipis manami wiyashaykitsu. Qamkunami runakuna wanunanpaqpis jutsayuq karkaykanki.
16
«¡Lushuk lushuk kanaykipaq armakäriy! ¡Lutan ruraykunata kachapäkuyna! Mana alikunata ama rurapäkuynatsu.
17
Tsaypa trukanqa alitana rurapäkuy. Demandukunata shumaq juzgapäkuy. Nakaqkunata yanapay. Waktsakuna quejakushqanta shumaq arreglapäkuy. Viüdakunatapis yanapay».
18
Tayta Diosmi kayno nin: «Jutsata rurashqaykita perdonanäpaq kanan parlashun. Jutsaykikuna pukano kaptinpis rajunöraqmi yoraq kankipaq. Granätiman tinishqano kaptinpis yoraq milwanöraqmi kankipaq.
19
Nishqäta cäsukurqa chakraykicho mikuy wayuqtapis alinnin kaqtami mikupäkunkipaq.
20
Mana cäsukuq kashpaykimi itsanqa guërracho espädawan wanupäkunkipaq». Tayta Diosmi tsayno nin.
21
Jerusalén marka, Diosta cäsukuq kaykarqa ¿imanöpataq wayrapakuq warmino rikakushqanki? Wayrapakuq warmi atska runawan kakushqannömi qampis atska dioskunata sirvishqanki. Nawpataqa leynïkunata cäsukur pïmaytapis yanaparmi kawarqayki. Kananqa wanutsikuqmanmi tikrashqanki.
22
Ali qellayno kashqa karpis kananqa mana väliq qellaynömi kaykanki. Ali vïnuno kashqa karpis kananqa yakun yapashqa vïnunömi kaykanki.
23
Autoridänikikunapis Tayta Diosta manami cäsukärintsu. Suwakuqkunata jananparmi sobornuta chaskipakun. Ima demandulatapis arreglananpaqmi cobrapäkun. Waktsakunata manami respitatsintsu. Viüdakuna demandakuptinpis manami cäsupäkuntsu.
24
Tsaymi lapanta mandaq Tayta Dios kayno nin: «Aläpanami rabyatsimashqanki. Mana cäsukamaq kaqtaqa lapaykitami castigashayki. Conträ sharkuq kaqtaqa lapaykitami ushakätsishayki.
25
Makïtaqa lapaykimi apapäkunkipaq. Qanra kashqaykitapis lijyawan maylaqnömi maylashayki. Limpiu kanaykipaq lapan qanraykitami jorqushaq.
26
«Tsaymi unay jueznikikuna ali kashqanno kananpis ali jueznikikuna kanqa. Tantiyatsishuqnikikunapis unay kashqannömi kananpis ali kanqa. Jerusalénpaq kaynömi nipäkunqa: «Jerusalénchöqa ali ruraq runakunami karkaykan. Tsaychöqa Tayta Dios munashqannömi kawarkaykan» ».
27
Promitishqannölami Sión runakunata Tayta Dios salvanqa. Jutsa rurashqanta kacharir cäsukuptinqa paykunata manami ushakätsinqanatsu.
28
Mana cäsukuqkuna y jutsata ruraqkunami itsanqa wanupäkunqa. Tayta Diosta mana cäsukuqkunaqa lapanmi ushakanqa.
29
Jerusalén runakuna, encina yörakuna sikincho y huertakunachöpis ïdulukunata adorashqaykipitami penqakärinkipaq. Kuyashqayki ïdulukunata adorapäkushqaykipitami penqakur pukayashqa uysurankipaq.
30
Tayta Dios castigashuptiki qarwashtaykaq encina yörano y yakunpita tsakiykaq huertanömi kankipaq.
31
Tsaki oqshata nina ushashqannömi kalpayuq runatapis Tayta Dios ushakätsinqa. Nina imatapis rupar ushashqannömi lapan rurashqantawan tsay runata ushakätsinqa.
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 53
Chapter 54
Chapter 55
Chapter 56
Chapter 57
Chapter 58
Chapter 59
Chapter 60
Chapter 61
Chapter 62
Chapter 63
Chapter 64
Chapter 65
Chapter 66
Chapter 2 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66