bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan (Tayta Diospa Wilakuynin) 2003
/
Isaiah 30
Isaiah 30
Quechuan (Tayta Diospa Wilakuynin) 2003
← Chapter 29
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 53
Chapter 54
Chapter 55
Chapter 56
Chapter 57
Chapter 58
Chapter 59
Chapter 60
Chapter 61
Chapter 62
Chapter 63
Chapter 64
Chapter 65
Chapter 66
Chapter 31 →
1
Tayta Diosmi wamrankunata kayno nin: «Wawalaw mana cäsukuqkuna, ¡imanöraq kanki! Tapukamänaykipa trukan kikikikunapa yarpaynilaykitami rurarkaykanki. Mana niykaptïmi jäpa runakuna yanapashunaykipaq wilanakurkaykanki. Tsayno rurarmi jutsa rurashqayki jananman mas jutsata rurarkaykanki.
2
Mana tapukamaylapami Egiptupapis aywarkaykanki. Yanapashunaykipaq Faraónman ruwakuq aywarmi Egipto runakunaman yärakurkaykanki.
3
Faraónman yärakushqaykipis manakaqlapaqmi kanqa. Egiptuman amparakurpis penqaytukushqami uysurpankipaq.
4
«Zoán markaman autoridänikikuna chayaptinpis y Hanes markaman kachashqayki runakuna chayaptinpis
5
lapaykimi tsay mana väliq nacionman yärakushqaykipita penqakärinkipaq. Nistashqayki höra manami imalachöpis yanapashunkipaqtsu. Tsaymi ima ruraytapis mana kamäpakur pasaypa penqaytukushqa kankipaq».
6
Kaychömi qelqaraykan Tayta Dios revelashqan. Kay revelación kaykan Neguevcho kaykaq uywakunapitami. «Egiptuman aywaqkuna mantsakuypaq chunyaq tsaki jirkapa pasaypa nakarmi aywarkaykan. Tsaychöqa leonkunapis y venënuyuq culebrakunapis kanmi. Bürrunkunawan riquëzan cargashqa y camëllunkunawan alhäjankuna cargashqami aywarkaykan. Egipto runakunapaq päguta apaptinpis manami yanapanqatsu.
7
Yanapananpaq awnirpis manami cumplinqatsu. Tsaymi tsay Egipto nacionta kayno nishqä: «Mana väliq alqu» ».
8
Isaíastami Tayta Dios kayno nirqan: «Kanan aywar tsay revelashqäta runakunapa nawpancho taksha tablaman qelqay. Watakuna pasaptinpis nishqäkunata musyapäkunanpaq röllumanpis shumaq qelqay. Tsayta rikarmi nishqäta imaypis yarpanqa».
9
Kay nación runakunaqa mana cäsukuq y lulami karkaykan. Tayta Diospa yachatsikuyninkunatapis manami cäsukuyta munapäkuntsu.
10
Profëtakunatami kayno nipäkun: «Rikashqayki revelacionta ama wilapämaytsu». Tsaynöpis kaynömi nipäkun: «Rasun kaqta ama musyatsimaytsu. Tsaypa trukanqa kushikunäpaq kaqkunalata wilapämay.
11
Tayta Dios nishqankunata amana wilapämaynatsu. Paypa wilakuyninta amana nipäkamaynatsu. Israel runakunapa santu Diosninpita amana parlapämaynatsu».
12
Tsayno nipäkuptikimi Israel runakunapa santu Diosnin kayno nin: «Wilakatsishqäta mana cäsukurmi lutan ruraykunalaman y engañakuq kaylaman umayki churakashqa karkaykanki.
13
Tsayno kapäkushqaykipitami altu perqa juchur ushakashqanno elaqpita ushakankipaq.
14
Tsaynöpis pasaypa shalushqa puyñunömi rikakunkipaq. Shalushqa puyñuqa manami yakuta winanalanpaqpis ni ninata apanalanpaqpis välintsu. Tsaynölami qamkunaqa imapaqpis mana välinkitsu».
15
Israel runakunapa santu Tayta Diosninmi kayno nin: «Lakishqa kawapäkunaykipa trukanqa noqaman yärakamay. Tsayno yärakamaptikiqa ali kawapäkunaykipaqmi yanapashayki». Tayta Dios tsayno niykaptinpis qamkunaqa manami cäsukärishqankitsu.
16
Tsaypa trukanqa kaynömi nipäkushqanki: «Manami Tayta Dioslamantsu yärakärishaq, sinöqa Egipto runakunamanpis yärakärishaqmi. Egipto runakuna mana yanapamaptinqa cawallükunata muntakurkurmi qeshpikärishaq». Nishqaykinölami contraykikuna atacashuptiki rasunpa qeshpipäkunkipaq. Kaynöpis nipäkushqankimi: «Ali cörriq carrëtaman witsarkurmi qeshpikärishaq». Tsayno niptikipis contrapartikikunaqa qatikachäshunkipaq.
17
Juk runalami waranqa (1,000) runakunata qatikachäshunkipaq. Pitsqa runakunalami lapaykita qatikachäshunki. Tsaymi jirkacho juk ishkay qeru ichiraykaqnöla rikakärinki.
18
Tayta Diosman yärakuyta mana munaptikipis kuyapäkuq y ali kaqlata ruraq karmi payman yärakärinaykita shuyaraykäshunki. Payman yärakäriptikiqa kuyapäshushpaykimi yanapashunkipaq. Payman yärakuqkunaqa ali kawaytami taripäkunqapaq.
19
Sión runakuna, mananami waqankipaqnatsu. Jerusalén runakuna, manakuptikiqa Tayta Dios yanapashunkipaqmi. Ruwakushqaykita mayar kuyapäshunkipaqmi.
20
Fiyupa nakanaykipaq y lakikunaykipaq churashushpaykipis tantiyatsishuqniki Tayta Dios manami kacharishunkitsu, sinöqa imaypis yanapaykäshunkimi. Yanapaykäshushqaykita tantiyakärinkipaqmi.
21
Pay munashqanno kawashpaykiqa ali nänipa aywaykaqnömi karkaykanki. Tsay nänipita itsuq kaq lädupa o alawqa kaq lädupa jeqaptikiqa qepaykipitami kayno nishunki: «Kaypami näniqa. Kay ali nänipa aywayqa».
22
Tsay hörami qellaywan enchapashqa ïduluykikunatapis y qoriwan enchapashqa ïduluykikunatapis pitsakushqayki papiltano jitarinkipaq.
23
Murunaykipaqpis tiempulanchömi tamyatsimunqa. Murushqaykipis shumaq wayurmi maypis mikukuylapaq kanqa. Uywaykikunapaqpis tsaytsikami qewa kanqa.
24
Aruq töruykikunapis y carga ashtaq bürruykikunapis ali qewatami mikunqa.
25
Intëru puntakunapita y altunnin jirkankunapitapis mayunöraqmi yaku pashtamunqa. Tsay witsanmi lapan chikishuqnikikunata wanuykatsir amparakunan törrinkunatapis Tayta Dios chipyaq juchutsinqa.
26
Tsay witsanqa kuyashqan runakunata castigar däñashqanta Tayta Diosmi jampinqa. Killapis intinöraqmi atsikyanqa. Intipis qanchis intinöraqmi atsikyanqa.
27
¡Maski rikapäkuy! Kikin Tayta Diosmi karupita aywaykämun. Paypa rabyayninqa kanapakuptin qoshtay sharkuqnöraqmi kaykan. Fiyupa rabyashqa rimashqanpis imaykatapis ushaq ninanöraqmi kaykan.
28
Jämayninpis fiyupa cargashqa mayu runata apaqnömi kaykan. Pay aywaykämun juk lädu nación runakunata shuyshunawan shuyshuqno lapanta ushakätsinanpaqmi. Cawallupa shiminman frënuta churaparkur mana munaykaqta apaqnömi tsay runakunata desgraciaman apanqa.
29
Sión runakuna, qamkunami itsanqa Diosta alabana fiestacho tsakaypa kushishqa cantashqannöraq cantapäkunkipaq. Tayta Diosta adorakuna jirkanman pinkulluta tukaraykar witsaqnömi kushikärinkipaq. Payqa imaykapitapis tsapämaqnintsi Diosmi kaykan.
30
Contrankunata ushakätsinanpaq shamurmi fiyupa rimashqanta Tayta Dios musyatsinqa. Bunyaypa bunyar rupaykaq ninawan, räyuwan, löcu tamyawan y runtu tamyawanmi fiyupa rabyashpan castiganqa.
31
Pay olqushqanta mayalarmi Asiria nación runakuna ushakanqa. Asiria runakunata garrutinwanmi Tayta Dios wirunqa.
32
Yaparir yaparir wiruykälarmi Asiria runakunata ushakätsinqa. Tsayno castigaptinmi panderëtata y arpata tukar kuyashqan runakuna kushikärinqa.
33
Asiria runakunapa mandaqnin rey nakananpaq unaypita patsami juk sitiu kamarishqa kaykan. Tsay kamarishqan sitiuqa jatunkaraymi kaykan. Tsaycho rupananpaqmi yantapis kamarishqana kaykan. Tayta Dios pükaramuptinmi shiminpita atska azufri yarqamunqa. Tsaywan ninata ratarkatsirmi tsay reyta ushakätsinqa.
← Chapter 29
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 53
Chapter 54
Chapter 55
Chapter 56
Chapter 57
Chapter 58
Chapter 59
Chapter 60
Chapter 61
Chapter 62
Chapter 63
Chapter 64
Chapter 65
Chapter 66
Chapter 31 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66