bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan (Tayta Diospa Wilakuynin) 2003
/
Isaiah 5
Isaiah 5
Quechuan (Tayta Diospa Wilakuynin) 2003
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 53
Chapter 54
Chapter 55
Chapter 56
Chapter 57
Chapter 58
Chapter 59
Chapter 60
Chapter 61
Chapter 62
Chapter 63
Chapter 64
Chapter 65
Chapter 66
Chapter 6 →
1
Amïgüpa jutinchömi üva chakrapaq kayno cantashaq: Amïgüpami jirkancho ali wayuq üva chakran karqan.
2
Rumikunata waklarkurmi shumaq corralarqan. Ali nawiyuq üva plantakunatami tsayman plantarqan. Üva chakra chawpinchönami täpananpaq törrita sharkatsirqan. Üvata palarkur jarunanpaqpis rumipitami batyata rurarqan. Amïgüqa yarparqan mishkiq üva wayunanpaq kashqantami. Nishqan kaqqa pochquq üvami wayushqa.
3
Tsaymi chakrapa duëñun kayno nin: «Jerusalén runakuna y Judá runakuna, kanan mä nimay. ¿Üva plantäkunaku o noqaku mana alita rurashqä?
4
¿Imatataq mas ruräman karqan üva plantäkunata? ¿Imalaraq pishishqapis tsay plantakunaman winanäpaq? Noqaqa yarparqä mishkiq üvata wayunanpaq kashqantami. Alita plantaykaptïpis pochquqtami wayushqa.
5
«Kanan wilashayki üva chakräta imano ruranäpaq yarpaykashqätapis. Däñu ushananpaq manami cuidashaqnatsu. Uywakuna jarunanpaqmi perqankunatapis talamarishaq.
6
Chunyaraykaqtami kachaykushaq. Manami pipis rämapanqatsu ni uryanqanatsu. Shatalana y kashalanami nitinqa. Mana tamyamunanpaqmi pukutaytapis nishaq».
7
Lapanta mandaq Tayta Diospa üva chakranqa Israel runakuna y Judá runakunami karkaykan. Tayta Dios paykunata kuyar leyninkunata cumplinanpaq niykaptinpis wanutsinakuylachömi karkaykan. Yanapanakunanpaq niykaptinpis nakaqkuna waqashqalanmi mayakaykan.
8
¡Wawalaw, imanöraq kanki, maytsaychöpis wayikunata rantiqkuna! Chakrakunata wakcho kaycho rantirmi lapanpa duëñun rikakurkaykanki. Intëru nacionchöpis ¿qamkunalanaku täkuyta munaykanki?
9
Lapanta mandaq Tayta Diosmi kayno nimashqa: «Wayikuna tsaytsikami ushakanqa. Mayjina jatunkaray ni kuyaylapaq kaptinpis manami pipis tanqanatsu.
10
Kimsa hectaria üvapita juk taksha urpulami vïnu yarqunqa. Chunka costal trïguta mururpis juk costallatami shuntanqa».
11
¡Wawalaw, imanöraq kanqa tsaka tsakapita upyaqkuna! Vïnuta yawarkurqa wararkunpis qoyarkunpis upyaykälarmi.
12
Atska vïnuta upyar fiestata rurashqancho arpa, salteriu, tinya y pinkullu waqashqanmi mayakaykämun. Tayta Dios castigananpaq kashqantami itsanqa ichiklatapis mana tantiyakärintsu.
13
Mana tantiyakuq kashqanpitami kuyashqä runakunata juk lädu nacionman prësu apapäkunqa. Mandaqninkunapis y marka runakunapis yarqaypita y yakunaylapitami wanupäkunqa.
14
Mandaq autoridäkunata y pampa runakunatapis sepultürami shiminta äyarkur ultakurpunqa. Fiestacho kushishqa kaykaqtami lapanta tsayno ultakurkunqa.
15
Tsayraqmi runa tukuqkunapis penqakur uysurpanqa.
16
Pïmaypis musyanqami lapanta mandaq Tayta Dios jutsaynaq santu kashqanta.
17
Juchutsishqa markakunacho pipis mana taptinmi qewalana winanqa. Tsaymi tsay markakuna kashqancho uyshakunata y cabrakunata mitsikärinqa.
18
¡Wawalaw, imanöraq kanqa lulakuypa mana ali costumbrikunata apamuqkuna! Paykunaqa imapaqpis mana väliq mala mäñakunatami waskawanno qarachaykämun.
19
Paykunaqa kaynömi nirkaykan: «Israel runakunapa santu Diosnin castigayta munamashpantsiqa mä jukla castigamäshun ari. Nakaykunata apamuyta munarqa jukla apamutsun ari. Imano castigamänantsipaq kashqanta musyaytami munarkaykä».
20
¡Wawalaw, imanöraq kanqa mana ali kaqta «alimi» niqkuna y ali kaqta «mana alimi» niqkuna! Tsayno karmi atsikyaptinpis «tsakanmi» nirkaykan. Tsakaptinpis «atsikyanmi» nirkaykan. Asqaqtapis «mishkiqmi» nirkaykan y mishkiqtanami «asqaqmi» nirkaykan.
21
¡Wawalaw, imanöraq kanqa yachaq tukuqkuna! Paykunaqa kikilanpaqmi yachaq karkaykan.
22
¡Wawalaw, imanöraq kanqa waran waran upyalaman churakashqa kakuqkuna, shinkatsikuqkunata talu taluykur upuqkuna!
23
Sobornuta chaskinan kashqami jutsayuqtapis jutsaynaq kashqanta nipäkun. Jutsaynaqtapis jutsayuq kashqantami nipäkun.
24
Lapanta mandaq Tayta Diospa leyninkunata manami cäsupäkuntsu. Israel runakunapa santu Diosninpa palabranta manakaqmanmi churarkaykan. Tsaymi tsaki raprakunata nina laqwaypa laqwar rupar ushaqno Tayta Dios paykunata ushakätsinqa. Tsaynöpis tsaki oqshaman nina rataqnömi ushakätsinqa. Sapin ismushqa yöra ushakashqanno y waytan shushur alpaman tikrashqannömi ushakanqa.
25
Tayta Diosqa fiyupa rabyashqami kaykan. Kuyashqan runakuna kaptintsipis castigamänantsipaq kamarikushqanami kaykan. Tsayta musyarmi jirkakunapis pasaypa siksikyan. Wanutsishqan runakunatapis cällikunamanmi jitarinqa. Castigamaptintsipis Tayta Diospa rabyayninqa manami pasanqatsu. Kashqalanmi castigamänantsipaq rikaraykämantsi.
26
Tayta Diosmi karu nacioncho taq runakunata bandërawan sëñaypa qayanqa. Mayjina karucho taqkunatapis wichyakunqami. Qayakushqanta mayarmi atacamänantsipaq maytsaypitapis jukla chayamunqa.
27
Tsay runakuna manami utikanqatsu ni takakanqatsu. Manami mayqanpis pununqatsu ni pununanqatsu. Wachkunkunapis manami paskakanqatsu ni lanqinkunapis rachinqatsu.
28
Flëchankunapis awja puntami kanqa. Flëcha jitakunankunapis kamarishqalanami kanqa. Cawallunkunapa shillunkunapis chukru ruminömi kanqa. Carrëtankunapa ruëdankunapis shukukuy wayranöraqmi tumanqa.
29
Tsay runakunaqa fiyupa qapararmi atacamäshun. Leonkuna qaparashqannöraqmi mayakanqa. Uywata leonkuna apashqannömi prësu apamäshun.
30
Tsay runakuna atacamäshun lamar yaku bunyaypa bunyar kuchunman chayaqnömi. Patsapis tsakaqnöraq rikakuptin junaq kashqanpis manami musyakanqatsu.
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 53
Chapter 54
Chapter 55
Chapter 56
Chapter 57
Chapter 58
Chapter 59
Chapter 60
Chapter 61
Chapter 62
Chapter 63
Chapter 64
Chapter 65
Chapter 66
Chapter 6 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66