bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan (Tayta Diospa Wilakuynin) 2003
/
Jeremiah 17
Jeremiah 17
Quechuan (Tayta Diospa Wilakuynin) 2003
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 18 →
1
Tayta Dios kaynömi nin: «Judá runakuna, jutsa rurayqa rumiman laqlaypa qelqashqanömi shonquykicho kaykan. Tsaynöpis adorapäkushqayki altarkunapa waqrankunaman laqlaypa qelqashqanömi kaykan. Fiërrupita rurashqa diamanti puntayuq cincilwan laqlashqanömi kaykan.
2
Perqashqayki altarkunachömi tsurikikunapis ïdulukunata adorarkaykan. Asera diösata adoranaykipaq jawishqayki raku qerukuna kaqchömi mana qonqaypa adorarkaykan. Tsay qerukunaqa kaykan copösu yörakuna sikincho, altunnin jirkankunacho
3
y maytsay jirkakunachömi. Intëru nacionnikichömi ïdulukunata adorarkaykanki. Tsayno kashqaykipitami lapan imaykaykitapis contraykikuna apakärinanpaq kachapärishaq.
4
Bunyaypa bunyar imaypis rupaykaq ninano rabyashpämi herencia qoykushqä nacionpitapis qarqushayki. Tsaymi mana reqishqayki nacioncho contraykikunapa ashmaynin kapäkunkipaq».
5
Tayta Diosmi kayno nin: «Maldicionädumi kanqa noqaman yärakamänanpa trukan runa mayilanman y kalpalanman yärakuqkunaqa.
6
Tsay runakunaqa pipis mana tashqan chunyaq jirkacho winaq shirakanömi karkaykan. Tsaynöpis rumikuna chawpincho winaq yöranömi karkaykan. Ali kawayta manami imaypis tarinqatsu.
7
« Noqaman yärakamuqkunami itsanqa kushishqa kawapäkun.
8
Tsay runakunaqa yaku kuchuncho plantaraykaq yöranömi karkaykan. Tsay yörapa sapin yakuman sapitsashqa kaptin usyachöpis raprankuna verdiraykanmi. Usya kaptinpis qarwashtaykänanpa trukanqa mana chawaypami wayuykan.
9
«Runapa shonqunqa mana yärakuypaq fiyumi kaykan. ¿Piraq musyanman shonquncho imata yarpaykashqantapis?
10
Noqa Tayta Dioslami musyä shonquncho runa alita o mana alita yarpashqantapis. Tsaymi imanöpis kawashqanman tupu pitapis yanapä o castigäpis.
11
Sakyapakuypa rïcuyaq runaqa tsakwa jukpa runtunta oqlaqnömi kaykan. Riquëzankuna elaqpita ushakaptin pasaypa waktsami rikakunqa».
12
Tayta Dios, qalaykunanpita patsami kuyaylapaq templuykipita lapanta mandaykämunki.
13
Qamqa Israel runakunata kuyaq Tayta Diosmi kaykanki. Mana tsakiq pukyuno kaykaptikimi wakin runakunaqa qampita witikärishqa. Paykunaqa pasaypa penqaychömi kanqapaq. Alpacho qelqashqan juti wayrawan elqashqannömi paykunapis elqanqapaq.
14
Tayta Dios, ali kawanäpaq yanapaykalämay. Imayka mana alikunapita salvaykalämay. Noqaqa qamlatami imaypis alabä.
15
Runakunaqa asipämashpan kaynömi niman: «¿Imaytaq cumplinqa Tayta Dios wilakatsishushqayki? ¡Jukla cumplitsun ari!»
16
Noqaqa manami imaypis qamta manakamurqätsu paykunata castiganaykipaq ni paykunata desgracia pasananpaq. Musyankimi imata wilakushqätapis. Mayaykämaptikimi lapanta nishqä.
17
Ima desgracia pasamaptinpis qamlamanmi amparakamü. Ama kachaykamaytsu. Qonqaykamaptikiqa fiyupami mantsakushaq.
18
Penqayman churamänaykipa trukanqa qatikachämaqkunata penqayman churaykuy. Noqata castigamänaykipa trukanqa paykunata castigaykuy. Paykunata ima desgraciapis pasaykulätsun.
19
Tayta Diosmi kayno nimarqan: «Marka yaykuna jatun punkuman aywaykur wilakuynïta tsaycho wilakuy. Tsay punkupami reykunapis yaykapäkun y yarqapäkun. Tsaycho wilakushqaykinöla Jerusalénman yaykuna wakin punkukunachöpis wilakuy.
20
«Wilakur kayno ninki: «Judá nacionpa mandaqnin reykuna, Judá runakuna y Jerusaléncho taq runakuna, Tayta Dios nishqanta lapayki cäsukäriy.
21
Tayta Diosmi kayno nin: Imapis mana pasashunaykipaq jamay junaqchöqa ama ima qepitapis apapäkuytsu ni Jerusalén punkukunapapis ima cargatapis yaykatsipäkuytsu.
22
Jamay junaqchöqa wayikikunapitapis ama ima qepitapis jorqapäkuytsu. Tsay junaqchöqa ima aruytapis ama arupäkuytsu. Tsaypa trukanqa unay ayluykikunata nishqäno noqata respitamashpayki jamapäkuy.
23
Unay ayluykikunaqa tsayno niykaptïpis manami wiyakärimashqatsu ni cäsukärimashqatsu. Tsaypa trukanqa shonqunta chukruyätsirmi mana cäsukamashpan corriginätapis mana munapäkushqatsu.
24
« «Qamkunaqa nishqäta cäsukushpayki jamay junaqcho markaman yaykuna mayqan punkupapis cargata ama yaykatsimuytsu. Jamay junaq arunaykipa trukan noqata respitamar jamaptikiqa
25
kay nacionpita y kay markapita imaypis manami qarqushaykitsu. Tsaynölami rey David jamarashqan trönunpita rey imaypis mandanqa. Reykunami y autoridäkunami carrëtankunawan y cawallunkunawan kay markapa punkunkunapa imaypis pasanqa. Paykunawanmi Judá runakuna y Jerusalén runakuna kay punkunkunapa yaykapäkunqa. Jerusalénchömi imayyaqpis runakuna tanqa.
26
« «Tsaynöpis adoramänanpaqmi Jerusalénman shapäkamunqa Judá nacioncho kaykaq markakunapita, Jerusalénpa nawpankunapita, Benjamín trïbu runakuna tashqan partipita, Sefelapita, jalqakunapita y Neguevpita. Shamurmi templuman apapäkamunqa rupatsina sacrificiukunata, tsaki mikuy ofrendakunata, inciensuta, agradëcikamänanpaq kaq sacrificiuta y wakin sacrificiukunatapis.
27
« «Nishqäta mana cäsukur jamay junaq mana jamaptiki y Jerusalén markapa punkunkunapa tsay junaqcho ima qepitapis yaykatsiptikiqa Jerusalénpa punkunkunatami rupatsishaq. Tsaymi Jerusaléncho kaykaq palaciukunapis rupar ushakanqapaq. Tsaytaqa manami pipis upitsinqatsu» ».
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 18 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52