bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan (Tayta Diospa Wilakuynin) 2003
/
Jeremiah 25
Jeremiah 25
Quechuan (Tayta Diospa Wilakuynin) 2003
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 26 →
1
Josíaspa tsurin Joacim Judá nacionpa mandaqnin rey chusku watana kaykaptin y Babilonia nacioncho Nabucodonosor mandayta qalaykushqan witsanmi Tayta Diospa wilakuqnin profëta Jeremías
2
Judá nacioncho taq runakunata y Jerusaléncho taq runakunata wilapar kayno nirqan:
3
«Amónpa tsurin Josías chunka kimsa wata Judá nacionpa mandaqnin rey kaykashqanpita patsami Tayta Dios nimashqankunata yaparir yaparir qamkunata wilapashqä. Ishkay chunka kimsa (23) watana tsayno wilapaptïpis qamkunaqa manami cäsukärishqankitsu.
4
«Sirviqnin profëtakunata unaypita patsa yaparir yaparir Tayta Dios kachamuptinpis manami cäsukärishqankitsu ni wiyakärishqankitsu.
5
Tsay profëtakunami kayno nishurqayki: «Jutsa ruraykunata kachariy. Cäsukurqa unay ayluykikunata Tayta Dios qoykushqan nacionchömi imayyaqpis täpäkunkipaq».
6
Tsaynöpis kaynömi nishurqayki: «Juk dioskunamanqa ama yärakäriytsu. Tsaykunataqa ama sirvipäkuytsu ni adorapäkuytsu. Lutankunata mana rurapäkuptikiqa manami castigashunkipaqtsu» ».
7
Tayta Diosmi kayno nin: «Profëtakuna tsayno niykäshuptikipis manami cäsukamashqankitsu. Tsaypa trukanqa rurashqayki ïdulukunata adorapäkushpaykimi masraq rabyatsimashqanki».
8
Lapanta mandaq Tayta Diosmi mastapis kayno nin: «Profëtakuna wilapäshushqaykita mana cäsukuptikiqa
9
Babilonia nacionpa mandaqnin rey Nabucodonosortami norti kaq lädu nacionkunapita minkakushqan soldädunkunatawan kachamushaq ushakätsishunaykipaq. Paykunawan qamkunata y nawpayki nación runakunata castigaptïmi markaykikunapis raqälana rikakunqapaq. Tsayta rikarmi wakin runakuna mantsakanqa y wakinnami kushipäshunki.
10
«Lapanta ushakätsiptïmi fiestatapis mana ruranqanatsu, kushikuypita mana asikunqanatsu, jipashpis ni mözupis kuyanakushpan mana cantapänakunqanatsu, marayninkunachöpis manami aqakunqanatsu y atskitapis manami ratatsinqanatsu.
11
Kay nacionta ushakätsiptinmi raqälana rikakunqa. Kawaykar quëdaqkunaqa qanchis chunka (70) watayaqmi Babilonia nacionpa mandaqnin reypa munaynincho kanqa.
12
«Qanchis chunka (70) wata cumplirkuptinnami Babilonia nacionpa mandaqnin reyta y tsaycho taq runakunata jutsa rurashqanpita castigar chipyaq ushakätsishaq. Noqa Tayta Diosmi tsayno nï.
13
Paykunata castiganäpaq profëta Jeremíasta wilakatsishqänöla y kay röllucho qelqashqannölami castigashaq.
14
Babilonia runakunata castigaptïmi kuyashqä runakunata munaynincho tsararashqannöla paykunatapis juk nación runakuna y mandaqnin reykuna munaynincho tsararanqa. Babilonia runakuna lutankunata rurashqanpitami tsayno castigashaq».
15
Israel runakunata kuyaq Tayta Diosmi revelacioncho kayno nimarqan: «Kay aptaraykashqä cöpacho rabyaynïmi junta kaykan. Kay cöpata apakurkur kachashqä nacionkunaman ayway runakunata uputsinaykipaq.
16
Upurkurmi löcutashpan shinkashqa runano tsanka tsanka puripäkunqa. Tsay upushqanqa manami vïnutsu kanqa, sinöqa paykunata castiganäpaq guërrami kanqa».
17
Nimaptinmi revelacioncho Tayta Diospa makinpita tsay cöpata chaskirqä. Nirkurmi Tayta Dios kachamashqan lapan nacionkunaman aywaykur runakunata uputsirqä.
18
Tsaymi uputsirqä Jerusaléncho taq runakunata, Judá nacioncho taq runakunata, reykunata y autoridäkunatapis. Paykunata Tayta Dios fiyupa castigaptinmi wayinkunapis raqäla quëdashqa. Tsayno castigashqanta musyaqkuna wakin mantsakan y wakinna kushipan. Pasaypa maldicionashqa karmi kananyaqpis tsayno karkaykan.
19
Tsaynölami revelacioncho uputsirqä Egipto nacionpa mandaqnin rey Faraónta, yanapaqninkunata, autoridäninkunata, Egipto runakunata
20
y tsaycho taq jäpa runakunatapis. Tsaynölami uputsirqä Uz particho taq reykunata y filisteo runakunapa mandaqnin reykunatapis. Filisteo runakunapa mandaqnin reykunaqa tarqan Ascalón markacho, Gaza markacho, Ecrón markacho y Asdod markacho. Itsanqa Asdod marka ushakashqa kaptinmi juk ishkaylana tsaycho taykarqan.
21
Tsaynölami uputsirqä Edom nacioncho taqkunata, Moab nacioncho taqkunata, Amón nacioncho taqkunata,
22
Tiro markapa mandaqnin reykunata, Sidón markapa mandaqnin reykunata, Mediterráneo Lamar kuchun markakunacho taq reykunata,
23
Dedán runakunata, Tema runakunata, Buz runakunata, laplanta rutukuq runakunata,
24
Arabia particho taq reykunata, chunyaq jirkacho taq lapan runakunapa mandaqnin reykunata,
25
Zimri nacionpa mandaqnin reyta, Elam nacionpa mandaqnin reyta y Media nacionpa mandaqnin reyta.
26
Tsaynölami uputsirqä norti kaq läducho kaykaq lapan reykunata cerca cerca taptinpis o karu karu taptinpis. Kay patsacho lapan reykunatapis tsaynölami uputsirqä. Ultimutami upunqa Babilonia nacionpa mandaqnin rey.
27
Uputsiq aywanäpaq kachamashpanmi Tayta Dios kayno nimarqan: «Paykunata uputsir kayno ninki: «Israel runakunata kuyaq y lapanta mandaq Tayta Diosmi kayno nin: Tsay cöpacho winaraykaqta upupäkuy shinkashqaykiyaq, gumitashqaykiyaq y aytsayashqa jitarashqaykiyaq. Tsayno kapäkunkipaq guërrawan qamkunata castigaptïmi».
28
«Tsay cöpapita upuyta mana munaptinqa kayno ninki: «Lapanta mandaq Tayta Dios kaynömi nin: Munar mana munarpis upunaykimi.
29
Jerusalénpitami castigayta qalaykü. Adorapäkamänanpaq akrashqä markacho taq runakunata castigaykarqa qamkunata mas peormi castigashaykipaq. Maytsaychöpis guërrawanmi runakunata castigashaq. Lapanta mandaq Tayta Dios karmi tsayno nï» ».
30
«Jeremías, maytsaycho taq runakunata castiganäpaq kaqta wilakur kayno ninki: « « Tayta Diosmi jana patsapita patsa leonnöpis qaparämun. Tashqanpita patsa qayakamushqanpis räyu bunruruqnöraqmi mayakämun. Akrashqan runakunata castigananpaqmi qayakaykämun. Üvata jaruq runakuna qayakushqannömi maytsaychöpis taq runakunata castigananpaq qayakaykämun.
31
Qayakamushqan mayakanqa kay patsapa intëru kuchunyaqmi. Tayta Dios tsayno qayakamunqa intëru nacionkunacho taq runakunata juzgananpaqmi. Payqa lapan runakunapa jueznin karmi payta mana cäsukuqkunata espädawan ushakätsinqa. Tayta Diosmi tsayno nin.
32
« «Lapanta mandaq Tayta Diosmi mastapis kayno nin: Noqaqa lapan nacionkunata qatinaylanpami castigashaq. Rabyashqäqa mantsariypaq löcu tamyanömi kaykan.
33
Castigaptïmi wanuqkunaqa maytsaychöpis jitarpanqa. Wanuptin waqananpaqpis ni pampananpaqpis manami pipis kanqatsu. Uywakunapa ismayninnömi maytsaychöpis wanushqa jitarpanqa.
34
« «¡Reykuna, mantsakur qaparpay! ¡Autoridäkuna, lakikushpayki pampacho qochpapäkuy! ¡Hörayki chayamushqanami wera uyshatano wanutsishunaykipaq!
35
« «Reykuna manami imanöpapis salvakunqatsu. Autoridäkunapis manami qeshpiyta kamäpakunqatsu.
36
¡Reykuna qaparashqanta mayapäkuy! ¡Autoridäkuna waqashqanta mayapäkuy! Paykuna mandashqan nacionkunatami Tayta Dios ushakätsinqa.
37
Mandashqan kuyaylapaq nacionkunata pasaypa rabyarmi ushakätsinqa.
38
Machaypita yarqamuq fiyu leonnömi Tayta Dios kaykan. Payqa fiyupa rabyashqami kaykan. Tsaymi mantsariypaq guërrawan maytsay naciontapis ushakätsinqa» ».
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 26 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52