bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan (Tayta Diospa Wilakuynin) 2003
/
Jeremiah 52
Jeremiah 52
Quechuan (Tayta Diospa Wilakuynin) 2003
← Chapter 51
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
1
Sedequías ishkay chunka juk (21) watayuq kaykarmi rey kayta qalaykurqan. Payqa chunka juk watami Jerusalénpita mandarqan. Mamanmi karqan Libna markapita Jeremíaspa tsurin Hamutal.
2
Sedequíaspis taytan Joacimnölami Tayta Diosta mana cäsukur jutsata rurarqan.
3
Tsaymi Tayta Dios rabyakushpan Jerusaléncho taq runakunata y Judá nacioncho taq runakunata nawpanpita qarqurqan. Tsaypitanami rey Sedequías Babilonia nacionpa mandaqnin reypa contran sharkurqan.
4
Tsaymi rey Nabucodonosor lapan soldädunkunawan Jerusalén tsimpanman chayaykur campamentuta rurapäkurqan. Tsaypitanami marka murälla waqtanpa alpata qotutsirqan tsaypa witsarkur atacananpaq. Tsayno pasarqan Sedequías pusaq wata rey kaykaptinmi. Nabucodonosor Jerusalénman chayashqan junaq karqan chunka kaq killacho chunka kaq junaqmi.
5
Jerusalénta tsayno jiruruypa tsapararqan hasta Sedequías chunka juk watana rey kayta qalaykushqanyaqmi.
6
Runakuna mikunanpaq imapis mana kaptinmi chusku kaq killacho isqun junaq kaykaptin
7
marka murällata uchkupäkurqan. Babilonia soldädukuna markata tsaparaykaptinmi Jerusaléncho soldädukuna tsakaypa qeshpir reypa huertanpa pasar ishkay murälla punkupa yarqapäkurqan. Tsaypitanami Arabá pampapa aywaq nänipa aywakärirqan.
8
Tsayno qeshpiykaptinmi Babilonia soldädukunaqa rey Sedequíasta taripaykur Jericó pampacho tsarirqan. Tsaymi Sedequíaspa soldädunkuna kachariykur wakpa kaypa qeshpir aywakärirqan.
9
Rey Sedequíasta tsayno prësu tsariykurmi Babilonia nacionpa mandaqnin rey Nabucodonosorman apapäkurqan. Nabucodonosorqa kaykarqan Hamatcho kaykaq Ribla markachömi. Tsaycho juzgarmi
10
rey Sedequías rikaraykaptin tsurinkunata wanutsipäkurqan. Tsaynölami Judá nacionpa autoridäninkunatapis wanutsipäkurqan.
11
Kikin Sedequíastanami ishkan nawinta jorqurir cadinawan watarkur Babiloniaman prësu apapäkurqan. Tsaychömi wanushqanyaq prësu wichqararqan.
12
Nabucodonosor chunka isqun watana Babiloniapa mandaqnin rey kaykaptinmi pitsqa killacho y chunka kaq junaqcho Nabuzaradán Jerusalénman chayarqan. Nabuzaradánqa Nabucodonosorpa wardiankunapa capitanninmi karqan.
13
Jerusalénchömi Tayta Diospa templunta, reypa palaciunta, lapan wayikunata y autoridäkunapa despächunkunata rupatsipäkurqan.
14
Nirkurnami Jerusalén markapa murällanta soldädukuna juchutsipäkurqan.
15
Tsaypitanami Jerusaléncho quëdaq runakunata Babiloniaman Nabuzaradán prësu aparqan. Tsaynöpis aparqan wakin waktsakunata, Babilonia reypa favornin sharkuq runakunata y nawpata mana apashqan artesänukunata.
16
Mas waktsa runakunatami itsanqa jinalancho kachaykurqan chakrakunata arupäkunanpaq y üvakunata uryapäkunanpaq.
17
Tsaynöpis pakir usharqan templucho broncipita rurashqa jatunkaray columnakunata, carrëtakunata y lamar nishqan jatunkaray lavatoriuta. Nirkurnami tsay pakishqan broncita Babiloniaman apakurqan.
18
Tsaynölami apakurqan uchpa shuntakunankunata, pälakunata, lipta jorqukunankunata, tazonkunata, wishlakunata y wakin manëjukunatapis. Tsay manëjukunami broncipita rurashqa karqan sacrificiukunata rupatsir manijapäkunanpaq.
19
Tsaynölami capitán Nabuzaradán apakurqan inciensu qoshtatsikunankunata, shansha shuntakunankunata, tazonkunata, uchpa shuntakunankunata, candelabrukunata, wishlakunata, väsukunata y lapantapis qoripita y qellaypita kaqkunata.
20
Apakushqan broncita manami pësaytapis atiparqantsu. Tsay bronci karqan ishkay columnakunapita, lamar nishqan jatunkaray lavatoriupita, lavatoriu jamaränanpaq ruratsishqan chunka ishkay törukunapita y carrëtakunapita. Tsaykunata rey Salomónmi Tayta Diospa templuncho kananpaq ruratsirqan.
21
Templu punkucho columnakunaqa pusaq metruno largumi karqan. Rakunnami karqan pitsqa metru pulanno. Raktannami karqan qanchis centïmetru. Tsay columnakunapa shonqunqa uchkumi karqan.
22
Columna puntancho ishkay metrunömi broncipita rurashqa tumaypa adornun karqan. Tsay adornu intëru kuchunpa awashqa shikra niraqmi karqan. Warkuränanpaqmi broncipita rurashqa granäda niraqkunapis karqan. Jukaq columnapis tsay niraqlami karqan.
23
Cada columnachömi karqan isqun chunka soqta (96) granäda niraqkuna. Puntancho kaq adornuchömi pachak (100) granäda niraqkuna karqan.
24
Mandaq cüra Seraíastanami wardiakunapa capitannin Nabuzaradán prësu tsarirqan. Paytawanmi prësu tsarirqan mandäshiqnin cüra Sofoníasta y templu punkuta täpaq kimsa runakunatapis.
25
Tsaynölami prësu tsarirqan soldädukunapa capitanninta, reyta yätsiq qanchis runakunata, sortiyädu shuntaq capitanta y soqta chunka (60) mayor runakunatapis.
26
Babilonia nacionpa mandaqnin rey Nabucodonosor Ribla markacho kaptinmi wardiakunapa capitannin Nabuzaradán lapan tsay prësu tsarishqan runakunata Riblaman apapäkurqan.
27
Tsaychömi Nabucodonosor nirqan tsay runakunata wanutsipäkunanpaq. Tsaynöpami Judá runakunata wakinta wanutsipäkurqan y wakintana juk nacionman apakärirqan.
28
Kaychömi qelqaraykan Judápita ayka runakunata Nabucodonosor prësu apashqanpis. Qanchis watana rey kaykarmi Nabucodonosor prësu aparqan kimsa waranqa ishkay chunka kimsa (3,023) Judá runakunata.
29
Chunka pusaq watana rey kaykarmi Jerusalénpita Nabucodonosor prësu apatsirqan pusaq pachak kimsa chunka ishkay (832) runakunata.
30
Ishkay chunka kimsa (23) watana Nabucodonosor rey kaykaptinmi wardiakunapa capitannin Nabuzaradán prësu apatsirqan qanchis pachak chusku chunka pitsqa (745) Judá runakunata. Lapan apatsishqan runakuna karqan chusku waranqa soqta pachak (4,600) runakunami.
31
Babiloniapa mandaqnin rey Evil-merodac mandayta qalaykushqan watami Judá nacionpa mandaqnin rey Joaquínta kuyapar carcilpita jorqatsirqan. Tsayno jorqatsirqan Babiloniaman prësu apashqan kimsa chunka qanchis (37) watatana ushaykaptin chunka ishkay kaq killacho ishkay chunka pitsqa (25) junaqchömi.
32
Shakya shakya parlaparmi Joaquíntaqa Babiloniacho prësu kaykaq reykunapita mas ali rikarqan.
33
Tsaynöpami rey Joaquínqa carcilcho kashqan röpanta trukakurir Babilonia nacionpa mandaqnin reywan imaypis juntu mikurqan.
34
Gastunkunapaqpis wanushqanyaqmi waran waran qellayta reypita chaskirqan.
← Chapter 51
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52