bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan (Tayta Diospa Wilakuynin) 2003
/
John 12
John 12
Quechuan (Tayta Diospa Wilakuynin) 2003
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 13 →
1
Pascua fiestapaq soqta junaq pishiykaptinmi Betania markaman Jesús aywarqan. Tsaychömi wanushqanpita kawarimuq Lázaro tarqan.
2
Jesús chayaykuptinmi kushikuypita cënata yanukärirqan. Wakin runakunawan mësaman Jesús jamaykuptinmi Lázarupis jamakurqan. Paykunatami mikuyta Marta qararqan.
3
Tsaycho mikurkaykaptinmi nardupita rurashqa chanin cuestaq perfümita mediu litrutano María apamurqan. Tsay perfümitami Jesúspa chakinman winaparkur aqtsanwan tsakitsiparqan. Tsay perfümimi wayi junta ali asyarqan.
4
Tsaymi Jesústa rantikunanpaq kaq discïpulun Judas Iscariote kayno nirqan:
5
«¿Imapaqtaq tsay perfümita perditsishqa? Tsaypa trukanqa juk wata aruypa chaninchömi rantikushwan karqan. Nirkur tsay qellaywanna waktsakunata yanapashwan karqan».
6
Tsayno nirpis manami waktsakunata yanapayta munartsu nirqan, sinöqa suwakunan kashqami. Shuntashqan qellayta tsararaq karmi imaypis pakaylapa jorquq.
7
Tsayno niptinmi Jesús kayno nirqan: «Tsay perfümita pampakunä junaqpaqmi churaraykätsishqa. Tsayno kaykaptinqa winapämashqanpita ama jamurpaytsu.
8
Waktsakunaqa qamkunawanmi imaypis karkaykanqa. Noqami itsanqa qamkunawan mana kashaqnatsu».
9
Betania markacho Jesús kaykashqanta musyaykurmi atskaq runakuna tsayman aywapäkurqan. Manami Jesústa rikanalanpaqtsu aywapäkurqan, sinöqa kawarimuq Lázaruta rikananpaqwanmi.
10
Tsaymi mandaq cürakuna Lázarutapis wanutsiyta munarqan.
11
Mandaq cürakunata cäsukärinanpa trukanqa Lázaruta kawaritsimushqanpitami atska runakuna Jesúsmanna criyipäkurqan.
12
Tsaypita jukaqnin junaqnami fiestaman aywaq atskaq runakuna mayapäkurqan Jerusalénman Jesús yaykuykashqanta.
13
Tsawraqa palmakunapa rämankunata apakurkur Jesústa chaskikunanpaq yarqupäkurqan. Jesústa rikarmi qayaraypa kayno nipäkurqan: «¡Hosana! ¡Tayta Diospa jutincho shamuq runa alabashqa kaykulätsun! ¡Qamqa Israel runakunapa mandaqnin reymi kaykanki!»
14
Jerusalénman Jesús yaykurqan malwa bürru muntashqami. Tsayno yaykunanpaqmi Tayta Diospa palabranchöpis kayno qelqaraykan:
15
« Sión runakuna, ama mantsakäriytsu. Rikapäkuy mandaqniki rey malwa bürrun muntashqa aywaykämuqta».
16
Tsay höraqa discïpulunkuna manami tantiyarqantsu imanir Jerusalénman tsayno yaykushqanta. Wanushqanpita kawarirkamuptinraqmi tantiyapäkurqan Jesús rurashqankuna Tayta Diospa palabrancho nishqannöla kashqanta.
17
Lázaruta Jesús kawaritsimushqanta rikaq runakuna maytsaycho wilakuptinmi
18
Jesústa chaskikuq atskaq runakuna aywapäkurqan.
19
Tsayta rikarmi fariseukuna kayno nipäkurqan: «Kananqa ¿imatataq rurashun? ¡Lapan runakunami payta qatirpaykan!»
20
Pascua fiestacho Tayta Diosta adorananpaqmi mana Israel runakunapis Jerusaléncho kaykarqan.
21
Paykunapita wakin runakunami Felipiman aywaykushpan ruwakurqan kayno nir: «Jesústa reqiykatsilämay, tayta». Felipe karqan Galileacho Betsaida markapitami.
22
Tsayno ruwakuptinmi Felipiqa Andrésta wilarqan. Nirkurnami ishkan aywaykur Jesústa wilarqan.
23
Jesúsnami kayno nirqan: « Runapa Tsurin glorificashqa kananpaq kaq höra chayamushqanami.
24
Rasunpami kayno nï: Trïguta murur mana pampaptintsiqa manami jeqamuntsu. Pampaptintsimi itsanqa jeqamur ali wayun.
25
Kawayninta salvayta munaqkunaqa kawayninta oqranqami. Kawayninta kay patsacho oqraqkunami itsanqa kawayninta salvar mana ushakaq kawayta tarinqa.
26
Pipis sirvimayta munaq kaqqa qatirämätsun. Qatirämarqa noqa kaykashqächömi kanqa. Sirvimaq kaqtaqa Taytäpis kuyanqami.
27
«Pasaypa lakishqami kaykä. Tsayno lakikurpis manami Taytäta manakümantsu wanuypita salvamänanpaq. Wanunäpaqmi kay patsaman shamushqä».
28
Tsayno nishpanmi Tayta Diosta manakur kayno nirqan: «Papä, munayniyuq kashqaykita tantiyakärinanpaq qam munashqaykino kaykulätsun». Tsawraqa jana patsapita Tayta Dios kayno nimurqan: «Munayniyuq kashqäta musyatsishqänömi yapaypis musyatsishaq».
29
Tsayta mayaykurmi tsaycho wakin runakuna nipäkurqan räyu kashqanta. Wakinnami nipäkurqan ángel parlamushqanta.
30
Tsaymi Jesús kayno nirqan: «Parlamuqta mayashqayki manami noqapaqtsu kashqa, sinöqa Tayta Dios kachamashqanta qamkuna tantiyakärinaykipaqmi.
31
Runakuna juzgashqa kananpaq kaq höra chayaykämunnami. Tsaynölami kay patsapa mandaqninta qarqunanpaq höran chayaykämunna.
32
Kay patsapita joqarimaptinmi maytsay nación runakunata makïman shuntakushaq».
33
Tsayno nirmi Jesús tantiyatsirqan imanöpa wanunanpaq kashqantapis.
34
Tsaymi runakuna kayno nipäkurqan: «Tayta Diospa palabrancho niykan salvamaqnintsi Cristo imayyaqpis kawananpaq kashqantami. Tsayno niykaptinqa ¿imanirtaq niykanki Runapa Tsurin wanunanpaq kashqanta? Tsayno kaptinqa ¿pitaq tsay Runapa Tsurinqa?»
35
Tsayno niptinmi Jesús kayno nirqan: «Walka junaqlanami qamkunawan atski kaykanqa. Manaraq tsakäpakur atski kaykashqanyaq puripäkuy. Tsakaypana purirqa maypa aywashqaykitapis manami tantiyankipaqtsu.
36
Tsayno kaykaptinqa atski qamkunawan kaykashqanyaq atskiman criyipäkuy. Tsaynöpami qamkunapis atskino kapäkunkipaq». Tsayno nirkur pakaylapa aywakuptinnami pipis mana rikarqannatsu.
37
Atska milagrukunata ruraykashqanta rikarpis runakuna Jesúsman manami criyipäkurqantsu.
38
Tsayno mana criyinanpaq kashqantami profëta Isaías kayno nirqan: «Tayta Dios, wilakärishqäta ¿piraq chaskikushqa? Salvakuq kashqaykita musyatsiptikipis ¿piraq tantiyakushqa?»
39
Tsay nishqannölami Jesúsmanpis mana criyirqantsu. Tayta Dios nishqanta mastapis Isaías kaynömi nirqan:
40
«Tsay runakunapa nawinkunata qaprayätsishqami. Paykunapa shonquntapis chukruyätsishqami. Tsaynöpami mana rikar y mana tantiyar cäsukärinqatsu. Tsayno kaptinmi noqapis mana aliyätsishaqtsu».
41
Isaías Jesucristupita tsayno qelqarqan gloriacho munayniyuq kaykaqta rikarmi.
42
Jesústa wakin runakuna mana chaskikuptinpis atskaqmi payman criyipäkurqan. Wakin Israel autoridäkunapis payman criyirqanmi. Tsayno criyiykarpis sinagögapita fariseukuna qarqunanta mantsakushpanmi wilakärirqantsu.
43
Paykunaqa Tayta Diospita ali rikashqa kananpa trukanqa mas munarqan runakunalapita ali rikashqa kaytami.
44
Tsaypitanami fuertipa Jesús kayno nirqan: «Noqata criyimaq kaqqa kachamaqnïtapis criyinmi.
45
Tsaynöpis noqata reqimaq kaqqa kachamaqnïtapis reqinmi.
46
Noqami atski kaykä. Kay patsaman shamushqä noqata criyimaqkuna tsakäpakushqano mana kawananpaqmi.
47
«Manami runakunata condenanäpaqtsu kay patsaman shamushqä, sinöqa runakunata salvanäpaqmi. Tsayno kaykaptinqa nishqäkunata musyaykar mana cäsukuqkunata manami noqatsu condenashaq,
48
sinöqa wilakuynïkunami juiciu final junaqcho condenanqa.
49
Noqaqa manami kikïpa yarpayniläpitatsu wilakuykä, sinöqa kachamaqnï Taytä nimashqankunalatami.
50
Pay nimashqankunata cäsukuqkunaqa mana ushakaq kawaytami taripäkunqa. Tsayta musyarmi Taytä nimashqannöla lapantapis wilakuykä».
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 13 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21