bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan (Tayta Diospa Wilakuynin) 2003
/
John 20
John 20
Quechuan (Tayta Diospa Wilakuynin) 2003
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 21 →
1
Semäna qalaykunan junaqmi María Magdalena tsaka tsakala aywarqan Jesús pamparaykashqan kaqman. Chayaykurmi tarirqan sepultüra tsaparaq rumi wititsishqa kaykaqta.
2
Tsayta rikaykurmi warakayla kutirqan Simón Pedruta y Jesús kuyashqan discïpuluta wilananpaq. Chayaykurmi kayno nirqan: «¡Jesúspa ayantami apakärishqa! ¡Manami musyapäkütsu maypa apakärishqantapis!»
3
Tsayno wilaptinmi Jesús kuyashqan discïpulu y Pedro aywapäkurqan Jesústa pampashqan kaqman.
4
Warakayla aywarmi jukaq discïpulun Pedruta yalirir puntata chayarqan.
5
Sepultüra punkulapita watqaykurmi rikarqan säbanaslana qoturaykaqta.
6
Qepanta Simón Pedro chayaykurnami ruriman yaykushpan säbanaslatana paypis tarirqan.
7
Jesúspa umanta watapashqan ratashtaqa uman kashqan läducho doblashqatami tarirqan.
8
Tsayraqmi punta chayaq discïpulupis ruriman yaykurqan. Paypis tsaykunata rikarmi criyirqan.
9
Tsayno kaykaptinpis manami tantiyapäkurqanraqtsu kawarimunanpaq Tayta Diospa palabran niykashqanta.
10
Tsaypitanami patsarashqan wayiman kutikärirqan.
11
Maríanami pamparashqan kaqman kutiykur punkucho waqar quëdakurqan. Waqaykashqancho sepultürata watqaykurmi
12
rikarqan ishkay angilkuna yoraq röpashqa kaykaqta. Jukaq jamaraykarqan Jesúspa uman kashqan kaqcho y jukaqnami jamaraykarqan chakin kashqan kaqcho.
13
Tsay angilkunami Maríata tapurqan kayno nir: «¿Imanirtaq waqaykanki?» Tsayno tapuptin nirqan: «Señornïpa ayantami apakärishqa. Manami musyätsu mayman churashqantapis».
14
Tsayno nir tikraykushqanchömi Jesústa rikarqan. Itsanqa pay kashqanta manami tantiyarqantsu.
15
Tsaymi Jesús tapurqan kayno nir: «¿Imanirtaq waqaykanki? ¿Pitataq ashiykanki?» Tsayno tapuptinmi huertacho aruq runa kashqanta yarpar María kayno nirqan: «Maymanpis Jesúspa ayanta apashqa karqa shuntakamunäpaq wilaykalämay, tayta».
16
Tsaymi Jesús kayno nirqan: «¡María!» Tsayno niptinmi María tikraykur kayno nirqan: «¡Raboni!» Hebreo idiömacho raboni ninanqa yachatsikuq ninanmi.
17
Nirkurmi Jesús kayno nirqan: «Ama tsarimaytsu. Taytä kaqman manaraqmi aywashqäraqtsu. Kananqa discïpulükunata wilay Taytä kaqman kutikunäpaq kashqanta. Noqapa Taytäqa qamkunapapis Taytaykimi y Diosnïqa qamkunapapis Diosnikimi».
18
Tsayno niptinmi María Magdalena jukla aywarqan Jesús yuripashqanta y imata nishqankunatapis discïpulunkunata wilananpaq.
19
Tsay tsakaymi discïpulunkuna juk wayicho juntakashqa kaykarqan. Israel runakunapa autoridäninkunata mantsakurmi punkuta trancakärirqan. Tsaycho karkaykaptinmi elaqpita Jesús yuriparkur kayno nirqan: «Ali kaway qamkunacho kaykulätsun».
20
Tsayno nirmi makinta y lapsha pachanta rikatsirqan. Jesústa rikaykurmi discïpulunkuna fiyupa kushikärirqan.
21
Jesúsmi yapay kayno nirqan: «Ali kaway qamkunacho kaykulätsun. Taytä kachamashqannölami noqapis qamkunata kachaykä».
22
Tsayno nishpanmi paykuna kaqman pükashpan kayno nirqan: «Espíritu Santuta chaskipäkuy.
23
Pitapis jutsa rurashqanta perdonaptikiqa Tayta Dios perdonanqami. Mana perdonaptikimi itsanqa mana perdonanqatsu».
24
Discïpulunkuna juntaraykashqanman Jesús chayananpaqqa Milïshu nishqan Tomás manami karqantsu. Payqa Jesúspa apostolninmi karqan.
25
Tomáswan tinkurnami discïpulu mayinkuna kayno nir wilapäkurqan: «¡Señor Jesucristumi yuripämashqa!» Tsaymi Tomás kayno nirqan: «Clävu uchkushqan makinta manaraq rikar, tsayman dëdüta manaraq jatir y tuksishqan lapsha pachanman makïta manaraq jatirqa manami criyishaqtsu».
26
Tsaypita juk semänatanami discïpulunkuna yapay juk wayiman juntakarqan. Tsaychömi itsanqa Tomáspis kaykarqan. Punkuta trancakurkur karkaykaptinmi Jesús paykunapa nawpancho elaqpita yurirkur winchikurqan kayno nir: «¡Ali kaway qamkunacho kaykulätsun!»
27
Nirkurnami Tomásta kayno nirqan: «Tomás, makïta rikay. Clävu uchkushqanman dëduykita jatiy. Tuksimashqan lapsha pachämanpis makikita jatiy. ¿Imanirtaq mana criyinkitsu?»
28
Tsawraqa Tomás kayno nirqan: «¡Señorlä y Diosnilä!»
29
Jesúsnami kayno nirqan: «¿Rikaykamarraqku criyinki? ¡Mana rikaykämarpis criyiqkunaqa kushishqami kanqa!»
30
Discïpulunkuna rikaykaptin atska milagrukunatami Jesús rurarqan. Tsaykunaqa manami lapantsu kay librucho qelqaraykan.
31
Kay librucho qelqaraykaqkunaqa kaykan Jesús salvamaqnintsi Cristo kashqanta y Diospa Tsurin kashqanta criyipäkunaykipaqmi y criyir mana ushakaq kawayta taripäkunaykipaqmi.
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 21 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21