bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan (Tayta Diospa Wilakuynin) 2003
/
John 21
John 21
Quechuan (Tayta Diospa Wilakuynin) 2003
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
1
Tsaypitanami Tiberias qocha kuchuncho discïpulunkunata Jesús yapay yuriparqan.
2
Tsaychömi kaykarqan Simón Pedro, Milïshu nishqan Tomás y Natanaelpis. Natanaelqa karqan Galileacho kaykaq Caná markapitami. Tsaynölami Zebedeupa ishkan tsurinkuna y mas ishkay discïpulukunapis kaykarqan.
3
Paykunatami Simón Pedro kayno nirqan: «Pescädu tsariqmi aywaykä». Tsayno niptinmi kayno nipäkurqan: «Noqakunatapis pushamay». Tsayno nirmi büquiman witsarkur lapan aywarqan. Tsay tsakay warayta pescakuykarpis manami ni juklaylatapis tsaripäkurqantsu.
4
Patsa waraykaptinnami rikapäkurqan juk runa qocha kuchuncho kaykaqta. Itsanqa Jesús kashqanta manami musyapäkurqantsu.
5
Paymi qayakur kayno nirqan: «Amïgukuna, ¿pescäduta tsaripäkushqankiku?» Tsawraqa kayno nipäkurqan: «Manami imapis kantsu, tayta».
6
Tsayno niptinmi kayno nirqan: «Büquipa alawqa kaq nawpanman rednikita mashtapäkuy. Tsaychöqa pescädu kanqami». Tsawraqa redninta mashtarnami tsutaytapis mana kamäpakushqanyaq pescäduta tsaripäkurqan.
7
Tsawraqa Jesús kuyashqan kaq discïpulunqa Pedruta kayno nirqan: «¡Payqa Señornintsimi!» Tsayno niptinmi Simón Pedruqa röpanta tseqlanman wachkakurkur jukla Jesús kaqman nadyaypa aywarqan.
8
Wakin kaq discïpulukunanami büquiwan aywapäkurqan rednincho tsaytsika pescädu qarachashqa. Qocha kuchunman chayananpaqqa pachak (100) metrunölami karqan.
9
Kuchunman chayaykushpannami taripäkurqan tantata y shansha janancho pescädu kankashqata.
10
Tsawraqa Jesús kayno nirqan: «Tsaripäkamushqayki pescäduta juk ishkayta apapäkamuy».
11
Tsayno niptinmi Simón Pedro büquiman witsarkur redta qarachämurqan pescädukunata apananpaq. Tsay redchömi karqan pachak pitsqa chunka kimsa (153) jatusaq pescädukuna. Tsaytsika pescädu kaykaptinpis red manami rachikarqantsu.
12
Tsawraqa Jesús kayno nirqan: «Mikuq shapäkamuy». Señor Jesús kashqanta musyarmi mayqan discïpulunpis mana tapuparqantsu pï kashqantapis.
13
Paykuna kaqman witiykurmi Jesúsqa tantata y pescäduta aypurqan.
14
Tsaycho yuripashqanwanqa kawarimushqanpita kimsa kutinami discïpulunkunata Jesús yuriparqan.
15
Mikuyta usharkurnami Simón Pedruta Jesús tapurqan kayno nir: «Jonáspa tsurin Pedro, wakin kaq discïpulükunapita ¿masku kuyamanki?» Tsayno tapuptin Pedro kayno nirqan: «Awmi Tayta, qam musyankimi kuyashqäta». Tsawraqa Jesús kayno nirqan: «Uysha malwäkunata shumaq rikanki».
16
Yapay tapurmi kayno nirqan: «Jonáspa tsurin Simón, ¿kuyamankiku?» Tsayno tapuptin Pedro nirqan: «Awmi Tayta, qam musyankimi kuyashqäta». Niptinmi nirqan: «Uyshäkunata shumaq mitsinki».
17
Tsaypita yapaymi tapurqan: «Jonáspa tsurin Simón, ¿rasunpaku kuyamanki?» Tsaynöla kimsa kuti tapuptinmi Pedro lakishqa kayno nirqan: «Qamqa lapantami musyanki, Tayta. Kuyashqätapis musyankimi». Niptinmi Jesús nirqan: «Tsawraqa uyshäkunata shumaq rikanki.
18
Rasunpami kayno nï: Mözularaq karqa röpaykita jatikurkur maypapis munashqaykipami aywarqayki. Awkinyaptikimi itsanqa rikraykita mashtarkuptiki jukna jatipäshunkipaq. Tsaynöpis aywayta mana munashqaykipami apapäkushunkipaq».
19
Tsayno nirmi Pedruta Jesús tantiyatsirqan Tayta Dios munashqanno kawar imano wanunanpaq kashqanta. Nirkurnami Pedruta kayno nirqan: «Qatirämay».
20
Tsaypitanami tikraykur Pedro rikarqan Jesús kuyashqan kaq discïpuluta. Tsay discïpulumi Pascua cënaycho Jesúspa läduncho tapurqan mayqan discïpulun contran sharkunanpaq kashqantapis.
21
Tsayno rikärirmi Jesústa Pedro kayno tapurqan: «Tayta, paytaqa ¿imataq pasanqa?»
22
Tsayno tapuptinmi Jesús kayno nirqan: «Noqa munaptïqa kutimunäyaqpis kawanmanchari. ¿Imanirtaq paypaq tapumanki? Qamqa qatirämay».
23
Jesús tsayno nishqanta mayaykurmi maytsaychöpis wawqi panikuna yarpapäkurqan tsay discïpulun imaypis mana wanunanpaq kashqanta. Tsayno yarpaptinpis Jesús manami mana wanunanpaq kashqantatsu nirqan, sinöqa kayno nirqan: «Noqa munaptïqa kutimunäyaqpis kawaykanqachari. ¿Imanirtaq paypaq tapumanki?»
24
Jesús kuyashqan discïpulumi kay libruta qelqashqa. Lapan qelqashqankunaqa rasun kaqmi kaykan.
25
Jesús rurashqankuna mas atskaraqmi kaykan. Lapanta qelqaptinqa intëru kay patsacho papilpis manami aypanmantsu. [Amén.]
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
All chapters:
1
2
3
4
5
6
7
8
9
10
11
12
13
14
15
16
17
18
19
20
21