bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan (Tayta Diospa Wilakuynin) 2003
/
Matthew 14
Matthew 14
Quechuan (Tayta Diospa Wilakuynin) 2003
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 15 →
1
Tsay witsanmi Galileapa mandaqnin Herodes mayarqan Jesúspaq pïmaypis parlapäkushqanta.
2
Tsaymi yanapaqninkunata Herodes kayno nirqan: «Tsay runaqa Bautizaq Juanmi kawarimushqa kanqa. Tsaymi munayniyuq kaykan milagrukunata rurananpaq».
3
Nawpatami Juanta Herodes prësu tsaritsir cadinawan watarkur carcilman wichqatsishqa karqan. Tsayno rurarqan Herodías jutiyuq warmi manakuptinmi. Herodías karqan Herodespa wawqin Felipipa warminmi.
4
Herodíasta Herodes warminpaq apashqa kaptinmi Juan kayno nirqan: «Wawqikipa warminta tsararashpayki jutsatami ruraykanki».
5
Tsayno niptinmi Herodesqa Juanta wanutsiyta munarqan. Wanutsiyta munarpis profëta kashqanta lapan runakuna niptinmi mantsakurqan.
6
Tsaypita Herodespa diyancho fiestata ruraptinmi Herodíaspa jipash wawan lapan qayatsishqankunapa nawpancho shumaq qatswarqan. Tsayta rikarmi Herodes pasaypa kushikushpan
7
Tayta Diospa jutincho jurar tsay jipashta promitirqan kayno nir: «Imatapis manakamashqaykitami qoykushayki».
8
Tsayno niptinmi jipashqa maman yachatsishqannöla Herodesta kayno nirqan: «Bautizaq Juanpa umanta juk plätucho qoykamay».
9
Tsayta manakuptinmi rey Herodes fiyupa lakikurqan. Tsayno kaptinpis qayatsishqankunapa nawpancho jurashqa karmi manakushqanta qoykunanpaq wardiakunata nirqan.
10
Tsaymi wardiakunaqa Juanpa umanta carcilcho roqurir
11
juk plätucho apamur jipashta ayaparkurqan. Jipashnami mamanta ayaparqan.
12
Tsayno rurashqanta mayaykurmi Juanpa discïpulunkuna ayanta shuntarkur pampapäkurqan. Tsaypitanami Jesúsman aywaykur Juanta wanutsishqanta wilapäkurqan.
13
Tsayta musyaykurmi büquiman witsarkur chunyaqninman Jesús japalan aywakurqan. Aywakushqanta musyaykurnami runakuna markakunapita chakilapa aywapäkurqan Jesústa tarishqanyaq.
14
Büquipita urarpurnami Jesús tarirqan atska runakuna shuyarpaykaqta. Tsaymi kuyapashpan qeshyaykaqkunata aliyätsirqan.
15
Tardiyaptinnami discïpulunkuna Jesús kaqman aywaykur kayno nipäkurqan: «Chunyaqchömi kaykantsi. Patsapis tardiyaykannami. Runakunata niykuy markakunapa aywar mikuyninkuna rantipäkamunanpaq».
16
Tsayno niptinmi Jesús kayno nirqan: «Manami mikuy ashiq aywapäkunmantsu. Qamkuna mikuyta qarapäkuy».
17
Tsayno niptinmi discïpulunkuna kayno nipäkurqan: «Pitsqa tanta y ishkay pescädulami mirkapäkuna kaykan».
18
Tsawraqa Jesús kayno nirqan: «Tsay mirkapaykita apapäkamuy».
19
Nirkurmi runakunata Jesús nirqan pashpaman jamakärinanpaq. Pitsqa tantata y ishkay pescäduta aptarkurmi jana patsata rikärishpan Tayta Diosta Jesús yusulpäki nirqan. Tantata pakirirnami discïpulunkunata makyarqan runakunata aypupäkunanpaq.
20
Saksashqanyaq mikurkuptinnami putsushqankunata chunka ishkay canasta juntata shuntapäkurqan.
21
Tsaycho mikuqkuna karqan pitsqa waranqano (5,000), warmikunata y wamrakunata mana yupaylapami.
22
Tsaypitanami discïpulunkunata Jesús nirqan büquiman witsarkur wak tsimpaman nawpapäkunanpaq. Nirkurnami tsaycho kaq runakunata despacharkur
23
Tayta Diosta manakunanpaq kikilan jirkaman witsarqan. Tsaychömi patsa tsakashqanyaq manakurqan.
24
Tsayyaqqa discïpulunkuna qocha chawpintanami büquiwan aywarkaykarqan. Fiyupa wayrar yakuta pulchaqyätsiptinmi pasaypa nakarkaykarqan.
25
Patsa waraykaptinnami discïpulunkuna kaqman yaku jananpa Jesús aywarqan.
26
Tsayta rikaykurmi discïpulunkuna fiyupa mantsakar qapararqan kayno nir: «¡Achachalay! ¡Almachaq aywaykämun!»
27
Tsawraqa Jesús kayno nirqan: «¡Noqami kaykä! ¡Ama mantsakamaytsu!»
28
Tsawraqa Pedro kayno nirqan: «Rasunpa qam karqa noqapis yaku jananpa shamunäpaq niykalämay, tayta».
29
Tsayno niptin Jesús kayno nirqan: «Shamuy». Tsawraqa büquipita yarqurir yaku jananpa Jesús kaqman aywayta qalaykurqan.
30
Fiyupa wayraptinmi mantsakashpan talpukarqan. Tsaymi qapararqan kayno nir: «¡Salvaykalämay, tayta!»
31
Tsawraqa makinpita jukla tsutarkur Jesús kayno nirqan: «Janan shonqula yärakuq runa, ¿imanirtaq mana yärakamankitsu?»
32
Büquiman witsarkuptinnami wayra chawarqanna.
33
Tsayta rikaykurmi büquicho kaykaqkuna qonqurpakuykur kayno nipäkurqan: «¡Rasunpami Tayta Diospa Tsurin kaykanki, tayta!»
34
Qochata tsimparkurnami Genesaret pampaman chayapäkurqan.
35
Tsaycho runakuna Jesústa reqirkurmi maytsaypa wilakatsirqan. Tsaymi lapan qeshyaqkunata apapäkurqan aliyätsinanpaq.
36
Chayaykatsirmi Jesústa ruwakärirqan qeshyaqninkuna röpanpa kuchulantapis yataykunanpaq. Tsaychömi lapanpis yataq kaqqa aliyarqan.
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 15 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28